Kolosi 1:7 - Panake Pi La: Ula: Buka pita: Kine Pieke Buka

⁷ Ikana꞉ma꞉ Koda꞉na꞉ a꞉ta꞉ma꞉ homolo tamba꞉ mina꞉la꞉ ekina꞉ pita꞉ nika꞉ mandake e pokaasa꞉ hali Epa꞉petasi pa꞉ta꞉ mimime. Ipikita꞉ diki tamba꞉ minolo hata꞉ kima꞉ na homeke Ketisona꞉ e epeke tupa꞉ pokaasa꞉ halie.

Kolosi 1:7 Mawu Ofanana

Ma꞉tiu 18:29

Mo e mandake pokaepeke some ipika꞉ leke popelekena꞉ panda꞉ puniaaso honke alo alota꞉ Kameo. I̱ pa꞉ta꞉ a꞉ta꞉ma꞉ homolo hata꞉ waleke kika꞉na꞉ta꞉ mo tondiki paeyao ana꞉na꞉ kulueke leekeme.

Ma꞉tiu 24:45

Hande hone wopu wia pi wopu opua epeke e poko hala꞉ someta꞉ epiyekea. Kutu piki halita꞉ mo e teke halima꞉ ipika꞉ e pokaaseme mandane haliweki handeteke hawaaso hata꞉ ika꞉ nemanu ota꞉ epeke tupa꞉ hala꞉tiki pina꞉ mea halieke.

Ma꞉tiu 25:21

Koto leeke mo you halima꞉ alota꞉ O neketa꞉ ota꞉ epeke somee. Nakana꞉ma꞉ ota꞉ epeke e tieke pokeka꞉ta꞉me. Do hosiki kua꞉eki kone epeke tupa꞉ handeteke haleketa꞉ ameta꞉ nakana꞉ma꞉ ya e tieke handeteke hawalena꞉ mea halueke la alota꞉ I̱ yaapo mandake pa꞉ta꞉ hata꞉ ta꞉na꞉ma꞉ homopana꞉ epoe leekeme.

1 Kotindi 4:17

Koto ekina꞉yeke hande Timodita꞉ iki pa꞉ta꞉ tapaasome. Ipikita꞉ yaka pukima꞉ homolo weki hata꞉ta꞉ ipika꞉ Ketiso hala꞉eki make ota꞉eki hala꞉me. I̱ma꞉ Ketiso hata꞉ hau pu haloeki make mo siosi paeyaona꞉ wanda꞉hali paeyao pa꞉ta꞉ walo haloeki make Timodima꞉ ika꞉ hone paa u tiaalieke.

1 Kotindi 4:2

Mo e poka꞉la꞉ haliweki paeyao pa꞉ta꞉ta꞉ hau pitelemeeki homeke homeke weiyu haleme ekita꞉ dupa. Ika꞉ teke halina꞉ pita꞉ na tunkuliki ipikana꞉ma꞉ ala꞉eki paeyao opua piteleme ekina꞉ weiyu halememe.

1 Kotindi 7:25

Hande wanda꞉ na miki o hali na peke weki wandiki pa꞉ta꞉ honke leme ekita꞉ mo Tekehalima꞉ dupa꞉pe ala꞉ pi dia꞉ya꞉la꞉pate pa mo I̱ma꞉ hone witoloeki kone alome. Kutupa Koda꞉ma꞉ I̱ pa꞉ta꞉ a꞉ta꞉ma꞉ homa꞉la꞉ ekina꞉ yeke ikana꞉ma꞉ I̱ma꞉ alo ekina꞉ hone tulaapeke ya꞉la꞉me loa꞉me.

2 Kotindi 11:23

Ikita꞉ Ketisona꞉ e pokaaseme haliweki ya꞉ka꞉ta꞉pe kota꞉ I̱ta꞉ you hoke halima꞉ leke nono pitolopate I̱ta꞉ e pokaaso hali hata꞉ iki lombei peaalome. I̱ma꞉ta꞉ lombei peaaso hata꞉ oto honkopu hao e wopu pokolome. I̱ta꞉ dipula da pa꞉ta꞉manu ota꞉ lombei piki hoto eleke eleke mea pitaalememe. I̱ta꞉ ota꞉ lombei peake tupa꞉ dopitama꞉ yombelememe. Kutupa I̱ta꞉ homa꞉la꞉eki tombona꞉ teke pa꞉ta꞉ ota꞉ lombei piki natemanu mea꞉tiki polome.

Epesese 5:21

Ikana꞉ma꞉ Ketiso pa꞉ta꞉ paala꞉ma꞉ homa haleme ekina꞉ ika꞉ kone homu pu alu alu pea hapa꞉peke.

Pilipai 2:25

Ya honema꞉ta꞉ nika꞉ Ketiso yankeke Epa꞉pototaitisi iki nane epena꞉ ota꞉ tapaapeke ya꞉la꞉me hone ulume. Ipikita꞉ I̱ yaapo mandakena꞉ Koda꞉na꞉ e pokaaso hata꞉ mo Pi Seliapo hoeyaama꞉na꞉ sa꞉sa꞉ pitolo hata꞉ haopa꞉me. Kutupa ipikita꞉ I̱ tamba꞉ muluekema꞉ ika꞉ pi lawaasa꞉ hali make haya꞉me.

Kolosi 4:12

Ika꞉ tapake some ma꞉nda꞉ ombu Epa꞉petasi Yesu Ketisona꞉ pa hameke e pokaasa꞉ halima꞉ a꞉taloe la꞉neaasa꞉me. Ipikana꞉ma꞉ta꞉ hoto paeyao ikina꞉ pukima꞉ e̱ alo haena꞉ yeni peaatiki pu hala꞉me. Ikita꞉ Koda꞉na꞉ hone pa꞉la꞉eki ota꞉ epeke tupa꞉ opitolo hata꞉ da̱o̱la hamena꞉ Koda꞉ pa꞉ta꞉ honke lao hala꞉me. Ipikana꞉ma꞉ dupiki hauta꞉ iki hone homeke wia keileke Ketiso wanda꞉hali hamena꞉ yeke peaasa꞉me laa loa꞉me.

Kolosi 4:7

Nika꞉ kame Tikikasi ipikita꞉ kima꞉ na homeke e poko hala꞉ hali make Tekehalina꞉ ena꞉ pa hameke e pokaasa꞉ yankekema꞉ I̱ma꞉ pitoloeki paeyao la kilieke.

Kolosi 4:9

Ipiki yaapota꞉ Onisimasi hande kima꞉ na homeke hone tulaala꞉ kame ipula꞉me. Ipikita꞉ ika꞉ tapake halie. Ipilikana꞉ma꞉ta꞉ do pate pita꞉la꞉ hau paeyao la kilieke.

1 Timodi 4:6

Nakana꞉ma꞉ do mana꞉ pimanu a꞉nda꞉ epeke tupa꞉ mo Ketiso kametonu pa꞉ta꞉ la halo haeka꞉na꞉ta꞉ kota꞉ neketa꞉ Ketiso Yesuna꞉ epeke e pokaasa꞉ hali halipikie. Kota꞉ koto nakana꞉ma꞉ teliele hone tulaasa꞉ pi pita꞉ mo walea꞉ ota꞉ pi yaapo a꞉nda꞉ ota꞉ wopu miniki hao haeka꞉na꞉ta꞉ kota꞉ kutu pilipi ekima꞉ta꞉ neke wele pealieke.

2 Timodi 2:2

I̱ma꞉ wanda꞉hali eleke elekena꞉ leke popelekena꞉ waloeke opi mana꞉ pi manuta꞉ kota꞉ nakana꞉ma꞉ meaata꞉ mo hone epeke tupa꞉ u paleke hata꞉ mandane da wanda꞉hali ana꞉na꞉ wala꞉peke ya꞉la꞉ wanda꞉halita꞉ nakana꞉ma꞉ moka꞉la hale hale pea꞉peke.

Pailimono 1:23

Ketisona꞉ hauna꞉ I̱ ame̱le̱ mandake dipula pilupa꞉ hali Epa꞉petasima꞉ neke pa꞉ta꞉ a꞉talo pi tapaala꞉me.

Hibulu 2:17

Koto hau puluekema꞉ta꞉ ipikana꞉ma꞉ mo ipika꞉ hau paeyaoma꞉ta꞉ ota꞉ ipika꞉ hameke tonu leke hayekeme. Iki pa꞉ta꞉ a꞉ta꞉ma꞉ homolo hata꞉ pea꞉peke hau ma꞉nda꞉ na mina꞉pa꞉lake Koda꞉ pa꞉ta꞉ ika꞉ yeni peao hala꞉ hali haluekema꞉ kutu piekeme. Wanda꞉hali ika꞉ hoke haumanu paeyawaena꞉ Yesuma꞉ hambaasota꞉ kutu piekeme.

Hibulu 3:2

Hande Mosesima꞉ Koda꞉na꞉ wanda꞉hali tukiki pa꞉ta꞉ e paeyao ma꞉nda꞉ na mina꞉pa꞉lake hata꞉ pa ota꞉ epeke e pokaeyeke tupa꞉ Yesu ipikana꞉ma꞉ make ipika꞉ ma̱leke lila꞉ Koda꞉na꞉ e pokaaluekema꞉ pea꞉peke yeke ekita꞉ ma꞉nda꞉ ota꞉ na mina꞉pa꞉lake paeyao ota꞉ epeke tupa꞉ kone pokaeyekeme.