Loma꞉ 13:8 - Panake Pi La: Ula: Buka pita: Kine Pieke Buka

⁸ Ikana꞉ma꞉ tondiki ma꞉nda꞉ ota꞉ na wina꞉ leke pa mo tondiki homeke homeke ula꞉ ekita꞉ dupa. Ika꞉ ika꞉ kone pukima꞉ homa꞉ alualu pea hapa꞉peke. Hali epima꞉ ma꞉nda꞉ pa꞉ta꞉ pukima꞉ homea꞉ka꞉na꞉ta꞉ kota꞉ mo hande Lo Pimanu opua꞉la꞉me.

Loma꞉ 13:8 Mawu Ofanana

Ma꞉tiu 7:12

Wanda꞉halima꞉ mandane haumanu iki pa꞉ta꞉ pina꞉e laa hone peleme tupa꞉ ikana꞉ma꞉ koto haumanu kone iki pa꞉ta꞉ pu hapa꞉peke. Kota꞉ Mosesima꞉ mo Lo Pi wiekeeki make potopede haliwekima꞉ wimiki mana꞉ pi make do koto hau peomono loluekema꞉ wieke pie.

Dioni 13:34

Ameta꞉ I̱ma꞉ iki pa꞉ta꞉ panake pi ula꞉eki la꞉ wiaasome dupa. Ika꞉ kone pukima꞉ homaalu alu pea hapa꞉peke. I̱ma꞉ iki pa꞉ta꞉ pukima꞉ homao tupa꞉ ikana꞉ma꞉ make pukima꞉ homaalu alu pea꞉pa꞉peke laa

Loma꞉ 13:10

Hali epima꞉ ma꞉nda꞉ pa꞉ta꞉ pukima꞉ homea꞉ka꞉na꞉ta꞉ kota꞉ ipikana꞉ma꞉ eki a꞉nda꞉ na pilieke. Kutu pita꞉la꞉ ekina꞉ pukima꞉ homa꞉la꞉ halima꞉ta꞉ mo hande Lo Pimanu paeyao kone opua꞉la꞉me.

Loma꞉ 13:7

Koto ekina꞉ mo haliweki pa꞉ta꞉ halo peleme ekita꞉ ota꞉ hala꞉pa꞉peke. Dakisi mani ta꞉ta꞉ ta꞉ta꞉ piki ekimanu ma꞉nda꞉ ma꞉nda꞉ lo hala꞉pa꞉peke. Kutupa mo haliweki pa꞉ta꞉ homu pea hata꞉ ika꞉ pi make opua꞉pa꞉peke.

Ka꞉leisia 5:14

Mo hande Lo Pi ula꞉eki paeyao apa꞉tao hone wiomonota꞉ kota꞉ pa pa uluma꞉ pi homeke homeke ula꞉me. Dupa. Naka꞉ kone pukima꞉ homele tupa꞉ kota꞉ naka꞉ yankeketonu pa꞉ta꞉ make pukima꞉ homa꞉pa꞉peke laa la ula꞉me.

Kolosi 3:14

Kutupa ota꞉ do epeke haumanu paeyao pa꞉ta꞉ta꞉ pukima꞉ homa꞉la꞉eki apa꞉taapa꞉peke. Do pukima꞉ homa꞉la꞉ hauma꞉ta꞉ mo hau pita꞉la꞉eki paeyao ota꞉ epeke tupa꞉ siki apa꞉taasa꞉me.

1 Timodi 1:5

Mo iki pa꞉ta꞉ na lapepee lapeke alo ekina꞉ teketa꞉ kota꞉ mo wanda꞉hali ika꞉ hone teke yako pea make ika꞉ puki lopao make ika꞉ Yesu pa꞉ta꞉ ota꞉ hone tulao halimi ekima꞉ make koto haumanu pilimi ekima꞉ ika꞉ ika꞉ kone pukima꞉ homa꞉ alualu pea haena꞉yeke loa꞉me.

Dia꞉mesi 2:8

Nika꞉ you halima꞉ta꞉ mo Baibolo buka pa꞉ta꞉ mo hande Lo Pimanu wape pa꞉la꞉ ekita꞉ Naka꞉ kone pukima꞉ homele tupa꞉ wanda꞉hali pa꞉ta꞉ make pukima꞉ homa꞉peke ala꞉ pi opua pimika꞉na꞉ta꞉ epeke hau pilimikie.

1 Dioni 3:10

Mo Koda꞉na꞉ wekiwandiki pita꞉ mo Hoke Temokona꞉ wekiwandiki yaapo ata꞉ka꞉ tieke pa꞉la꞉ ekita꞉ dupae. Ma꞉nda꞉ epima꞉ mo ota꞉ hau na pu o ipika꞉ yankeke pukima꞉ na homo pia꞉ka꞉na꞉ta꞉ ipikita꞉ Koda꞉na꞉ weki na hala꞉me.