Kolosi 3:1 - Panake Pi La: Ula: Buka pita: Kine Pieke Buka

¹ Ikita꞉ Ketiso yaapo paa mea tiaala꞉ ekina꞉ta꞉ oli hepeni ula꞉ ale manuna꞉ ika꞉ hone wopu ti la꞉ pelia haena꞉ lapa꞉peke. Ketiso ipika꞉ handeteke hala꞉ seana꞉ Koda꞉na꞉ popeke nane kikina꞉ pila꞉ alena꞉ loa꞉me.

Kolosi 3:1 Mawu Ofanana

Ma꞉tiu 22:44

Kota꞉ Deipidima꞉ta꞉ dupa leekeme. Mo Dihopama꞉ yaka Tekehali pa꞉ta꞉ dupa leekeme. Naka꞉ a꞉nda꞉ tunkuliki haliwekita꞉ naka꞉ anke oto pa꞉ta꞉ mea pitaaluekema꞉ neketa꞉ yaka popeke nane kiki nanema꞉ pita꞉peke laa la꞉la꞉me.

Ma꞉tiu 26:64

Yesuma꞉ hombo peaaso alota꞉ Koto aletaa leekeme. I̱ma꞉ iki paeyao pa꞉ta꞉ alome. Wetepena꞉ta꞉ mo Wanda꞉halina꞉ Eiyeketa꞉ mo wele pita꞉la꞉ Koda꞉na꞉ popeke nane kikina꞉ pitilia꞉eki make hando ya nane koa tukiki pa꞉ta꞉ hola꞉pa꞉niao ipilia꞉eki make ikana꞉ma꞉ hando pilimikie leekeme.

Ma꞉tiu 6:20

pa mo maka꞉ta꞉ ikiki na pu bisapu inkikima꞉ na no make haliwekima꞉ pake na mulu peleme Hepeni nane ika꞉ alemanu amu pia꞉pa꞉peke.

Ma꞉tiu 6:33

Koto pa꞉la꞉ ekina꞉ta꞉ ikana꞉ma꞉ mo Koda꞉na꞉ Kilu Tombuao Hala꞉eki make ipika꞉ tikitiki piki hau make epena꞉ loluekema꞉ yeke titina꞉ amba꞉la weiyu haemeka꞉na꞉ta꞉ kota꞉ Koda꞉ma꞉ mo koto ika꞉ hone peleme ale manuta꞉ iki ana꞉lao ku halieke.

Maka 12:36

Deipidima꞉ ipika꞉ kone alota꞉ Holi Sipitidima꞉ la halolo haena꞉ alota꞉ Mo Tekehalima꞉ yaka Tekehali pa꞉ta꞉ leekeeki dupa. Naka꞉ a꞉nda꞉ tunkuliki haliweki naka꞉ anke oto pa꞉ta꞉ mea pitaanoyeke yaka popeke nane kikina꞉ pita꞉peke la꞉la꞉me.

Maka 14:62

Yesuma꞉ alota꞉ I̱e. Kutupa iki paeyaoma꞉ mo hande Wanda꞉halina꞉ Eiyeketa꞉ mo Wele Pita꞉la꞉ Teke Halina꞉ popeke nane kikina꞉ pitilieeki handilimikie leekeme. Kutupa ya nane koa tukiki pa꞉ta꞉ hola꞉paniao ipilieeki handilimikie leekeme.

Maka 16:19

Koto ekina꞉ Tekehali Yesuma꞉ mo wanda꞉hali pi la halo paeyaota꞉ Koda꞉ma꞉ Yesu mea oli ya nane hatuku miekeme. Kutupa Yesuta꞉ Koda꞉na꞉ popeke nane kiki nane pitiniaeyekeme.

Luku 12:33

Ika꞉ ala꞉ta꞉ ala꞉ta꞉ta꞉ tapao mani meaata꞉ mo natehali wanda꞉hali pa꞉ta꞉ hala꞉pa꞉peke. Kutupa na kukutu pulu pa꞉la꞉ mani pausa meaata꞉ ika꞉ hamoko ale manuta꞉ oli ya nane na paeya꞉niake pa wia halo pelemeeki homeke amu pu hapa꞉peke. Ekipeke koto naneta꞉ mo pake no haleme haliwekima꞉ make bisapu inkikima꞉ make na hoeyaalimikie.

Luku 20:42

Pa ekipeke Deipidima꞉ ipika꞉ kone mo Emeli manuna꞉ buka pa꞉ta꞉ alota꞉ Mo Tekehalima꞉ yaka Tekehali pa꞉ta꞉ dupa leekeme.

Luku 22:69

Koto pa꞉la꞉pate ame do kini pea puaata꞉ hande Wanda꞉halina꞉ Eiyeketa꞉ oli wele wotu piki Koda꞉na꞉ popeke nane kikina꞉ pua pitu halieke leekeme.

Aposolo 2:34

Deipidima꞉ta꞉ oli ya nane na a꞉meiyekepate pa ipikana꞉ma꞉ alota꞉ Mo Tekehalima꞉ yaka Tekehali pa꞉ta꞉ alota꞉

Aposolo 7:55

Sidipeni Holi Sipitidima꞉ tumba hake halima꞉ oli ya pa꞉ta꞉ handa꞉liao Koda꞉na꞉ pa̱a̱ pita꞉la꞉eki make Yesuta꞉ Koda꞉na꞉ popeke nane kikina꞉ tiao haya꞉eki make handolo hata꞉ alota꞉

Loma꞉ 8:34

Hali epima꞉ iki pa꞉ta꞉ alota꞉ Hoke yenki milimikie laa lapeke ya꞉la꞉pe. Dia꞉me. Ma꞉nda꞉ma꞉ koto pi lapeke na ya꞉la꞉me. Yesu Ketisota꞉ homeekepate Koda꞉ma꞉ ipiki paa mea tiao ipika꞉ popeke kikina꞉ pitina꞉ leekeme. Yesu Ketisoma꞉ta꞉ Koda꞉ pa꞉ta꞉ nika꞉ pi la꞉ mea halao hala꞉me.

Loma꞉ 8:6

Ika꞉ hone witeleme ekita꞉ ika꞉ lokena꞉ hone pa꞉la꞉eki manuma꞉ handeteke hatiki pia꞉ka꞉na꞉ta꞉ kota꞉ homa꞉la꞉eki milimikie. Kutu pulu pelemepate ika꞉ hone witeleme ekita꞉ hande Sipitidima꞉ handeteke hatiki pia꞉ka꞉na꞉ta꞉ kota꞉ Koda꞉ma꞉ ika꞉ puki lopa꞉niawao iki da꞉taalieke.

2 Kotindi 4:18

Nikana꞉ma꞉ta꞉ nika꞉ leke wia haloma꞉eki manuta꞉ mo lekema꞉ handa꞉peke ale manuna꞉ dia꞉ya꞉la꞉pate pa mo lekema꞉ na handa꞉peke ya꞉la꞉ ale manuna꞉ pu haloma꞉me. Mo lekema꞉ handa꞉peke ale manuta꞉ nate leke hosiki sikina꞉ ulu pa꞉la꞉pate pa mo lekema꞉ na handa꞉peke ya꞉la꞉ ale manuta꞉ hoto paeyao ota꞉ pa u halieke.

Epesese 4:10

Kutupa hande hola꞉pa꞉niaeyeke hali kone ota꞉ oli manda hepeni pa꞉ta꞉ a꞉meiya puata꞉ oli ya kenke yaapo ipika꞉ hala꞉ ekima꞉ tumbaaluekema꞉ peekeme.

Epesese 5:22

Wanda꞉wekio hande ika꞉ Tekehali pa꞉ta꞉ homu pea haleme tupa꞉ ika꞉ haliki titi pa꞉ta꞉ make homu pea hapa꞉peke.

Kolosi 2:20

Ikita꞉ Ketiso yaapo homaata꞉ do kenkena꞉ teke na wiki mana꞉ pimanu pa꞉ta꞉ ka꞉la꞉pa꞉ tapao halememe. Koto ekina꞉ta꞉ pa ekipeke ikita꞉ do kenkena꞉ tapake hake nono pitelemepe.

Kolosi 3:2

Ika꞉ hone manuta꞉ koto pate ula꞉ ale manuna꞉ hone tulaa paleke hata꞉ do kenkena꞉ ula꞉ ale manuna꞉ hone na tulaapa꞉peke.

Hibulu 1:13

Koda꞉ma꞉ leeke pi ma꞉nda꞉ta꞉ dupa Naka꞉ a꞉nda꞉ tunkiliki tapaketa꞉ naka꞉ anke oto pa꞉ta꞉ haena꞉ laano neketa꞉ ya popeke kiki nanema꞉ hando pitie leekeme. Koto pita꞉ mo hande enisolomanu ma꞉nda꞉ pa꞉ta꞉ leeke yeke yekea. Dia꞉me.

Hibulu 1:3

Ipikita꞉ Koda꞉na꞉ pa̱a̱ tieke nikina꞉ pa̱a̱ peaasa꞉ hali hata꞉ make Koda꞉ma꞉ handeke kone make hata꞉ ipika꞉ wele wotu piki pima꞉ do kenke ya paeyao miniliao hala꞉me.

Hibulu 10:12

Pate Ketisoma꞉ hoke hau paeyaaluekema꞉ta꞉ hoto homeke homeke ipika꞉ da꞉ta꞉la꞉eki halaeyekeme. Koto homa꞉la꞉ ekima꞉ epe ala꞉ ekita꞉ topo na piki pa u pelia halieke. Kutu pu paeyeketa꞉ ipikana꞉ma꞉ Koda꞉na꞉ kiki popeke nanema꞉ pitiekeme.

Hibulu 12:2

Kutu puluekema꞉ta꞉ kota꞉ Yesuta꞉ nika꞉ hone tulaasa꞉ ekina꞉ kini pu mea pua ana꞉ lawalo pa꞉la꞉ teke hali hala꞉ ekina꞉ ipiki homeke handa꞉ paleke pomana꞉e. Ipikana꞉ma꞉ mo hande a꞉ka꞉tei wape piki ti yeke handaata꞉ pa pina꞉ na kiaeyekeme. Dia꞉me. Ipika꞉ pua mulu pieke ta꞉na꞉ma꞉ homa꞉la꞉ hau tieke handeeke ekima꞉ mo hande a꞉ka꞉tei wape piki tina꞉ homa꞉peke ekina꞉ yaala꞉ mea꞉peke ekina꞉ta꞉ hone ma꞉nda꞉ na wiekeme. Kutaa ameta꞉ ipikana꞉ma꞉ Koda꞉na꞉ pila꞉ ale tieke popeke nanema꞉ tilao pila꞉me.

Hibulu 8:1

Ameta꞉ kota꞉ do nikana꞉ma꞉ aloma꞉ pina꞉ teketa꞉ dupae. Yeni Peaasa꞉ You Halita꞉ oli hepeni nane hala꞉ Kini Hali Tiekena꞉ pita꞉la꞉ ale tieke popeke nanema꞉ pila꞉me.

1 Pida 3:22

Koto Ketisota꞉ ame hepeni tukiki pa꞉ta꞉ pua Koda꞉na꞉ popeke nane hata꞉ mo enisolo haliweki make hepeni nane haleme you haliweki make mo wele pita꞉la꞉ ekimanu make iki paeyao ipikana꞉ma꞉ handeteke hala꞉me.