Kolosi 2:1 - Panake Pi La: Ula: Buka pita: Kine Pieke Buka

¹ Ikina꞉ make mo Laodisia wanda꞉halina꞉ make mo I̱ hone na wilimi mandane wanda꞉halina꞉ make iki paeyaona꞉ I̱ma꞉ honkopu tieke hao e pokaaloeki iki la kionoe.

Kolosi 2:1 Mawu Ofanana

Kini Pieke 30:8

Kutu pieke handaa Leisoloma꞉ alota꞉ I̱ma꞉ yaka asi yaapo a꞉nda꞉ tieke pua꞉pate I̱ma꞉ bepolalo ekina꞉ta꞉ kota꞉ mo wekina꞉ bikita꞉ Na꞉petali leekeme.

Luku 22:44

Kutupa pukima꞉ ka꞉nda꞉ tieke pieketa꞉ Yesuma꞉ ota꞉ anekema꞉ yeni piekeme. Kutu pieke ekima꞉ a꞉ka꞉li tieketa꞉ wema꞉ handekeeki oni kenkena꞉ lopeekeme.

Aposolo 20:25

Kutupa ameta꞉ opua꞉pe. Iki paeyao pa꞉ta꞉ pominolo hata꞉ Koda꞉na꞉ Kilu Tombuao Hala꞉eki waloendi pu haowa꞉pate I̱ma꞉ handolome. Ya leke mineke paa na handilimikie lea꞉me.

Aposolo 20:38

Ipikana꞉ma꞉ta꞉ ya leke mineke paa na handilimikie leeke handaa a꞉ta꞉ma꞉ wotu homememe. Kutupa mo palai kawaso pa꞉ta꞉ ipiki hatuku pememe.

Ka꞉leisia 4:19

Ya wekiwandiki sunuo. Ikana꞉ma꞉ Ketisona꞉ hau muemena꞉yeke ama꞉ma꞉ weki taapolo pila꞉ tupa꞉ I̱ma꞉ iki paa taapolo hata꞉ tanda mua꞉tiki pulume.

Pilipai 1:30

Ameta꞉ ikana꞉ma꞉ I̱ ame̱le̱ mandakena꞉ ta꞉ma꞉ni pea mo a꞉nda꞉ lita꞉la꞉ ekina꞉ tunao hapa꞉peke ya꞉la꞉me. Mo amba꞉ hande pueke handeme a꞉nda꞉ kone alome. Kutupa ikana꞉ma꞉ ame mo opiteleme a꞉nda꞉ta꞉ koto mandake a꞉nda꞉ kone pa pu halome.

Kolosi 1:24

Koto ekina꞉ ameta꞉ I̱ta꞉ mo ikina꞉ tanda minolo ekina꞉ ta꞉na꞉ma꞉ homolome. Yaka lokema꞉ tanda minolo ekita꞉ mo hande Ketisoma꞉ ipika꞉ loke mo siosina꞉eki peaaso mieke tanda putupiliki u pelia hala꞉ ekita꞉ I̱ma꞉ paeyaaluekema꞉ tamba꞉ minolo loa꞉me.

Kolosi 1:29

Doeki pu paeyaaluekema꞉ a꞉ yeketa꞉ do I̱ pa꞉ta꞉ e poka꞉la꞉ Ketisoma꞉ kita꞉la꞉ wele wopu piki honkopuma꞉ta꞉ kima꞉ na homeke a꞉ka꞉li apa꞉la꞉ mea baatia pulu honkopu hao e poko halome.

Kolosi 2:5

I̱ta꞉ manda loketa꞉ iki ame̱le̱ na halopate kone pa sipitidi nanema꞉ta꞉ iki ame̱le̱ halome. Kutupa ika꞉ Ketiso pa꞉ta꞉ hone tulao da̱o̱la hata꞉ epeke tupa꞉ kake na̱o̱ pitelemeeki handolo hata꞉ I̱ta꞉ ta꞉na꞉ma꞉ homolome.

1 Desalonaika 2:2

Desalonaika nane ipuluekema꞉ hamonota꞉ mo Pilipai da nane hata꞉ niki yaala꞉ma꞉ homaaso hata꞉ niki tanda kimieki make ikita꞉ opimime. Kutu pimipate nika꞉ Koda꞉ma꞉ nika꞉ puki hana꞉ noka꞉paeyeke handaata꞉ niki ame̱le̱ a꞉nda꞉ litolo haena꞉ kone iki pa꞉ta꞉ Koda꞉na꞉ Pi Seliapo a꞉pa waloma꞉me.

Hibulu 5:7

Yesuma꞉ do kenkena꞉ hata꞉ta꞉ mo hande homa꞉la꞉ ekima꞉ ipiki meaama꞉na꞉ mo ipika꞉ pa꞉ta꞉la꞉peke yeke Koda꞉ pa꞉ta꞉ ipika꞉ yeni pieke ekima꞉ make honke leeke ekima꞉ make e̱ wi tieke laa e̱ pankeke lopolo haena꞉ yeni piekeme. Koto yenita꞉ homu pikima꞉ pieke handaa Koda꞉ma꞉ ota꞉ opiekeme.

1 Pida 1:8

Ipikita꞉ lekema꞉ na handemepate kone ipiki pa꞉ta꞉ ikana꞉ma꞉ pukima꞉ homelememe. Ameta꞉ ipiki lekema꞉ na handelemepate kone ikana꞉ma꞉ ipiki pa꞉ta꞉ hone tulao halememe. Ika꞉ temokona꞉ pa꞉ta꞉ la꞉la꞉ ekina꞉ muluekema꞉ hone tulaememe. Kutupa ameta꞉ minelemeke handa ikana꞉ma꞉ ta꞉na꞉ma꞉ homa꞉la꞉eki paeyao lombei pu pa pua ota꞉ pima꞉ make lapeke na yeke ta꞉na꞉ homo halememe.

Peneme Yaeyekeeki 1:11

Dupa lea꞉me. Nakana꞉ma꞉ do handolo peleeki manuta꞉ wape laaniao kutupa mo bukata꞉ mo watake hata꞉ daoni manuna꞉ siosi pa꞉ta꞉ tapaapeke. Epesese Semena Pekamamo Daetaeda Sadisi Pila꞉delepia make Leiodisiamanu pa꞉ta꞉ loa꞉me lea꞉me.