Kolosi 2:2 - Panake Pi La: Ula: Buka pita: Kine Pieke Buka

² I̱ma꞉ doeki pitolo ekita꞉ mo wanda꞉halima꞉ pukima꞉ homa꞉ alualu pitolo hata꞉ puki hana꞉ noka꞉pa꞉la꞉ ekima꞉ tumbina꞉ lena꞉ loluekema꞉ pitolome. Do pitolo ekita꞉ ikana꞉ma꞉ ota꞉ tikitiki piki hone wita꞉la꞉eki pa꞉ta꞉ yama꞉ a꞉pa꞉la꞉ hone tulaaseme honkopu muemena꞉ loa꞉me. Do hau pimika꞉na꞉ta꞉ Koda꞉na꞉ a꞉mbao ula꞉eki handilimikie. Do ekita꞉ Ketiso ipiki konee.

Kolosi 2:2 Mawu Ofanana

Ma꞉tiu 11:25

Koto toma꞉na꞉ Yesuma꞉ Koda꞉ pa꞉ta꞉ alota꞉ Apa꞉o. Neketa꞉ do kenke oli hepeni yaapona꞉ Tekehalio. Keiyae tieke aloe. Pa ekipeke. Nakana꞉ma꞉ mo hande handa꞉wiki wanda꞉hali pa꞉ta꞉ a꞉mbao wina꞉ le hau manuta꞉ pa mo hone wopu na wiki wanda꞉hali pa꞉ta꞉ peneme yaaleme.

Ma꞉tiu 11:27

Ala꞉ta꞉ ala꞉ta꞉ paeyaota꞉ ya Apa꞉ma꞉ I̱ pa꞉ta꞉ amba꞉ ka꞉la꞉me. Eiyeketa꞉ hali ma꞉nda꞉ma꞉ ota꞉ na handa꞉la꞉pate Apa꞉ma꞉ homeke handa꞉la꞉me. Koto mandake tupa꞉ kone Apa꞉ta꞉ hali ma꞉nda꞉ma꞉ ota꞉ na handa꞉la꞉pate Eiyekema꞉ homeke handa꞉la꞉me. Koto pa꞉la꞉ ekina꞉ mandane wanda꞉halima꞉ make Ateke handena꞉ Eiyekema꞉ iki ma̱leke lia peneme yaeya꞉ka꞉na꞉ta꞉ handilimikie.

Ma꞉tiu 13:11

Yesuma꞉ ika꞉ pi hombo peaaso alota꞉ Mo hepenina꞉ Kilu Tombuao Hala꞉ ekina꞉ a꞉mbao ula꞉ hone manuta꞉ ikita꞉ opua hone wilimipate mo wanda꞉halita꞉ hone na wina꞉yeke onkoluma꞉ pi alome.

Luku 1:1

Diopilusio. Mo niki tukiki pa꞉ta꞉ pa꞉la꞉eki manuta꞉ mandane wanda꞉hali wotuma꞉ ika꞉ ika꞉ kone honkopu wotu hao wape lao wilimime.

Dioni 10:30

Yaka Apa꞉ dikita꞉ homeke kone halopa꞉me leekeme.

Dioni 10:38

Kutu pua꞉peke ya꞉la꞉pate yaka Apa꞉na꞉ pita꞉la꞉ ekimanu pua꞉ka꞉na꞉ta꞉ I̱ pa꞉ta꞉ hone na tulaake hata꞉ kone yaka pitolo ekimanu pa꞉ta꞉ kone hone tulaapeke aleo. Kutu pimika꞉na꞉ta꞉ hande Apa꞉ta꞉ I̱ tukiki pa꞉ta꞉ hala꞉eki make I̱ta꞉ ipiki tukiki pa꞉ta꞉ haloeki make handa꞉ hone wilimikie leekeme.

Dioni 16:15

Ala꞉ta꞉ ala꞉ta꞉ paeyao yaka Apa꞉ma꞉ wia hala꞉ ekita꞉ ya ekie. Koto polo ekina꞉ I̱ma꞉ mo Temoko pa꞉ta꞉ halolo ekita꞉ ipikana꞉ma꞉ meaata꞉ iki pa꞉ta꞉ la kilieke loa꞉me.

Dioni 17:3

Deto hala꞉ ekita꞉ dupae. Neke homeke ota꞉ Koda꞉ haleeki make nakana꞉ma꞉ tapaale hali Yesu Ketiso hala꞉eki make telipina꞉ handa꞉la꞉ekie.

Dioni 5:17

Koto ekina꞉ Yesuma꞉ ika꞉ pi hombo peaaso alota꞉ Yaka Apa꞉ma꞉ hoto paeyao e poko hala꞉me. Kutupu hala꞉ ekina꞉ I̱ma꞉ make e pokolome leekeme.

Dioni 5:23

Koto ekina꞉yeke wanda꞉hali paeyaoma꞉ Apa꞉na꞉ pi laaseme tupa꞉ Eiyekena꞉ pi make koto tupa꞉ kone laena꞉yeke la꞉la꞉me. Hali epima꞉ Eiyekena꞉ pi na laeya꞉ka꞉na꞉ta꞉ kota꞉ ipiki tapaala꞉ Apa꞉na꞉ pi kone na laasa꞉me leekeme.

Dioni 6:69

Neketa꞉ Koda꞉ ipika꞉ Yakopiki Hali hale ekita꞉ nikana꞉ma꞉ hone tulao hao amba꞉ handoloma꞉me leekeme.

Aposolo 4:32

Kutupa mo hande pi mimiki wanda꞉hali paeyaoma꞉ hone homeke hau homeke wia haemekeme. Kutupa hali ma꞉nda꞉ma꞉ ipika꞉ wieke ala꞉ta꞉ ala꞉ta꞉ ota꞉ yakaeki homekee lapeke na yekeme. Homekema꞉ wieke ala꞉ta꞉ pea꞉na꞉eki yekeme.

Loma꞉ 15:13

Mo hande ti lao haasa꞉ ekina꞉ teke hali Koda꞉ma꞉ta꞉ ikana꞉ma꞉ ipiki pa꞉ta꞉ hone tulaaseme ekina꞉ ta꞉na꞉ tiekema꞉ homelemeeki make puki lopa꞉niao halemeeki make iki pa꞉ta꞉ tumbao pitaeya꞉ka꞉na꞉ta꞉ epelieke. Kutupa ikana꞉ma꞉ ipikina꞉ ti lao hata꞉ hando haleme ekita꞉ mo Holi Sipitidina꞉ welema꞉ mea daeyatiki pina꞉ lea꞉ka꞉na꞉ta꞉ kota꞉ kotota꞉ epelieke.

Loma꞉ 16:25

Nikana꞉ma꞉ Koda꞉na꞉ pi laamana꞉e. Koda꞉ma꞉ mo amba꞉ kiake kone a꞉mbao wieke pa ame I̱ma꞉ walolo hande Yesu Ketisona꞉ Pi Seliapo pa꞉ta꞉ yama꞉ Koda꞉ma꞉ ika꞉ hone tulao haleme ekita꞉ ana꞉na꞉ taka꞉lao hamina꞉ lelieke. Koto walolo pita꞉ mo amba꞉ kiaake kone a꞉mbao wieke ota꞉ pie.

Loma꞉ 2:4

Koda꞉ma꞉ neke pa꞉ta꞉ a꞉ta꞉ma꞉ wopu homaata꞉ naka꞉ hoke hauna꞉ yenki a̱i̱ na kiki yu wia hao hala꞉ ekita꞉ neketa꞉ hone na witele. Koda꞉ma꞉ a꞉ta꞉ma꞉ homa꞉la꞉ ekita꞉ nakana꞉ma꞉ ipiki pa꞉ta꞉ hone ma꞉nda꞉ la꞉ka꞉la꞉ mina haelena꞉yeke pita꞉la꞉me. Koto ekita꞉ iki paeyaoma꞉ hone witolo pelememe.

1 Kotindi 14:31

Siosi wanda꞉halima꞉ opua minolo hata꞉ hone wopu wia honkopu hao haena꞉yeke iki paeyaoma꞉ ta꞉ta꞉ ta꞉ta꞉ lo Koda꞉ma꞉ la kita꞉la꞉ pimanu wanda꞉hali pa꞉ta꞉ wala꞉peke ya꞉la꞉me.

1 Kotindi 2:12

Koda꞉ma꞉ta꞉ do kenkena꞉ hau pita꞉la꞉eki handomono na la꞉la꞉pate ipikana꞉ma꞉ amba꞉ ka꞉la꞉ alemanu paeyao handomonoyeke ipika꞉ Sipitidi kone amba꞉ ka꞉la꞉me.

Ka꞉leisia 3:28

Koto pa꞉la꞉ ekima꞉ta꞉ kota꞉ mo Diu tapake pita꞉ Diendaili tapake yaapo make ata꞉ka꞉ na pu mo e handeteke hala꞉ haliweki pita꞉ e pokaasa꞉ haliweki yaapo make ata꞉ka꞉ na pu mo wanda꞉ pita꞉ hali yaapo make ata꞉ka꞉ na pu piki iki paeyaota꞉ Yesu Ketiso ame̱le̱ apa꞉tao ota꞉ homeke tapake halememe.

Epesese 1:7

Ketiso homeeke ekima꞉ nikita꞉ ka꞉la꞉pa꞉ tapao hamono laata꞉ nika꞉ hoke hau poloma꞉ ekimanu ipika꞉ wema꞉ pa paeyaala꞉me. Koda꞉ ipika꞉ pa hameke a꞉ta꞉ma꞉ homa꞉la꞉ ekita꞉ ota꞉ wopue.

Epesese 3:16

I̱ma꞉ Koda꞉ pa꞉ta꞉ honke alo ekita꞉ dupae. Ipikita꞉ manda hata꞉ tieke hala꞉ ekina꞉ ipikana꞉ma꞉ ikita꞉ puki hana꞉ noka꞉pa honkopu hao hamina꞉yeke Sipitidi wele tonka꞉na꞉ kina꞉yeke honke alome.

Epesese 3:3

Koda꞉ma꞉ amba꞉ ipika꞉ a꞉mbao u hayeke hone peneme yao walolo hata꞉ I̱ pa꞉ta꞉ la kia꞉me. Do alo ekita꞉ I̱ma꞉ amba꞉ wape hosiki pua꞉me.

Epesese 6:22

Ika꞉ puki hana꞉ noka꞉paaluekema꞉ nikana꞉ma꞉ pitoloma꞉ ekimanu paeyao ipikana꞉ma꞉ iki la kina꞉yeke Tikikasi iki pa꞉ta꞉ ta tapaaso handa꞉pe.

Pilipai 2:1

Ika꞉ Ketiso pa꞉ta꞉ haleme ekita꞉ iki honkopu hamena꞉ la꞉la꞉pe o ipika꞉ pukima꞉ homa꞉la꞉ ekima꞉ta꞉ ika꞉ hone bamena꞉ la꞉la꞉pe o ikana꞉ma꞉ mo Holi Sipitidi ame̱le̱ ta꞉ma꞉ni pea halemepe o ika꞉ kone pukima꞉ homolo epeke hau pu alualu pelemepe.

Pilipai 3:8

Koto alemanu homeke dia꞉ya꞉la꞉pate pa ya pu haowa꞉ hau paeyao tapaota꞉ ota꞉ pa alee hone witolome. Pa ekipeke. Mo ota꞉ titina꞉ hauta꞉ ya Tekehali Yesu Ketiso handuluekema꞉ yeke alome. I̱ta꞉ ipika꞉ e pokaasa꞉ hali homeke haluekema꞉ yeke ya pu haowa꞉ hau paeyao kiao baowa꞉me. Ketiso ya Tekehali haena꞉ ta꞉ma꞉ni pea haluekema꞉ yeke mo hande hau paeyaota꞉ pa mo pa tana baasa꞉ punku piki alemanue hone witolome.

Kolosi 1:26

Do pita꞉ amba꞉ hatia epemeke wanda꞉hali paeyao pa꞉ta꞉ta꞉ a꞉mbao wiekepate ameta꞉ ipika꞉ wanda꞉hali pa꞉ta꞉ peneme yaala꞉me.

Kolosi 1:27

Koda꞉na꞉ pulueke hone ula꞉ ekita꞉ ipika꞉ a꞉mbao ula꞉ ekita꞉ ipika꞉ wanda꞉halima꞉ hone wina꞉e hone wita꞉la꞉me. Do napeke wia seliapo piki a꞉mbao ula꞉ ekita꞉ paeyaoma꞉ hone wina꞉ ula꞉ ekina꞉ loa꞉me. Do a꞉mbao ula꞉ ekita꞉ Ketisota꞉ iki pa꞉ta꞉ hala꞉me. Koto ekina꞉ta꞉ ikita꞉ Koda꞉na꞉ pa̱a̱ pa꞉ta꞉ pua halimikie la ala꞉me.

Kolosi 1:9

Do ekina꞉ yeke ikina꞉ ota꞉ opua mupa꞉ natena꞉ kone kini pea a꞉pa ame make hoto paeyao yeni peao ombu halopa꞉me. Koda꞉na꞉ hone pa꞉la꞉ tupa꞉ hone wita꞉la꞉ ekita꞉ ipika꞉ Sipitidima꞉ ku hala꞉ hone lenkena꞉ pea wita꞉la꞉eki pita꞉ hone wopu wita꞉la꞉eki yaapona꞉ hau paeyao pa꞉ta꞉ yama꞉ iki pa꞉ta꞉ tumbaena꞉yeke Koda꞉ pa꞉ta꞉ yeni peaatiki pu halopa꞉me.

Kolosi 2:19

Ipikita꞉ mo lokena꞉ you hali Ketisota꞉ pa na miniki hala꞉me. Pa ekipeke Ketisona꞉ handeteke hala꞉eki oto pa꞉ta꞉ta꞉ mo loke ipika꞉ ne ana꞉na꞉ minolo hata꞉ ipika꞉ kilikadu pita꞉ honkopu manuta꞉ tuna tuna pa꞉leke loa꞉me. Kutupa Koda꞉ma꞉ hone pa꞉la꞉ tupa꞉ daeyo hala꞉me.

Kolosi 3:14

Kutupa ota꞉ do epeke haumanu paeyao pa꞉ta꞉ta꞉ pukima꞉ homa꞉la꞉eki apa꞉taapa꞉peke. Do pukima꞉ homa꞉la꞉ hauma꞉ta꞉ mo hau pita꞉la꞉eki paeyao ota꞉ epeke tupa꞉ siki apa꞉taasa꞉me.

Kolosi 4:3

Kutu pitolo hata꞉ta꞉ Koda꞉ma꞉ mo hande Ketisona꞉ a꞉mbaala꞉ ekina꞉ pimanu walamono epeke walekemanu kina꞉ yeni pu hapa꞉peke. Kotoeki tekena꞉ I̱ta꞉ ameta꞉ dipula pilume.

Kolosi 4:8

Koto ekina꞉ yeke ipikita꞉ iki a꞉pa ta꞉na꞉ homa꞉ tiaena꞉ tapaneaasome. Nikana꞉ma꞉ pitoloma꞉ ekimanu iki pa꞉ta꞉ la kina꞉ yeke loa꞉me.

1 Desalonaika 1:5

Hande Pi Seliapota꞉ nikana꞉ma꞉ iki pa꞉ta꞉ mea epoma꞉pate pa pahameke ala꞉ pimanu na mea epeketa꞉ ota꞉ wele tonka꞉na꞉ Holi Sipitidi tonka꞉na꞉ do pita꞉ ota꞉eki laa hone wotu wia mea epoma꞉me. Iki ame̱le̱ hata꞉ pia꞉tiki puma꞉ haumanu make ikana꞉ma꞉ handememe. Iki epeaalo pieki pitolo puma꞉me.

1 Desalonaika 3:2

hata꞉ta꞉ hande Ketisona꞉ Pi Seliapo walolo hali nika꞉ mandakena꞉ Koda꞉na꞉ e pokaasoma꞉ hali dika꞉ kame Timodi tapaopa꞉me. Timodi tapaopa꞉ ekita꞉ mo iki pa꞉ta꞉ a꞉nda꞉ limiki ekina꞉ hali ma꞉nda꞉ paa la꞉ka꞉la peliekeyeke ipikana꞉ma꞉ iki taka꞉lao hata꞉ ika꞉ hone tulaalemeeki daeyamena꞉ petelo epeekeme. Kutupiki a꞉nda꞉ lita꞉la꞉eki manuta꞉ niki pa꞉ta꞉ a꞉pa꞉tiki pilieke laa Koda꞉ma꞉ la꞉ wiekeeki ikana꞉ma꞉ hone wilimime.

1 Desalonaika 5:14

Kametitio. Iki sutiaasoma꞉me dupa. Pa pitu haleme wanda꞉halita꞉ mana꞉ laka꞉na꞉ mo pututuma꞉ homeleme wanda꞉hali sa꞉tiaaso hata꞉ mo damakopiki wanda꞉hali pa꞉ta꞉la꞉ mea꞉tiki pea iki paeyao wotu handeteke hatiki pea꞉pa꞉peke.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

Hibulu 10:22

Koto pa꞉la꞉ ekima꞉ta꞉ nikana꞉ma꞉ nika꞉ puki pa꞉ta꞉ ota꞉ hau homeke miniki halomeke handa make Koda꞉ pa꞉ta꞉ ota꞉ hone tulaomeke handa make Ketisona꞉ wema꞉ mo nika꞉ hoke hone tekena꞉ tande laaleke halomeke handa make mo kila wiki ikalima꞉ nika꞉ loke tanda꞉paleke handa make koto haloma꞉ ekina꞉ta꞉ ota꞉ Koda꞉ teke pa꞉ta꞉ a꞉pa hamana꞉e.

Hibulu 6:11

Koda꞉ma꞉ ota꞉ pina꞉e hone wilimieki iki pa꞉ta꞉ ota꞉ pina꞉ kima꞉ na homeke honkopu hao hata꞉ mo hande epeke haumanu pa pea꞉tiki pu hamena꞉ niki hone wopu pa꞉la꞉me.

2 Pida 1:10

Koto ekina꞉ yaka kame titio. Mo Koda꞉ma꞉ iki wi laa ma̱leke lita꞉la꞉ ekita꞉ ota꞉ pa u haena꞉ ikana꞉ma꞉ honkopu wopu hao pea꞉pa꞉peke. Kutu pimika꞉na꞉ta꞉ ika꞉ hone tulaleme ekita꞉ ota꞉ na mina꞉pa꞉lalimikie.

2 Pida 1:3

Koda꞉na꞉ welepiki ota꞉ ekima꞉ta꞉ da꞉ta꞉la꞉eki pita꞉ tikitiki piki hau yaapo mulu poloma꞉ hau paeyao ana꞉na꞉ ka꞉la꞉me. Do hau manuta꞉ mo ipika꞉ pa̱a̱ make epeke hau yaapoma꞉ niki wi la꞉la꞉ Koda꞉ hone uma꞉eki pa꞉ta꞉ yama꞉ ana꞉na꞉ moloma꞉me.

2 Pida 3:18

Kotoeki na pikita꞉ nika꞉ Pa꞉ta꞉la꞉la꞉ Tekehali Yesu Ketisona꞉ hone ula꞉eki make a꞉ta꞉ma꞉ homolo tamba꞉ mina꞉la꞉eki pa꞉ta꞉ daeyatia pu hapa꞉peke. Ipiki pa꞉ta꞉ pa̱a̱ pa꞉la꞉eki ame make wetepe nina꞉ make wina꞉e. Kutu pina꞉e.

1 Dioni 3:19

Kota꞉ kutu pita꞉la꞉ ekima꞉ta꞉ mo ota꞉eki pa꞉ta꞉ tunaaloma꞉me laa hone ulumeke. Kutupa dupita꞉la꞉ ekima꞉ta꞉ nikana꞉ma꞉ Koda꞉na꞉ leke popelekena꞉ puki hana꞉ nokopoloma꞉ ekie.

1 Dioni 5:7

Do ekina꞉ wekitisi haasa꞉eki manuta꞉ tepoe.