Kolosi 4:12 - Panake Pi La: Ula: Buka pita: Kine Pieke Buka

¹² Ika꞉ tapake some ma꞉nda꞉ ombu Epa꞉petasi Yesu Ketisona꞉ pa hameke e pokaasa꞉ halima꞉ a꞉taloe la꞉neaasa꞉me. Ipikana꞉ma꞉ta꞉ hoto paeyao ikina꞉ pukima꞉ e̱ alo haena꞉ yeni peaatiki pu hala꞉me. Ikita꞉ Koda꞉na꞉ hone pa꞉la꞉eki ota꞉ epeke tupa꞉ opitolo hata꞉ da̱o̱la hamena꞉ Koda꞉ pa꞉ta꞉ honke lao hala꞉me. Ipikana꞉ma꞉ dupiki hauta꞉ iki hone homeke wia keileke Ketiso wanda꞉hali hamena꞉ yeke peaasa꞉me laa loa꞉me.

Kolosi 4:12 Mawu Ofanana

Ma꞉tiu 5:48

Ikana꞉ma꞉ ika꞉ hepeni hala꞉ Apa꞉ta꞉ ota꞉ tondepe wopu pea hala꞉ tupa꞉ iki make tondepe pea hao hapa꞉peke ya꞉la꞉me.

Luku 1:1

Diopilusio. Mo niki tukiki pa꞉ta꞉ pa꞉la꞉eki manuta꞉ mandane wanda꞉hali wotuma꞉ ika꞉ ika꞉ kone honkopu wotu hao wape lao wilimime.

Luku 22:44

Kutupa pukima꞉ ka꞉nda꞉ tieke pieketa꞉ Yesuma꞉ ota꞉ anekema꞉ yeni piekeme. Kutu pieke ekima꞉ a꞉ka꞉li tieketa꞉ wema꞉ handekeeki oni kenkena꞉ lopeekeme.

Dioni 12:26

Hali epima꞉ yaka e pokaaluekema꞉ hone pia꞉ka꞉na꞉ta꞉ ipikana꞉ma꞉ ya hoki nane telia꞉ mea epena꞉e. Yaka e pokaasa꞉ halita꞉ I̱ halo alena꞉ kone diki mandakena꞉ halupekema꞉ loa꞉me. Yaka e pokaasa꞉ halita꞉ yaka Apa꞉ma꞉ koto halina꞉ biki tieke wina꞉ lelieke leekeme.

Loma꞉ 15:14

Yaka kame titio. Ikana꞉ma꞉ epeke haumanu putia pulu hata꞉ mo piteleme ekimanu make wotu handelememe. Kutupa ika꞉ ika꞉ kone mana꞉ la alualu pea꞉pa꞉peke ekita꞉ I̱ma꞉ ota꞉ handa꞉ ulume.

Loma꞉ 15:30

Ya kame titio. Nikana꞉ma꞉ Tekehali Yesu Ketiso pa꞉ta꞉ hone tulao haloma꞉ ekina꞉ make mo Holi Sipitidima꞉ hande pukima꞉ homa꞉la꞉eki niki pa꞉ta꞉ ka꞉la꞉ ekina꞉ make ikana꞉ma꞉ make I̱ma꞉ make honkopu hao mandake dina꞉ Koda꞉ pa꞉ta꞉ ya yeni peaama꞉na꞉yeke I̱ma꞉ iki sutiaaso loa꞉me.

1 Kotindi 14:20

Kametitio. Ikana꞉ma꞉ wekisunuma꞉ witeleme hone leke wia na hapa꞉peke. Hoke hau pita꞉la꞉ ekina꞉ta꞉ wekisunu leke hapeke ya꞉la꞉pate pa ika꞉ hone witeleme ekina꞉ta꞉ keileke wanda꞉hali hata꞉ witeleme hone leke wia꞉pa꞉peke.

1 Kotindi 2:6

Koto pa꞉la꞉pate pa mo Koda꞉na꞉ pina꞉ keileke haleme wanda꞉hali pa꞉ta꞉ I̱ma꞉ta꞉ hone wotu witolo hata꞉ pi walo halopate pa do kenkena꞉ hone wotu wita꞉la꞉ ekimanu na lo halome. Do kenkena꞉ kilu tombuao haleme haliwekina꞉eki pa꞉ta꞉ make loa꞉me. Koto haliwekina꞉ kilu tombuaasa꞉ ekina꞉ natemanu paelieke.

2 Kotindi 13:11

Koto ekina꞉ ameta꞉ yaka kame tonuo iki pa꞉ta꞉ a꞉taloe alome. Eki a꞉nda꞉ ota꞉ na piki wanda꞉hali hamena꞉ iki ota꞉ honkopu hao hapa꞉peke. Yaka loa꞉ honke pimanu opu hapa꞉peke. Ma꞉nda꞉ ma꞉nda꞉ ame̱le̱ homeke hone u alualu pea꞉pa꞉peke. Puki lopaniaasa꞉eki pa꞉ta꞉ hapa꞉peke. Kutupa mo pukima꞉ homa꞉la꞉eki make puki lopaniaasa꞉ ekina꞉ Koda꞉ta꞉ iki ame̱le̱ halieke.

Ka꞉leisia 1:10

Do alo pima꞉ta꞉ mo wanda꞉hali ta꞉na꞉ma꞉ homa꞉ tiaaluekema꞉ alope. Dia꞉me. Ota꞉ dia꞉me. I̱ma꞉ta꞉ Koda꞉ma꞉ ta꞉na꞉ma꞉ homolo pa꞉la꞉eki weitolome. I̱ma꞉ta꞉ wanda꞉halima꞉ ya biki daeyaena꞉ taapolope. Dia꞉me. Koto hau puluekema꞉ taapoa꞉ka꞉na꞉ta꞉ kota꞉ I̱ta꞉ Ketisona꞉ e pokaaso hali na hapeke ya꞉la꞉me.

Ka꞉leisia 4:19

Ya wekiwandiki sunuo. Ikana꞉ma꞉ Ketisona꞉ hau muemena꞉yeke ama꞉ma꞉ weki taapolo pila꞉ tupa꞉ I̱ma꞉ iki paa taapolo hata꞉ tanda mua꞉tiki pulume.

Kolosi 1:22

Pate ameta꞉ ipika꞉ Eiyeke kenke hali tupa꞉ homa꞉la꞉ ekima꞉ta꞉ Koda꞉ma꞉ ikita꞉ ipika꞉ yankeke tonu hamena꞉ la꞉la꞉me. Ikita꞉ ipika꞉ leke popelekena꞉ eki a꞉nda꞉ na piki wanda꞉hali leke hake peao yako pealuekema꞉ pa꞉la꞉me.

Kolosi 1:28

Doeki tekena꞉ta꞉ nikana꞉ma꞉ta꞉ paeyao pa꞉ta꞉ Ketiso walo haloma꞉me. Nika꞉ hone u lenkena꞉ pea witoloma꞉eki manuma꞉ta꞉ mo wanda꞉hali pa꞉ta꞉ kinki pitolo hata꞉ walo haloma꞉me. Dupuluekema꞉ yeketa꞉ nikana꞉ma꞉ta꞉ iki paeyao siki homeke homeke lo ku hata꞉ Ketiso yaapo ta꞉ma꞉ni pea Koda꞉na꞉ leke popelekena꞉ hatuku ipuluekema꞉ pitoloma꞉me.

Kolosi 1:29

Doeki pu paeyaaluekema꞉ a꞉ yeketa꞉ do I̱ pa꞉ta꞉ e poka꞉la꞉ Ketisoma꞉ kita꞉la꞉ wele wopu piki honkopuma꞉ta꞉ kima꞉ na homeke a꞉ka꞉li apa꞉la꞉ mea baatia pulu honkopu hao e poko halome.

Kolosi 1:7

Ikana꞉ma꞉ Koda꞉na꞉ a꞉ta꞉ma꞉ homolo tamba꞉ mina꞉la꞉ ekina꞉ pita꞉ nika꞉ mandake e pokaasa꞉ hali Epa꞉petasi pa꞉ta꞉ mimime. Ipikita꞉ diki tamba꞉ minolo hata꞉ kima꞉ na homeke Ketisona꞉ e epeke tupa꞉ pokaasa꞉ halie.

Kolosi 1:9

Do ekina꞉ yeke ikina꞉ ota꞉ opua mupa꞉ natena꞉ kone kini pea a꞉pa ame make hoto paeyao yeni peao ombu halopa꞉me. Koda꞉na꞉ hone pa꞉la꞉ tupa꞉ hone wita꞉la꞉ ekita꞉ ipika꞉ Sipitidima꞉ ku hala꞉ hone lenkena꞉ pea wita꞉la꞉eki pita꞉ hone wopu wita꞉la꞉eki yaapona꞉ hau paeyao pa꞉ta꞉ yama꞉ iki pa꞉ta꞉ tumbaena꞉yeke Koda꞉ pa꞉ta꞉ yeni peaatiki pu halopa꞉me.

Kolosi 4:9

Ipiki yaapota꞉ Onisimasi hande kima꞉ na homeke hone tulaala꞉ kame ipula꞉me. Ipikita꞉ ika꞉ tapake halie. Ipilikana꞉ma꞉ta꞉ do pate pita꞉la꞉ hau paeyao la kilieke.

1 Desalonaika 5:23

Nika꞉ puki lopawao hala꞉ Koda꞉ma꞉ ikita꞉ ika꞉ haumanu paeyao pa꞉ta꞉ yako pina꞉ lawaena꞉e alome. Kota꞉ nika꞉ Tekehali Yesu Ketisona꞉ epolo pa꞉la꞉ nateta꞉ ipula꞉me. Koto nate opolo epea꞉ka꞉na꞉ta꞉ ikita꞉ ata꞉ka꞉ na piki wanda꞉hali hamina꞉ Koda꞉ma꞉ ika꞉ temoko make a̱o̱a̱o̱ make loke make paeyaota꞉ ana꞉na꞉ handeteke hao haena꞉e alome.

Pailimono 1:23

Ketisona꞉ hauna꞉ I̱ ame̱le̱ mandake dipula pilupa꞉ hali Epa꞉petasima꞉ neke pa꞉ta꞉ a꞉talo pi tapaala꞉me.

Hibulu 5:14

Koto pa꞉la꞉pate mo hoke hau pita꞉ epeke hau yaapo talo talo pea epeke tupa꞉ telipea haleme keileke wanda꞉halima꞉ta꞉ mo epeke taka꞉lake ne tupa꞉ no halimikie.

Hibulu 5:7

Yesuma꞉ do kenkena꞉ hata꞉ta꞉ mo hande homa꞉la꞉ ekima꞉ ipiki meaama꞉na꞉ mo ipika꞉ pa꞉ta꞉la꞉peke yeke Koda꞉ pa꞉ta꞉ ipika꞉ yeni pieke ekima꞉ make honke leeke ekima꞉ make e̱ wi tieke laa e̱ pankeke lopolo haena꞉ yeni piekeme. Koto yenita꞉ homu pikima꞉ pieke handaa Koda꞉ma꞉ ota꞉ opiekeme.

Dia꞉mesi 1:1

I̱ta꞉ Dia꞉mesi Koda꞉ make Tekehali Yesu Ketiso yaapona꞉ e pokaaso hali halome. Do wape pitolo ekita꞉ hande ika꞉ kenke nane mina꞉pa꞉lao pemeke Isulai 12 tapake ika꞉ wanda꞉hali pa꞉ta꞉ tapaasome. Iki pa꞉ta꞉ keiyae pi alome.

Dia꞉mesi 1:4

Kutupa taka꞉lapa pua haemeka꞉na꞉ta꞉ hau ma꞉nda꞉siki na mina꞉pa꞉lake ota꞉ ana꞉na꞉ kone halimikie.

Dia꞉mesi 5:16

Koto ekina꞉ yeni tandela haluekema꞉ ika꞉ hoke hau peleme ekimanu ka꞉la꞉pa alualu peata꞉ kutupa ika꞉ kone Koda꞉ pa꞉ta꞉ yeni pitolo hata꞉ tamba꞉ mu alualu pea꞉pa꞉peke. Tikitiki yao hala꞉ halima꞉ yeni pia꞉ka꞉na꞉ta꞉ kota꞉ wele wotu pilieke.

2 Pida 1:1

I̱ta꞉ Saimono Pida mo hande Yesu Ketisona꞉ e pokaasa꞉ make aposolo halima꞉ loa꞉me. Mo hande niki da꞉taasa꞉ Koda꞉ Yesu Ketisona꞉ tikitiki hau pita꞉la꞉eki pa꞉ta꞉ yama꞉ hone tulaala꞉eki hala꞉la꞉ ekita꞉ nika꞉ hande ota꞉ seliapo piki ekima꞉ handekeeki meleme wanda꞉hali pa꞉ta꞉ do tameiya꞉ tapaasome.

Diudi 1:24

Koda꞉ma꞉ta꞉ iki lopaama꞉na꞉yeke ana꞉na꞉ handeteke hala꞉me. Kutupa mo ipika꞉ pa̱a̱ pu hala꞉ alena꞉ pua hamena꞉ yeke ipikana꞉ma꞉ iki ana꞉na꞉ hatuku pua꞉peke ya꞉la꞉me. Koto pa꞉ta꞉ta꞉ ikita꞉ ata꞉ka꞉ ma꞉nda꞉ na piki ta꞉na꞉ pita꞉la꞉ ekina꞉ tumbulu bao halimikie.