Loma꞉ 15:19 - Panake Pi La: Ula: Buka pita: Kine Pieke Buka

¹⁹ wele wotu pa꞉la꞉ ekimanu make na hando haeme ekimanu make ipika꞉ Sipitidima꞉ wele wotu pia꞉eki make koto ekimanu paeyao handaata꞉ pimikime. Koto ekina꞉ I̱ma꞉ta꞉ mo Diutuseleme da pa꞉ta꞉ kini pu mea wala꞉tiki pua mo Ilitikumi nane kone mo hande Ketiso pa꞉ta꞉ ipula꞉ Pi Seliapo paeyao pa꞉ta꞉ wala꞉niaowa꞉me.

Loma꞉ 15:19 Mawu Ofanana

Ma꞉tiu 12:28

Dia꞉me. I̱ma꞉ mo hoke temokomanu teliolo weleta꞉ Bielisibuluna꞉ welema꞉ na pitolopate Koda꞉na꞉ Sipitidina꞉ welema꞉ peaaso haena꞉ pitolome. Koto ekina꞉ta꞉ Koda꞉na꞉ Kilu Tombuao Hala꞉ ekita꞉ iki teke pa꞉ta꞉ a꞉pa hala꞉pate na handelememe.

Dioni 4:48

Yesuma꞉ mo hali pa꞉ta꞉ alota꞉ Ikana꞉ma꞉ hau tieke ipula꞉eki handolo homeke pa hone tulaasememe leekeme.

Aposolo 1:8

Koto pa꞉la꞉pate ikita꞉ wele pita꞉la꞉eki milimikie leekeme. Mo Holi Sipitidi epea꞉ka꞉na꞉ta꞉ ikita꞉ yaka wekitisi haliweki Diutuseleme pa꞉ta꞉ make Sametia pa꞉ta꞉ make Diudia paeyao pa꞉ta꞉ make hama hama pea kenke honiki honiki paeyao pa꞉ta꞉manu make la halimikie leekeme.

Aposolo 13:14

Peka da mina꞉pa꞉lao puaata꞉ mo Pisidia da nane hayeke da A꞉ndioko da pa꞉ta꞉ opolo puaata꞉ mo Hoto Pila꞉ Natena꞉ mo haliwekita꞉ mo Diu haliwekina꞉ pi hotu haemeke da pa꞉ta꞉ honda꞉ pamba pua pitimikime.

Aposolo 13:51

Kutu pimikipate mo hali yaapoma꞉ ipilika꞉ ankena꞉ taleeke dokolota꞉ koto A꞉ndioko wanda꞉hali pa꞉ta꞉ tandelaata꞉ Aikoniomo da nane pepekeme.

Aposolo 14:10

pi anekema꞉ alota꞉ Tiao naka꞉ anke tindipao hae leekeme. Kutupa mo hande halita꞉ koto kone tindipulu bao tiao peekeme.

Aposolo 14:20

Kutu pimikipate mo pi mimiki haliweki ipiki wieke alena꞉ momba꞉la haena꞉ Polota꞉ tiao mo daoni tukiki pa꞉ta꞉ paa peekeme. Kutupa da kelepeeketa꞉ Banabasi yaapo mo Debi da nane pepekeme.

Aposolo 14:25

Kutupa Peka da pa꞉ta꞉ pi walaka꞉na꞉ A꞉talia da nane puniaepekeme.

Aposolo 14:6

mo hali yaapoma꞉ opuaata꞉ mo Laikonia nane haepeke Lisita Debi da yaapo pa꞉ta꞉ make mo topu damanu pa꞉ta꞉ make pindipa puaata꞉

Aposolo 15:12

Banabasi Polo yaapoma꞉ta꞉ Koda꞉ma꞉ ipiliki pa꞉ta꞉ wele pita꞉la꞉eki halaata꞉ mo na hando haemeke ekimanu make wele pieke ekimanu make mo Diendaili wanda꞉hali pa꞉ta꞉ pieke ekimanu walolo haena꞉ta꞉ mo mombelemeke haliwekima꞉ opitolo hata꞉ pi na leke yopu pitimikime.

Aposolo 16:18

Kutupa nate paeyao kutu pia꞉tiki pu haya꞉pate Poloma꞉ ipika꞉ pukima꞉ ka꞉nda꞉ma꞉ homolo hata꞉ la꞉ka꞉la mo temoko pa꞉ta꞉ alota꞉ Yesu Ketisona꞉ bikina꞉ neke pa꞉ta꞉ aloma꞉ mo wandiki mina꞉pa꞉lao opolu bao yopuma lea꞉me. Kutupa koto kone opolu baeya꞉me.

Aposolo 17:10

Koto kone mo Ketiso haliwekima꞉ Polo Sailasi yaapo Betia da pa꞉ta꞉ timba kone tapaemekeme. Kutupa mo da pa꞉ta꞉ opolo puata꞉ Diu haliwekina꞉ pi hotu haemeke da pa꞉ta꞉ pemekeme.

Aposolo 17:15

Hande Polo hatuku pemeke haliwekita꞉ mo A꞉ta꞉ni da nane ipiki hatuku puaata꞉ Poloma꞉ Sailasi Timodi yaapo do pa꞉ta꞉ a̱i̱ epena꞉ lolo pupe leeke pi opuaata꞉ pa la꞉ka꞉la pemekeme.

Aposolo 18:1

Kutupa A꞉ta꞉ni da mina꞉pa꞉lao mo Kotindi da nane puaata꞉

Aposolo 18:19

Kutupa Epesese opolo a꞉paata꞉ ipiliki koto pa꞉ta꞉ haena꞉ laata꞉ ipika꞉ kone mo pi hotu haemeke da pa꞉ta꞉ honda꞉ pamba pua Diu haliweki ame̱le̱ pi yokaalu pimikime.

Aposolo 19:1

Apolosi mo Kotindi da pa꞉ta꞉ haena꞉ Polota꞉ mo hande potopinisi tukikina꞉ yopu yopu pea Epesese da opolo epeekeme. Koto da pa꞉ta꞉ mandane disaipolo haliweki handeekeme.

Aposolo 20:20

Iki epeaalo pia꞉eki iki na a꞉mbaake walo haowa꞉ ekita꞉ handememe lea꞉me. Kutupa da ma꞉nda꞉ pa꞉ta꞉ make momba꞉la pitimi tukiki pa꞉ta꞉ make walo haowa꞉ ekita꞉ handememe lea꞉me.

Aposolo 20:6

Nikana꞉ma꞉ta꞉ mo hande Na Pombei Yaake Palaowa Ne pamba paeyeketa꞉ Pilipai da pa꞉ta꞉ hata꞉ palai kawasona꞉ pita pulu hamono nate yunki hata꞉ paeyeketa꞉ mo Todoa꞉si da pa꞉ta꞉ opolo puata꞉ mo haliweki ame̱le̱ mandake pa꞉ta꞉ hamono pula homeke yapea꞉me.

Loma꞉ 15:13

Mo hande ti lao haasa꞉ ekina꞉ teke hali Koda꞉ma꞉ta꞉ ikana꞉ma꞉ ipiki pa꞉ta꞉ hone tulaaseme ekina꞉ ta꞉na꞉ tiekema꞉ homelemeeki make puki lopa꞉niao halemeeki make iki pa꞉ta꞉ tumbao pitaeya꞉ka꞉na꞉ta꞉ epelieke. Kutupa ikana꞉ma꞉ ipikina꞉ ti lao hata꞉ hando haleme ekita꞉ mo Holi Sipitidina꞉ welema꞉ mea daeyatiki pina꞉ lea꞉ka꞉na꞉ta꞉ kota꞉ kotota꞉ epelieke.

Loma꞉ 15:16

Hande I̱ pa꞉ta꞉ ka꞉la꞉ eta꞉ dupae. Yesu Ketiso ipika꞉ e pokaaso hali hata꞉ mo Diendaili wanda꞉halina꞉ e pokaanoyeke ka꞉la꞉me. I̱ma꞉ mo hande Koda꞉na꞉ Pi Seliapo walaaso hata꞉ta꞉ yeni peaasa꞉ hali leke hata꞉ pitolome. Mo hande Diendaili wanda꞉halita꞉ Koda꞉ma꞉ ta꞉na꞉ma꞉ homolo hata꞉ mina꞉yeke pa hala꞉la꞉ ale leke haluekema꞉ pitolome. Mo Holi Sipitidima꞉ make mo hala꞉la꞉ aleta꞉ yako pina꞉ ala꞉me.

Loma꞉ 15:24

ame ipulueke laa hone pa꞉la꞉me. I̱ta꞉ Sipeini kenke nane yapuluekema꞉ yopuluta꞉ titina꞉ amba꞉la iki handuluekema꞉ hone pa꞉la꞉me. Iki ame̱le̱ hosiki a꞉pa haota꞉ pa mo Sipeini kenke nane poa꞉ka꞉na꞉ta꞉ kota꞉ ikana꞉ma꞉ I̱ tamba꞉ mimika꞉na꞉ta꞉ epelieke hone witolome.

1 Kotindi 2:4

Kutupa I̱ma꞉ta꞉ pi walolo hata꞉ mo hone wopu witeme kenke haliwekima꞉ aleme tupa꞉ pi hokulu hokulu na loa꞉pate pa mo Koda꞉na꞉ Sipitidima꞉ mo ipika꞉ wele wopupiki honkopu peneme yaena꞉yeke waloa꞉me.

2 Kotindi 12:12

Mo hande na handeke haumanu make ta꞉ta꞉piki haumanu make iki tukikina꞉ peneme yaasota꞉ I̱ta꞉ ota꞉ aposolo hali wala꞉la꞉me. Kutupiki haumanu pua꞉ ekita꞉ homuma꞉ pua꞉ ekina꞉ loa꞉me.

Ka꞉leisia 3:5

Ikana꞉ma꞉ mo pi ula꞉eki manuma꞉ pea꞉pa꞉peke ala꞉eki opua puemena꞉yeke handa Koda꞉ma꞉ ipika꞉ Sipitidi iki pa꞉ta꞉ kiaata꞉ mo na handeke haumanu iki pa꞉ta꞉ peao hala꞉pe o mo pi seliapo opua hone tulaamena꞉yeke handa kutu pu hala꞉pe.

Kolosi 1:25

Kutupa Koda꞉ma꞉ I̱ta꞉ siosina꞉ pa hameke e pokaaso hali hano laa ipikana꞉ma꞉ dupiki e ika꞉ epeke hauna꞉ peano la꞉la꞉me. Do eta꞉ mo hande ipika꞉ pi anekema꞉ walawano ala꞉ekie.

1 Desalonaika 1:5

Hande Pi Seliapota꞉ nikana꞉ma꞉ iki pa꞉ta꞉ mea epoma꞉pate pa pahameke ala꞉ pimanu na mea epeketa꞉ ota꞉ wele tonka꞉na꞉ Holi Sipitidi tonka꞉na꞉ do pita꞉ ota꞉eki laa hone wotu wia mea epoma꞉me. Iki ame̱le̱ hata꞉ pia꞉tiki puma꞉ haumanu make ikana꞉ma꞉ handememe. Iki epeaalo pieki pitolo puma꞉me.

2 Timodi 4:17

Kutu pimipate mo Tekehalima꞉ I̱ teke pa꞉ta꞉ hata꞉ I̱ wele peaya꞉me. Kutu pia꞉ ekima꞉ta꞉ mo pi na miki wanda꞉hali paeyaoma꞉ opina꞉ I̱ma꞉ mo Pi Seliapo epeke tupa꞉ waloa꞉me. Kutaa make mo laionima꞉ I̱ lu nena꞉ taapolo pimikieki teke pa꞉ta꞉ ya꞉na꞉ mo Tekehalima꞉ I̱ petelea꞉me.

Hibulu 2:4

Kutaa make koto ikana꞉ma꞉ la kimi pi manuta꞉ ota꞉ pie hone wiomono yeketa꞉ Koda꞉ma꞉ na handeke haumanu make ta꞉ta꞉ piki haumanu make piekeme. Kutupa make ipika꞉ hone pieke ekina꞉ mo Holi Sipitidina꞉ peaasa꞉ haumanu pa hameke haka꞉ta꞉pao telipatiki pu hayekeme.

1 Pida 1:12

Do hande opimi ota꞉ pita꞉ mo potopede haliwekima꞉ amba꞉ walaaso haena꞉ta꞉ Koda꞉ma꞉ iki pa꞉ta꞉ koto pita꞉ ika꞉eki dia꞉me. Mo wetepena꞉ haleme wanda꞉hali ika꞉eki peneme yao waleekeme. Mo Pi Seliapona꞉ kinki peaasa꞉ haliwekima꞉ hepeni nanema꞉ tapaeyeke Holi Sipitidina꞉ welema꞉ do ota꞉eki manuta꞉ iki pa꞉ta꞉ la kimime. Do ota꞉eki manuta꞉ mo enisolo haliwekima꞉ kone hone uluekema꞉ hone pu halememe.