Kolosi 2:5 - Panake Pi La: Ula: Buka pita: Kine Pieke Buka

⁵ I̱ta꞉ manda loketa꞉ iki ame̱le̱ na halopate kone pa sipitidi nanema꞉ta꞉ iki ame̱le̱ halome. Kutupa ika꞉ Ketiso pa꞉ta꞉ hone tulao da̱o̱la hata꞉ epeke tupa꞉ kake na̱o̱ pitelemeeki handolo hata꞉ I̱ta꞉ ta꞉na꞉ma꞉ homolome.

Kolosi 2:5 Mawu Ofanana

Aposolo 2:42

Mo wanda꞉halima꞉ta꞉ hande aposolo haliwekima꞉ waleme pimanu opua꞉tiki peaata꞉ Ketiso wanda꞉hali ame̱le̱ momba꞉la꞉tiki peaata꞉ yeni pea ne na꞉tiki pimikime.

Aposolo 20:21

Kutupa Diu wanda꞉hali pa꞉ta꞉ make Kitiki wanda꞉hali pa꞉ta꞉ make ika꞉ Koda꞉ pa꞉ta꞉ hone ma꞉nda꞉ la꞉ka꞉la꞉ mina꞉ wiaata꞉ nika꞉ Tekehali Yesu Ketisona꞉ pi miniki haena꞉yeke walo haowa꞉ ekita꞉ handememe lea꞉me.

1 Kotindi 11:34

Kutupa ika꞉ momba꞉la pita꞉ pu hoeyaasemeeki Koda꞉ma꞉ handaa iki pa꞉ta꞉ eki a꞉nda꞉ peaama꞉na꞉ mo tea꞉ma꞉ homa꞉la꞉ halima꞉ta꞉ ipika꞉ da pa꞉ta꞉ pita꞉ kone ne napeke alee. Kutupa mo hande mandane pea꞉pekeeki manuta꞉ I̱ a꞉pa hata꞉ tikitiki yalueke.

1 Kotindi 14:40

Kutupa ika꞉ pitelemeeki paeyaota꞉ tiki tiki yao hata꞉ epeke tupa꞉ pea꞉pa꞉peke.

1 Kotindi 15:58

Koto ekina꞉ ota꞉ ya kametonuo. Da̱o̱la hata꞉ taka꞉lao hapa꞉peke. Tekehalina꞉ e pokaaseme ekita꞉ nate wotu pokaatiki pu hapa꞉peke. Pa ekipeke mo Tekehalina꞉ e pokaaseme ekita꞉ ota꞉ homekesiki kone na alupea꞉peke ya꞉leke handa loa꞉me.

1 Kotindi 16:13

Ikana꞉ma꞉ kokele pea hata꞉ hone tulaaso hata꞉ make da̱o̱la hao hapa꞉peke. Kutupa puki hana꞉ noka꞉pa hata꞉ honkopu hao hapa꞉peke.

Kolosi 2:1

Ikina꞉ make mo Laodisia wanda꞉halina꞉ make mo I̱ hone na wilimi mandane wanda꞉halina꞉ make iki paeyaona꞉ I̱ma꞉ honkopu tieke hao e pokaaloeki iki la kionoe.

1 Desalonaika 2:17

Kametitio. Nikana꞉ma꞉ iki ame̱le̱ hosiki ma꞉nda꞉ a꞉nda꞉ na haoma꞉pate iki pa꞉ta꞉ nika꞉ hone pu haya꞉me. Nikana꞉ma꞉ iki ame̱le̱ haluekema꞉ hone wopu witolo hata꞉ a꞉pa꞉peke pota꞉ wopu weima꞉me.

1 Desalonaika 3:8

Ikana꞉ma꞉ a꞉nda꞉ ika꞉ Tekehali pa꞉ta꞉ halemeeki taka꞉lao haemeka꞉na꞉ta꞉ kota꞉ niki make da꞉ta hata꞉ epeke tupa꞉ halumeke.

Hibulu 3:14

Mo hande nika꞉ titina꞉ hone ti laoma꞉ ekita꞉ na mina꞉pa꞉lake homolo kia꞉naluekema꞉ honkopu hao hata꞉ miniki hao hamana꞉e. Koto hau a꞉nda꞉ puma꞉ka꞉na꞉ta꞉ kota꞉ nikita꞉ ota꞉ Ketiso ame̱le̱ apa꞉tao tunaa haloma꞉me.

Hibulu 6:19

Do hone ti laloma꞉ ekina꞉ta꞉ nika꞉ temoko epeke tupa꞉ halo pa꞉la꞉ ekina꞉ da̱o̱la hasa꞉ ekina꞉ teke ula꞉me. Koto teketa꞉ mo hepeni nane yeni pu hala꞉ dana꞉ tupele dau tieke hoki nane ula꞉ yako piki da panda꞉ tukiki nane yopua ula꞉me.

1 Pida 5:9

Mo kenke paeyaona꞉ ika꞉ Ketiso tapake wanda꞉halima꞉ mandake tupa꞉ tanda minelemeeki make hone wia hata꞉ta꞉ Koda꞉ pa꞉ta꞉ hone wotu tulao hata꞉ Sadani pendulu baapa꞉peke.