Kolosi 4:8 - Panake Pi La: Ula: Buka pita: Kine Pieke Buka

⁸ Koto ekina꞉ yeke ipikita꞉ iki a꞉pa ta꞉na꞉ homa꞉ tiaena꞉ tapaneaasome. Nikana꞉ma꞉ pitoloma꞉ ekimanu iki pa꞉ta꞉ la kina꞉ yeke loa꞉me.

Kolosi 4:8 Mawu Ofanana

1 Kotindi 4:17

Koto ekina꞉yeke hande Timodita꞉ iki pa꞉ta꞉ tapaasome. Ipikita꞉ yaka pukima꞉ homolo weki hata꞉ta꞉ ipika꞉ Ketiso hala꞉eki make ota꞉eki hala꞉me. I̱ma꞉ Ketiso hata꞉ hau pu haloeki make mo siosi paeyaona꞉ wanda꞉hali paeyao pa꞉ta꞉ walo haloeki make Timodima꞉ ika꞉ hone paa u tiaalieke.

2 Kotindi 1:4

Ipikana꞉ma꞉ nika꞉ ka꞉nda꞉manu minoloma꞉ pa꞉ta꞉ tamba꞉ mu hala꞉me. Pa ekipeke ipikana꞉ma꞉ niki tamba꞉ mia꞉eki muma꞉ ekita꞉ mo mandane ka꞉nda꞉ma꞉ homa꞉la꞉ wanda꞉hali tamba꞉ miomono pa꞉la꞉me.

2 Kotindi 12:18

I̱ma꞉ta꞉ Taitasi pue laa honke laata꞉ ipiki ame̱le̱ mo hande Ketiso kame ma꞉nda꞉ make tapaowa꞉me. Ikana꞉ma꞉ta꞉ Taitasima꞉ iki teke puleke laeya꞉me lelimipe. Dikana꞉ma꞉ta꞉ homeke hau teke peaata꞉ ota꞉ homeke tupa꞉ popeke pa꞉la꞉ haumanu na pupa꞉pe.

2 Kotindi 2:7

Ameta꞉ epeke ekita꞉ mo somema꞉ ka꞉nda꞉ma꞉ homolo hata꞉ Ketiso mina꞉pa꞉laapa꞉na꞉ iki paeyaoma꞉ ipika꞉ hoke hau pa paeyao epeke hau pina꞉ sutiaapa꞉peke ya꞉la꞉me.

Epesese 6:22

Ika꞉ puki hana꞉ noka꞉paaluekema꞉ nikana꞉ma꞉ pitoloma꞉ ekimanu paeyao ipikana꞉ma꞉ iki la kina꞉yeke Tikikasi iki pa꞉ta꞉ ta tapaaso handa꞉pe.

Pilipai 2:28

Koto pia꞉ ekina꞉ta꞉ I̱ma꞉ ipikita꞉ iki pa꞉ta꞉ tapaaluekema꞉ hone tieke wotu pa꞉la꞉me. Kutaata꞉ ikana꞉ma꞉ ipiki paa ipilieki handolota꞉ ta꞉na꞉ma꞉ paa homilimikie kutupa ya ka꞉nda꞉ma꞉ homoloeki make pa paeyaalieke.

Kolosi 2:2

I̱ma꞉ doeki pitolo ekita꞉ mo wanda꞉halima꞉ pukima꞉ homa꞉ alualu pitolo hata꞉ puki hana꞉ noka꞉pa꞉la꞉ ekima꞉ tumbina꞉ lena꞉ loluekema꞉ pitolome. Do pitolo ekita꞉ ikana꞉ma꞉ ota꞉ tikitiki piki hone wita꞉la꞉eki pa꞉ta꞉ yama꞉ a꞉pa꞉la꞉ hone tulaaseme honkopu muemena꞉ loa꞉me. Do hau pimika꞉na꞉ta꞉ Koda꞉na꞉ a꞉mbao ula꞉eki handilimikie. Do ekita꞉ Ketiso ipiki konee.

1 Desalonaika 2:11

Atekema꞉ ipika꞉ weki wandiki pa꞉ta꞉ pu hala꞉ tupa꞉ niki make iki ame̱le̱ hata꞉ koto tupa꞉ puma꞉eki ikana꞉ma꞉ handememe.

1 Desalonaika 3:2

hata꞉ta꞉ hande Ketisona꞉ Pi Seliapo walolo hali nika꞉ mandakena꞉ Koda꞉na꞉ e pokaasoma꞉ hali dika꞉ kame Timodi tapaopa꞉me. Timodi tapaopa꞉ ekita꞉ mo iki pa꞉ta꞉ a꞉nda꞉ limiki ekina꞉ hali ma꞉nda꞉ paa la꞉ka꞉la peliekeyeke ipikana꞉ma꞉ iki taka꞉lao hata꞉ ika꞉ hone tulaalemeeki daeyamena꞉ petelo epeekeme. Kutupiki a꞉nda꞉ lita꞉la꞉eki manuta꞉ niki pa꞉ta꞉ a꞉pa꞉tiki pilieke laa Koda꞉ma꞉ la꞉ wiekeeki ikana꞉ma꞉ hone wilimime.

1 Desalonaika 3:5

Kutu pa꞉la꞉ ekina꞉ I̱ma꞉ Timodi tapaowa꞉me. Yuwia hapeke soka꞉la꞉ pieke handa ika꞉ hone tulaaleme ekimanu handoma꞉ tiaena꞉ Timodi tapaowa꞉me. Sadanima꞉ iki makeala꞉ ekina꞉ nika꞉ e pokoloma꞉ ekita꞉ pa alepe laa opuluekema꞉ loa꞉me.

1 Desalonaika 4:18

Koto ekina꞉ta꞉ do pima꞉ ika꞉ yankeketiti ame̱le̱ ta꞉na꞉ma꞉ homa꞉ alualu pea hao hapa꞉peke.

1 Desalonaika 5:11

Koto ekina꞉ta꞉ ame do piteleme tupa꞉ ika꞉ ika꞉ kone sa꞉tia alualu pea tamba꞉ mu alualu pitolo hapa꞉peke.

1 Desalonaika 5:14

Kametitio. Iki sutiaasoma꞉me dupa. Pa pitu haleme wanda꞉halita꞉ mana꞉ laka꞉na꞉ mo pututuma꞉ homeleme wanda꞉hali sa꞉tiaaso hata꞉ mo damakopiki wanda꞉hali pa꞉ta꞉la꞉ mea꞉tiki pea iki paeyao wotu handeteke hatiki pea꞉pa꞉peke.

2 Desalonaika 2:17

Kutupa ipikana꞉ma꞉ make nika꞉ Tekehali Yesu Ketisoma꞉ make ipilikana꞉ma꞉ aela꞉ baasa꞉ hauma꞉ ika꞉ puki tumbaena꞉ lapa꞉peke aloma꞉me. Kutupa ika꞉ epeke hau paeyao pulu peleme ekina꞉ make ika꞉ epeke pi paeyao lolo peleme ekina꞉ make ipilikana꞉ma꞉ iki wele peawapa꞉peke aloma꞉me.