Loma꞉ 1:11 - Panake Pi La: Ula: Buka pita: Kine Pieke Buka

¹¹ Iki handuluekema꞉ I̱ma꞉ hone wotu pa꞉la꞉me. Mo hande Holi Sipitidina꞉ epeaasa꞉eki ma꞉nda꞉ iki pa꞉ta꞉ teli teli pealuekema꞉ ika꞉ puki taka꞉lao hamina꞉yeke loa꞉me.

Loma꞉ 1:11 Mawu Ofanana

Kini Pieke 31:30

I̱ma꞉ hone witolota꞉ neketa꞉ da a̱i̱ a꞉pawema꞉ ta꞉na꞉ma꞉ homolo hata꞉ pelepate ekipeke ya da pa꞉ta꞉ ua꞉ koda꞉ alemanu pake naa a꞉pa pelepe leekeme.

Aposolo 16:5

Koto ekina꞉ mo hande siosi tapake manuma꞉ hande pi mina꞉la꞉ ekina꞉ honkopu honkopu hao nate paeyao daeyaemekeme.

Aposolo 19:21

Kutupa hande pimiki ekimanu paeyeketa꞉ Poloma꞉ Diutuseleme da nane poluekema꞉ Ma꞉sedonia Akaya yaapo nanema꞉ lopa꞉la꞉ poluekema꞉ hone wia alota꞉ Kutupa pua Loma꞉ da nane make handolo pua꞉peke ya꞉la꞉me leekeme.

Aposolo 19:6

Kutupa Poloma꞉ ipika꞉ kiki yaapo ika꞉ youna꞉ wieketa꞉ mo Holi Sipitidi iki pa꞉ta꞉ epeekeme. Kutupa pi ta꞉ta꞉ ta꞉ta꞉ kone laaka꞉na꞉ta꞉ Koda꞉na꞉ pimanu lemekeme.

Loma꞉ 1:12

Do alo ekita꞉ dupae. Yaka hone tulaalo ekima꞉ iki tamba꞉ mina꞉ make ika꞉ hone tulaaleme ekima꞉ I̱ tamba꞉ mina꞉ make niki paeyaoma꞉ tamba꞉ mu alualu pumana꞉yeke loa꞉me.

Loma꞉ 15:23

Kutu pua꞉pate ameta꞉ hande hone ua꞉ kenke paeyaomanu pa꞉ta꞉ I̱ma꞉ e poko paeyaalome. Kutupa bapi wopu I̱ma꞉ iki handolo ipuluekema꞉ hone wia꞉tiki pua꞉ ekina꞉

Loma꞉ 15:29

I̱ epoa꞉ka꞉na꞉ta꞉ kota꞉ Ketisoma꞉ iki ota꞉ wotu epeaena꞉yeke ipuluekema꞉ loa꞉me.

Loma꞉ 15:32

Kutu pimika꞉na꞉ta꞉ Koda꞉na꞉ hone pa꞉la꞉ ekina꞉ I̱ma꞉ ta꞉na꞉ma꞉ homa꞉ paleke iki pa꞉ta꞉ ipulueke. Kutupate nika꞉ mandakena꞉ halo poloma꞉ ekima꞉ I̱ ta꞉na꞉ma꞉ homaalieke.

Loma꞉ 16:25

Nikana꞉ma꞉ Koda꞉na꞉ pi laamana꞉e. Koda꞉ma꞉ mo amba꞉ kiake kone a꞉mbao wieke pa ame I̱ma꞉ walolo hande Yesu Ketisona꞉ Pi Seliapo pa꞉ta꞉ yama꞉ Koda꞉ma꞉ ika꞉ hone tulao haleme ekita꞉ ana꞉na꞉ taka꞉lao hamina꞉ lelieke. Koto walolo pita꞉ mo amba꞉ kiaake kone a꞉mbao wieke ota꞉ pie.

2 Kotindi 1:15

I̱ta꞉ doeki manuna꞉ hone lenkipa꞉ witolota꞉ iki yaapo peao epeaena꞉ honema꞉ iki handolo ipuluekema꞉ hone pambao ua꞉me.

2 Kotindi 1:21

Koda꞉ ipikana꞉ma꞉ homeke niki iki ame̱le̱ Ketiso pa꞉ta꞉ tunaaloma꞉ ekima꞉ta꞉ nika꞉ da꞉ta꞉la꞉ ekita꞉ ota꞉ wia haloma꞉me laa hone lenkipa wiomono ala꞉me.

2 Kotindi 11:4

Pa ekipeke ikana꞉ma꞉ta꞉ iki pa꞉ta꞉ ma꞉nda꞉ epima꞉ a꞉pa mo Yesu ma꞉nda꞉na꞉ wala꞉la꞉ pita꞉ pa ta꞉na꞉ma꞉ homaa opu halememe. Mo nikana꞉ma꞉ waloma꞉ Yesuna꞉ dia꞉me. Ikana꞉ma꞉ mimi sipitidi pita꞉ pi seliapo yaapota꞉ ota꞉ ta꞉ta꞉ pa꞉la꞉me. Mo hande nikana꞉ma꞉ mea epoma꞉ Sipitidi pita꞉ Pi Seliapo yaapo ota꞉ dia꞉me.

2 Kotindi 9:14

Koto ekina꞉ta꞉ ikana꞉ma꞉ta꞉ pukima꞉ homa꞉la꞉eki tiekema꞉ ikina꞉ yeni peaalimikie. Pa ekipeke mo Koda꞉ma꞉ iki pa꞉ta꞉ ota꞉ anekema꞉ haka꞉ta꞉pake a꞉ta꞉ma꞉ homa꞉la꞉eki ka꞉la꞉ ekina꞉ loa꞉me.

Pilipai 1:8

Yesuma꞉ wanda꞉hali pa꞉ta꞉ pukima꞉ homa꞉la꞉ tupa꞉ kone iki pa꞉ta꞉ I̱ma꞉ make mandake tupa꞉ pukima꞉ homolo hata꞉ iki ame̱le̱ a꞉pa haowee hone u halome. I̱ma꞉ do alo pita꞉ ota꞉ pi aloeki Koda꞉ma꞉ handa꞉la꞉me.

Pilipai 2:26

Ipikana꞉ma꞉ iki a̱i̱ handuluekema꞉ hone wotu u hala꞉me. Kutupa ipiki yeni haasa꞉me pi opelemeeki opitolo hata꞉ ipikana꞉ma꞉ puki tandama꞉ homa꞉la꞉me.

Pilipai 4:1

Ya yankeke tonuo. Ikana꞉ma꞉ I̱ma꞉ hande loa꞉ pimanu paeyao hone witolo hata꞉ ika꞉ mo Tekehali pa꞉ta꞉ haleme ekita꞉ ota꞉ taka꞉lao hao hapa꞉peke. O ya yankeke tonuo. Ikita꞉ ya puki piki wanda꞉halie. I̱ma꞉ iki ame̱le̱ mandakena꞉ haluekema꞉ hone wopu pa꞉la꞉me. Ikana꞉ma꞉ I̱ ta꞉na꞉ma꞉ homa꞉ tiao halememe. I̱ma꞉ make iki pa꞉ta꞉ paleke na hao halome.

1 Desalonaika 3:13

Ipikana꞉ma꞉ kutu pilimi ekima꞉ ika꞉ puki taka꞉lawalieke. Kutu pia꞉ka꞉na꞉ta꞉ nika꞉ Tekehali Yesu ipika꞉ wanda꞉hali ame̱le̱ epolo peleme natena꞉ta꞉ ikita꞉ nika꞉ Apa꞉ Koda꞉ ipika꞉ leke popelekena꞉ mombela hata꞉ta꞉ ala꞉ta꞉ na piki epeke yakopiki wanda꞉hali halimikie.

1 Desalonaika 3:2

hata꞉ta꞉ hande Ketisona꞉ Pi Seliapo walolo hali nika꞉ mandakena꞉ Koda꞉na꞉ e pokaasoma꞉ hali dika꞉ kame Timodi tapaopa꞉me. Timodi tapaopa꞉ ekita꞉ mo iki pa꞉ta꞉ a꞉nda꞉ limiki ekina꞉ hali ma꞉nda꞉ paa la꞉ka꞉la peliekeyeke ipikana꞉ma꞉ iki taka꞉lao hata꞉ ika꞉ hone tulaalemeeki daeyamena꞉ petelo epeekeme. Kutupiki a꞉nda꞉ lita꞉la꞉eki manuta꞉ niki pa꞉ta꞉ a꞉pa꞉tiki pilieke laa Koda꞉ma꞉ la꞉ wiekeeki ikana꞉ma꞉ hone wilimime.

2 Desalonaika 2:17

Kutupa ipikana꞉ma꞉ make nika꞉ Tekehali Yesu Ketisoma꞉ make ipilikana꞉ma꞉ aela꞉ baasa꞉ hauma꞉ ika꞉ puki tumbaena꞉ lapa꞉peke aloma꞉me. Kutupa ika꞉ epeke hau paeyao pulu peleme ekina꞉ make ika꞉ epeke pi paeyao lolo peleme ekina꞉ make ipilikana꞉ma꞉ iki wele peawapa꞉peke aloma꞉me.

2 Desalonaika 3:3

Mo Tekehalima꞉ hone homeke u haleke handa ikita꞉ wele pealieke. Kutupa make Sadanima꞉ iki hoeyaapa꞉na꞉ handeteke halieke.

Hibulu 13:9

Amba꞉ na opimi pa ta꞉ta꞉ ta꞉ta꞉ piki pi walimieki manuma꞉ mo ika꞉ epeke pota꞉na꞉ pulimieki na yola꞉ mea pa꞉na꞉ lapa꞉peke. Koda꞉na꞉ a꞉ta꞉ma꞉ homa tamba꞉ mina꞉la꞉eki homekema꞉ ika꞉ puki hana꞉ noka꞉paena꞉ lemeka꞉na꞉ta꞉ a꞉pa꞉la꞉pate paa mo ne na nape laa pi ula꞉ hau manuma꞉ dia꞉me. Koto hau tolu haleme wanda꞉halita꞉ mo hauma꞉ iki na tamba꞉ mu hala꞉me.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.

1 Pida 5:12

Do doka꞉tiki tameiya꞉ta꞉ Silipanisi ya kame teke pa꞉ta꞉ ekima꞉ wape peaena꞉ wape pea pua꞉me. I̱ma꞉ iki sa꞉sa꞉ pealuekema꞉yeke ya ota꞉ pi alo hata꞉ mo la꞉tiki epolo pi paeyaota꞉ Koda꞉na꞉ ota꞉ a꞉ta꞉ma꞉ homa꞉la꞉ekie alome. Koto ekina꞉ta꞉ do a꞉ta꞉ma꞉ homa꞉la꞉ ekina꞉ da̱o̱la hao hapa꞉peke.

2 Pida 1:12

Kutupa ikana꞉ma꞉ta꞉ amba꞉ meleme ota꞉eki pa꞉ta꞉ honkopu hao hapa꞉lia hata꞉ do alo pimanu amba꞉ hone wilimipate I̱ma꞉ do hau manuta꞉ iki pa꞉ta꞉ paa opuaaso ombu halueke.