Kolosi 2:10 - Panake Pi La: Ula: Buka pita: Kine Pieke Buka

¹⁰ Kutupa ipiki pa꞉ta꞉ ta꞉ma꞉ni peleme ekima꞉ta꞉ ikita꞉ da꞉ta꞉la꞉eki tumbao melememe. Ketisota꞉ kenke ya paeyao pa꞉ta꞉ ula꞉ welemanu paeyao make handeteke hala꞉ ekimanu paeyaona꞉ you hali hala꞉me.

Kolosi 2:10 Mawu Ofanana

Ma꞉tiu 28:18

Yesuma꞉ teke pa꞉ta꞉ opolo ipulu iki pa꞉ta꞉ alota꞉ Mo hepeni handeteke hapeke wele make do kenke handeteke hapeke wele make Koda꞉ma꞉ I̱ pa꞉ta꞉ ka꞉la꞉me.

Dioni 1:16

Ipika꞉ pa a꞉ta꞉ma꞉ homa꞉la꞉eki tumba hala꞉eki mea niki kia꞉tiki kia꞉tiki peaata꞉ niki paeyao amba꞉ epeaala꞉me.

1 Kotindi 15:24

Kutu pilie dina꞉ta꞉ mo paeyaalo pa꞉la꞉eki pilieke. Ketisoma꞉ta꞉ mo handeteke haleme haliweki paeyaoma꞉ piteleme ekimanu make mo you haliweki paeyaoma꞉ piteleme ekimanu make wele piteleme ekimanu paeyao make ipikana꞉ma꞉ paeyao bepolaota꞉ hande Kilu Tumbuao Hala꞉ ekita꞉ ipika꞉ Ateke Koda꞉ pa꞉ta꞉ mea halieke.

Epesese 3:10

Do ekina꞉yeke piekeme. Dupae. Oli hepeni nane haleme enisolo you haliwekima꞉ make wele pita꞉la꞉ haliwekima꞉ make mo hande siosi wanda꞉hali handolo hata꞉ Koda꞉ ipika꞉ ta꞉ta꞉ ta꞉ta꞉ piki epeke hone wita꞉la꞉eki ame do handa hone wina꞉yeke piekeme.

Epesese 3:19

Ketiso ipika꞉ pukima꞉ homa꞉la꞉ ekita꞉ hando paeyaapeke na ya꞉la꞉eki kone ikana꞉ma꞉ handemeka꞉na꞉ta꞉ epelieke. Kutupa mo hande epeke epeke ale paeyao Koda꞉ ipiki pa꞉ta꞉ tumbulu bao hala꞉eki kone iki pa꞉ta꞉ make tumbulu bao halieke.

Kolosi 2:15

Kutupa kenke ya paeyao pa꞉ta꞉ ula꞉ welemanu make handeteke hala꞉ ekimanu make Ketisoma꞉ta꞉ ipika꞉ kone mo a꞉ka꞉tei wapepiki tina꞉ta꞉ ika꞉ honkopumanu ipila꞉mepi pa꞉la꞉me. Kutupa make ipikana꞉ma꞉ ikita꞉ bepolao wanda꞉halina꞉ leke popelekena꞉ yaala꞉ma꞉ homena꞉ dipula haliweki tupa꞉ endu yola a꞉pa꞉la꞉me.

Kolosi 3:11

Kotoeki tekena꞉ta꞉ mo Diendaili pita꞉ Diu yaapota꞉ ameta꞉ tukikina꞉ tekili pea꞉peke na ya꞉la꞉me. Sekemesaisi na pa꞉la꞉ wanda꞉hali make sekemesaisi pa꞉la꞉ wanda꞉hali make mo Kitiki pi na opimiki wanda꞉hali make mo yeti sayalema꞉ handeke wanda꞉hali make ka꞉la꞉pa꞉ tapao haleme wanda꞉hali make pa hameke e pokaaseme wanda꞉hali make iki paeyao pa na tekili pea꞉peke ya꞉la꞉me. Pate Ketisota꞉ do hauna꞉ teke make ipikita꞉ paeyao pa꞉ta꞉ hala꞉me.

Hibulu 5:9

Ipikita꞉ koto hau paeyaona꞉ ota꞉ ana꞉ pieketa꞉ mo ipika꞉ kakena꞉ homaa pi opu haleme wanda꞉halina꞉ da꞉ta꞉la꞉ ekina꞉ tekehali hayekeme.

1 Pida 3:22

Koto Ketisota꞉ ame hepeni tukiki pa꞉ta꞉ pua Koda꞉na꞉ popeke nane hata꞉ mo enisolo haliweki make hepeni nane haleme you haliweki make mo wele pita꞉la꞉ ekimanu make iki paeyao ipikana꞉ma꞉ handeteke hala꞉me.