Loma꞉ 12:9 - Panake Pi La: Ula: Buka pita: Kine Pieke Buka

⁹ Wanda꞉hali pa꞉ta꞉ pukima꞉ homemeka꞉na꞉ta꞉ kota꞉ ota꞉ pukima꞉ homa꞉pa꞉peke. Ikana꞉ma꞉ hokeeki handaata꞉ linka꞉ la꞉pa lopa hapa꞉peke. Epeke ekita꞉ mea mina hapa꞉peke.

Loma꞉ 12:9 Mawu Ofanana

Ma꞉tiu 26:49

Amba꞉ koto laa wieke tupa꞉ ipikana꞉ma꞉ tikitiki a̱i̱ koto kone Yesu teke pa꞉ta꞉ opolo ipulu alota꞉ Wala꞉la꞉ halio. Neketa꞉ epeke timba nane laata꞉ ipiki hopula꞉ mea nunu piekeme.

Dioni 12:6

Do leeke pita꞉ nate hali wanda꞉hali pa꞉ta꞉ a꞉ta꞉ma꞉ homolo na leke pake hali hata꞉ leekeme. Mani pausata꞉ ipikana꞉ma꞉ miniki hata꞉ mea pomiekepate ipika꞉ hone wia yoka꞉ mea꞉tiki piekeme.

Aposolo 11:23

Banabasita꞉ oli da opolo puaata꞉ Koda꞉ma꞉ epeaeyekeeki handaata꞉ ta꞉na꞉ma꞉ wopu homeekeme. Kutupa paeyao pa꞉ta꞉ Tekehalina꞉ pi da̱o̱la hata꞉ wopu miniki hao hapa꞉peke laa pi waleekeme.

2 Kotindi 6:6

Kutupa nika꞉ tikitiki piki hau puma꞉ ekima꞉ make nika꞉ hone manuma꞉ make nika꞉ homu pea yu wia haoma꞉ ekima꞉ make homu pitolo puki haloma꞉ ekima꞉ make paeyaoma꞉ta꞉ nikita꞉ Koda꞉na꞉ e pokaasoma꞉ haliwekie laa waloma꞉me. Kotota꞉ nika꞉ ota꞉ pukima꞉ homoma꞉ ekima꞉ make Holi Sipitidima꞉ make

2 Kotindi 8:8

I̱ma꞉ta꞉ mana꞉ pimanu ma꞉nda꞉ na lo witolome. Pate mo mandane wanda꞉halima꞉ a̱i̱ tamba꞉ muluekema꞉ hone witelemeeki waloloeki pa꞉ta꞉ yama꞉ I̱ma꞉ ika꞉ pukima꞉ homeleme ekita꞉ ekipape la handuluekema꞉ pitolome.

1 Desalonaika 2:3

Nikana꞉ma꞉ a꞉pa aloma꞉ pita꞉ wanda꞉hali hoeyao pamba꞉ na piki hau ma꞉nda꞉ puluekema꞉ kutu pitolo hata꞉ wanda꞉hali makealuekema꞉ na epoma꞉me.

1 Desalonaika 5:15

Mandane wanda꞉halima꞉ iki pa꞉ta꞉ hoke hau pimika꞉na꞉ta꞉ ikana꞉ma꞉ paa na hombo peaapa꞉peke. Hoto paeyaota꞉ ika꞉ ika꞉ kone epea alualu pea hata꞉ wanda꞉hali paeyao make epeaaluekema꞉ hone wopu wia꞉pa꞉peke.

1 Desalonaika 5:21

Hau paeyao pea handaata꞉ mo a꞉pa꞉la꞉ haumanu miniki hata꞉

1 Timodi 1:5

Mo iki pa꞉ta꞉ na lapepee lapeke alo ekina꞉ teketa꞉ kota꞉ mo wanda꞉hali ika꞉ hone teke yako pea make ika꞉ puki lopao make ika꞉ Yesu pa꞉ta꞉ ota꞉ hone tulao halimi ekima꞉ make koto haumanu pilimi ekima꞉ ika꞉ ika꞉ kone pukima꞉ homa꞉ alualu pea haena꞉yeke loa꞉me.

Hibulu 1:9

Nakana꞉ma꞉ta꞉ epeke hau pa꞉ta꞉ta꞉ puki wopu pelepate hoke hau pa꞉ta꞉ta꞉ honditi wopu peleme. Koto ekima꞉ta꞉ Koda꞉ naka꞉ Koda꞉ hata꞉ neke mea mo naka꞉ yankeke tonu lombei piki some halena꞉ tombo kitolo hata꞉ ta꞉na꞉ peaasa꞉ honku naka꞉ kitawaya꞉me leekeme.

Hibulu 12:14

Wanda꞉hali paeyao ame̱le̱ a꞉nda꞉ pelia haluekema꞉ taapo hapa꞉peke. Kutaata꞉ ika꞉ halo pelemeeki tonka꞉na꞉ yako peao haluekema꞉ taapo hapa꞉peke. Pa ekipeke. Koto hau na piki wanda꞉hali homeke a꞉nda꞉ma꞉ta꞉ mo Tekehali ota꞉ na handilimikie.

Dia꞉mesi 3:17

Kutu pita꞉la꞉pateta꞉ oli ya nanema꞉ ipula꞉ hone epekeeki dupae. Titina꞉ amba꞉la kipabaake hone wita꞉la꞉ekie. Kutupa make puki lopa꞉niao pila꞉eki make yopu hala꞉eki make homu pea hala꞉eki make a꞉ta꞉ma꞉ wopu homolo hata꞉ epeke haumanu pita꞉la꞉eki make paeyao ya nanema꞉ ipula꞉pateta꞉ honditi pita꞉la꞉eki make yayapiki hau pita꞉la꞉eki make apa꞉tao na ipula꞉me.

1 Pida 1:22

Koda꞉na꞉ ota꞉ pi opua pu haleme ekima꞉ta꞉ ika꞉ temoko yako pina꞉ lelememe. Ame ika꞉ Ketiso yankeke ota꞉ pukima꞉ homa halememe. Koto pelemepate ika꞉ puki paeyaoma꞉ pukima꞉ ota꞉ homa꞉ alualu pu hapa꞉peke.

1 Pida 4:8

Pukima꞉ homa꞉la꞉ ekima꞉ta꞉ hoke hau eleke eleke a꞉mbao haleke handa ika꞉ titina꞉ hauta꞉ pukima꞉ ota꞉ wopu homa꞉ alualu pu hapa꞉peke.