Kolosi 3:10 - Panake Pi La: Ula: Buka pita: Kine Pieke Buka

¹⁰ mo panake hau mea yamelememe. Kutupa panake hau wa꞉pa꞉la꞉ hali Koda꞉ma꞉ta꞉ do panake ekita꞉ ipikima꞉ handeke nono pina꞉yeke hoto paeyao panakeeki au laatiki pita꞉la꞉me. Dupita꞉la꞉ ekita꞉ ikana꞉ma꞉ ipiki hone wopu uemena꞉yeke pita꞉la꞉me.

Kolosi 3:10 Mawu Ofanana

Kini Pieke 5:1

Dota꞉ mo hande A꞉da꞉ma꞉na꞉ tapakena꞉ biki ula꞉ ekie. Koda꞉ma꞉ hande wanda꞉hali wepieke dina꞉ta꞉ ipikima꞉ kone handeke wanda꞉hali wepitolota꞉

Dioni 17:3

Deto hala꞉ ekita꞉ dupae. Neke homeke ota꞉ Koda꞉ haleeki make nakana꞉ma꞉ tapaale hali Yesu Ketiso hala꞉eki make telipina꞉ handa꞉la꞉ekie.

Loma꞉ 12:2

Ikana꞉ma꞉ta꞉ pa kenke wanda꞉halima꞉ pu haleme ekimanu tonka꞉na꞉ apa꞉tao puluekema꞉ hone na wia꞉pa꞉peke. Koto pa꞉la꞉pate Koda꞉ma꞉ ika꞉ hone topo pea wiaaso ika꞉ puki make la꞉ka꞉laena꞉ lapa꞉peke. Ipikana꞉ma꞉ kutu pia꞉ka꞉na꞉ta꞉ kota꞉ ikana꞉ma꞉ Koda꞉na꞉ hone pa꞉la꞉ ekita꞉ handilimikie. Kutu pita꞉la꞉ ekita꞉ epekeeki make Koda꞉ ta꞉na꞉ma꞉ homaasa꞉eki make eki a꞉nda꞉ na piki ota꞉ seliapo pea ula꞉eki make pita꞉la꞉me.

Loma꞉ 13:12

Da kelepuluekema꞉ yeke timba꞉ la꞉la꞉ ekita꞉ paelieke. Timba hata꞉ pu haloma꞉ ekimanu mina꞉pa꞉laota꞉ pa̱a̱na꞉ hata꞉ a꞉nda꞉ pea꞉peke ya꞉la꞉ alemanu mea miniki hamana꞉e.

Loma꞉ 13:14

Ikana꞉ma꞉ta꞉ ika꞉ lokena꞉ hoke hau tekema꞉ iki hoke hau puemena꞉yeke sutiaasa꞉ ekimanu na opiki Tekehali Yesu Ketiso ipika꞉ a꞉nda꞉ pea꞉peke alemanu mea miniki hapa꞉peke.

Loma꞉ 6:4

Koto bapitaisi puma꞉ ekita꞉ ipiki yaapo mandakena꞉ homa pa lapa꞉ pa꞉ta꞉ make mandake uma꞉me. Panake hau pu hata꞉ haluekema꞉ bapitaisi puma꞉me. Hande nika꞉ Apa꞉ma꞉ ipika꞉ honkopu hala꞉eki epekema꞉ Ketiso paa mea da꞉taeyeke tupa꞉ pitoloma꞉me.

Loma꞉ 8:29

Koda꞉ma꞉ amba꞉ talopu mea haena꞉ la꞉la꞉ wanda꞉halita꞉ ipika꞉ Eiyeke leke haena꞉yeke amba꞉ handa꞉ mea ta꞉ta꞉ haena꞉ la꞉la꞉me. Koto pa꞉la꞉ ekita꞉ ipika꞉ Eiyeketa꞉ ipika꞉ kamemanu paeyao ame̱le̱ hata꞉ta꞉ ipikita꞉ titina꞉ hali haena꞉yeke pa꞉la꞉me.

2 Kotindi 3:18

Kota꞉ niki paeyaota꞉ mo Tekehalina꞉ pa̱a̱ta꞉ na a꞉mbake nika꞉ leke popelekema꞉ta꞉ ipika꞉ pa̱a̱na꞉ su̱a̱ su̱a̱ waloma꞉me. Kutupa koto homeke pa̱a̱ma꞉ kone Tekehali hande Sipitidi pa꞉ta꞉ yama꞉ ipula꞉ ekima꞉ta꞉ nikita꞉ mo hoto paeyao pa daeya꞉tiki pu hala꞉ pa̱a̱ tieke pa꞉ta꞉ ipikima꞉ handomono topo peao hala꞉me.

2 Kotindi 4:16

Koto ekina꞉ta꞉ niki pa꞉ta꞉ ka꞉nda꞉manu epena꞉ kone ki hone na uluma꞉me. Nika꞉ manda loketa꞉ koke yomo yomo pita꞉la꞉pate nika꞉ temokota꞉ hoto paeyao wamo pea꞉tiki pu hala꞉me.

2 Kotindi 4:6

Mo amba꞉ hande Koda꞉ma꞉ alota꞉ Mo timba꞉ la꞉ pamba꞉la꞉ pa꞉ta꞉ta꞉ mo pa̱a̱ pa꞉la꞉ ekima꞉ pa̱a̱ pina꞉e leeke homeke Koda꞉ma꞉ kone mo pa̱a̱ta꞉ nika꞉ pukina꞉ pa̱a̱ peaya꞉me. Kota꞉ pa꞉la꞉ ekita꞉ Koda꞉ma꞉ ipika꞉ pa̱a̱ta꞉ Ketisona꞉ leke popelekena꞉ nikana꞉ma꞉ hone wiomonoyeke pa̱a̱ peaala꞉me.

2 Kotindi 5:17

Ma꞉nda꞉ epita꞉ Ketiso pa꞉ta꞉ tunaeya꞉ka꞉na꞉ta꞉ kota꞉ ipikita꞉ panake some hala꞉me. Amba꞉ ekita꞉ pulu hata꞉ panakeeki a꞉pa꞉la꞉me.

Ka꞉leisia 3:27

Ikana꞉ma꞉ Ketiso ame̱le̱ ta꞉ma꞉ni pea hamena꞉yeke bapitaisi peaya꞉me. Koto ekina꞉ta꞉ ameta꞉ ikana꞉ma꞉ Ketisona꞉ da꞉taasa꞉ ekita꞉ aka꞉ leke pambao halememe.

Ka꞉leisia 6:15

Sekemesaisi hau pita꞉ sekemesaisi na pita꞉la꞉ hau yaapota꞉ pa manda hau yaapoe. Ota꞉ hau tieketa꞉ Koda꞉ma꞉ niki panake wanda꞉hali mea haasa꞉eki homeke ota꞉ tumikiekie.

Epesese 2:10

Koda꞉ta꞉ niki wepia hamono la꞉la꞉ Halie. Ipikana꞉ma꞉ta꞉ nikita꞉ Yesu Ketiso yaapo ta꞉ma꞉ni pea hata꞉ epeke haumanu pu hamonoyeke nikita꞉ panake wanda꞉hali wepia hamono la꞉la꞉me. Nikana꞉ma꞉ kutupiki hau peomonoyeke Koda꞉ma꞉ amba꞉ kone pota꞉ pilao pa꞉la꞉me.

Epesese 2:15

Ipikana꞉ma꞉ta꞉ hande Diu wanda꞉halina꞉ Lo Pimanu hande tombo tombo wimiki pimanu tonka꞉na꞉ paeyaeyekeme. Dupieke ekita꞉ mo tapake yaapo pa꞉ta꞉ tapake homeke hata꞉ panake wanda꞉hali ipiki yaapo ta꞉ma꞉ni pea hata꞉ta꞉ ipikana꞉ma꞉ wepia haena꞉ loluekema꞉ piekeme. Kutu pieke ekina꞉ a꞉nda꞉ peliaowaeyekeme.

Kolosi 3:12

Ikita꞉ Koda꞉na꞉ wanda꞉halie. Iki pa꞉ta꞉ pukima꞉ homolo hata꞉ ipika꞉eki hamina꞉ ma̱leke lila꞉me. Koto ekina꞉ta꞉ ikana꞉ma꞉ta꞉ dupiki hau manuta꞉ dau leke yama꞉pa꞉peke. Pukima꞉ a꞉ta꞉ma꞉ homa꞉la꞉eki make yankeke pa꞉ta꞉ a꞉ta꞉ma꞉ homolo tamba꞉ mina꞉la꞉eki make kimelema꞉ homa꞉la꞉eki make homu pea hala꞉eki make homu pea yu wia hala꞉eki paeyaoma꞉ loa꞉me.

Kolosi 3:14

Kutupa ota꞉ do epeke haumanu paeyao pa꞉ta꞉ta꞉ pukima꞉ homa꞉la꞉eki apa꞉taapa꞉peke. Do pukima꞉ homa꞉la꞉ hauma꞉ta꞉ mo hau pita꞉la꞉eki paeyao ota꞉ epeke tupa꞉ siki apa꞉taasa꞉me.

Pailimono 1:6

Kame dikana꞉ma꞉ neke ame̱le̱ mo Yesu Ketiso pa꞉ta꞉ hone tulaasa꞉ hau pa꞉ta꞉ta꞉ ota꞉ homeke hone wia ta꞉ma꞉ni pea haloma꞉me. Kota꞉ mo ya yeni pitolo ekita꞉ mo naka꞉ hone tulaleeki pa꞉ta꞉ yama꞉ Ketisona꞉ epeke putupa꞉ ku hala꞉eki paeyao handoelena꞉ Koda꞉ma꞉ walena꞉ I̱ma꞉ ipiki pa꞉ta꞉ yeni pitolome.

Hibulu 6:6

kota꞉ koto hau paeyao pea hoki naneta꞉ ika꞉ hone tulaemekeeki mina꞉pa꞉lao lopea꞉ka꞉na꞉ta꞉ kota꞉ iki paa la꞉ka꞉la a꞉pa hone tulaena꞉ ma꞉nda꞉ma꞉ ota꞉ paa hatuku a꞉pa꞉pa꞉peke na ya꞉la꞉me. Dia꞉me. Ika꞉ koto peleme ekima꞉ta꞉ mo Koda꞉na꞉ Eiyeketa꞉ mo wanda꞉halina꞉ leke popelekena꞉ yaala꞉ma꞉ homena꞉ mo a꞉ka꞉tei wape piki tina꞉ ipiki paa liki nono pitelememe.

1 Dioni 2:3

Kutupa nikana꞉ma꞉ Koda꞉na꞉ pi ula꞉ ekimanu opua puma꞉ka꞉na꞉ta꞉ kota꞉ ipiki handoloma꞉me laa nika꞉ hone uluma꞉me.

1 Dioni 2:5

Pate ma꞉nda꞉ epima꞉ Koda꞉na꞉ pi opua pua꞉tiki pita꞉la꞉ someta꞉ kota꞉ ipiki Koda꞉ pa꞉ta꞉ puki hala꞉la꞉ ekita꞉ ota꞉ anekema꞉ handaa ula꞉me. Nikita꞉ Koda꞉ ame̱le̱ ta꞉ma꞉ni poloma꞉me laa hone uluekema꞉ pea꞉pekeeki dupa.

Peneme Yaeyekeeki 21:5

Kutupa mo kini seana꞉ pitia꞉ halima꞉ alota꞉ Ameta꞉ I̱ma꞉ ala꞉ta꞉ ala꞉ta꞉ paeyao panakeeki wepitolome lea꞉me. Ipikana꞉ma꞉ I̱ pa꞉ta꞉ dupa alota꞉ Do ekita꞉ laaniae. Pa ekipeke do pi manuta꞉ ota꞉eki ya꞉la꞉ ekina꞉ make ota꞉ hone tu lapeke ya꞉la꞉ pie lea꞉me.