Kolosi 1:2 - Panake Pi La: Ula: Buka pita: Kine Pieke Buka

² Mo Kolosi nane haleme Koda꞉na꞉ wanda꞉hali Ketiso pa꞉ta꞉ hata꞉ ki hone na wiki pa putia pu haleme kametonu iki pa꞉ta꞉ tapaasopa꞉me. Nika꞉ Apa꞉ Koda꞉ma꞉ iki pa꞉ta꞉ a꞉ta꞉ma꞉ homolo tamba꞉ mina꞉la꞉eki make puki lopa꞉niaasa꞉eki make kina꞉e.

Kolosi 1:2 Mawu Ofanana

Aposolo 9:13

A꞉na꞉naisima꞉ alota꞉ Tekehalio. Do halita꞉ naka꞉ Diutuseleme wanda꞉hali pa꞉ta꞉ tanda tanda hala꞉la꞉eki ma꞉nda꞉ ma꞉nda꞉ma꞉ a꞉pa la꞉tiki pu haleke opu halome leekeme.

Loma꞉ 1:7

Koto pa꞉la꞉ ekina꞉ Koda꞉ma꞉ pukima꞉ homaata꞉ ota꞉ ipika꞉ wanda꞉hali hamina꞉ wi la꞉la꞉ Loma꞉ wanda꞉halio. Iki paeyao pa꞉ta꞉ wape do pitolome. Nika꞉ Apa꞉ Koda꞉ma꞉ make pa Tekehali Yesu Ketisoma꞉ make iki pa꞉ta꞉ a꞉ta꞉ma꞉ homolo hata꞉ ika꞉ puki lopao hamina꞉ lepeka꞉na꞉ta꞉ epelieke.

1 Kotindi 1:2

Iki Kotindi daoni pa꞉ta꞉ haleme Koda꞉na꞉ siosi wanda꞉hali pa꞉ta꞉ wape polo pi doe. Koda꞉ma꞉ ikita꞉ ipika꞉ yakopiki wanda꞉hali hamina꞉ wi la꞉la꞉me. Iki mo Yesu Ketiso yaapo ta꞉ma꞉ni pea hata꞉ Koda꞉na꞉eki haleme wanda꞉hali pa꞉ta꞉ loa꞉me. Kutupa mo kenke paeyao pa꞉ta꞉ hata꞉ nika꞉ Tekehali make ika꞉ Tekehali Yesu Ketisona꞉ biki wi aleme wanda꞉hali make iki paeyao pa꞉ta꞉ wape polo pi doe.

1 Kotindi 4:17

Koto ekina꞉yeke hande Timodita꞉ iki pa꞉ta꞉ tapaasome. Ipikita꞉ yaka pukima꞉ homolo weki hata꞉ta꞉ ipika꞉ Ketiso hala꞉eki make ota꞉eki hala꞉me. I̱ma꞉ Ketiso hata꞉ hau pu haloeki make mo siosi paeyaona꞉ wanda꞉hali paeyao pa꞉ta꞉ walo haloeki make Timodima꞉ ika꞉ hone paa u tiaalieke.

Ka꞉leisia 1:3

Apa꞉ Koda꞉ make Tekehali Yesu Ketiso ipilikana꞉ma꞉ a꞉ta꞉ma꞉ homolo tamba꞉ mina꞉la꞉eki make puki lopa꞉niaasa꞉eki make iki pa꞉ta꞉ kina꞉e.

Ka꞉leisia 3:9

Eipoloha꞉ma꞉ma꞉ opua hone tulao hayeke handaata꞉ Koda꞉na꞉ wamo piekeeki miekeme. Koto ekina꞉ta꞉ Koda꞉ pa꞉ta꞉ hone tulaleme wanda꞉hali paeyaota꞉ Eipoloha꞉ma꞉ma꞉ Koda꞉na꞉ wamo pita꞉la꞉eki mieke tupa꞉ iki make wamo pea halememe.

Epesese 1:1

I̱ Polota꞉ Koda꞉ ipika꞉ hone pa꞉la꞉ ekina꞉ Yesu Ketiso ipika꞉ aposolo hali halome. I̱ma꞉ do wape pitolo ekita꞉ ikita꞉ Koda꞉ ipika꞉ wanda꞉hali pa꞉ta꞉ pitolome. Ikita꞉ Yesu Ketiso pa꞉ta꞉ hone tulao hata꞉ Epesese da pa꞉ta꞉ halememe.

Epesese 6:21

Nika꞉ kame hande Tekehalina꞉ e epeke tupa꞉ pokaasa꞉ hali Tikikasima꞉ta꞉ I̱ haloeki make I̱ma꞉ pitoloeki iki pa꞉ta꞉ la kilieke.

Pilipai 1:1

I̱ Polo make Timodi dikana꞉ma꞉ Yesu Ketisona꞉ e pokaaso hata꞉ mo Pilipai nane haleme Koda꞉na꞉ wanda꞉hali ika꞉ siosi you haliweki pa꞉ta꞉ make ika꞉ dikoni haliweki pa꞉ta꞉ make iki Yesu Ketiso pa꞉ta꞉ haleme wanda꞉hali paeyao pa꞉ta꞉ do wape pea tapaasopa꞉me.

1 Pida 1:2

Apa꞉ Koda꞉ma꞉ ipika꞉ hau ma꞉nda꞉ tekena꞉ hata꞉ iki ma̱leke lia mia꞉me. Kutu pieke ekita꞉ dupa Mo Holi Sipitidima꞉ iki yakopiki wanda꞉hali hamena꞉ lena꞉ make Yesu Ketisona꞉ pi opua puemena꞉ make kutupa ipika꞉ wema꞉ iki tandepena꞉ make iki mea haena꞉ la꞉la꞉me. A꞉ta꞉ma꞉ homa tamba꞉ mina꞉la꞉eki make a꞉nda꞉ peliaasa꞉eki make iki pa꞉ta꞉ ota꞉ tumbaena꞉e.

2 Pida 1:2

A꞉ta꞉ma꞉ homolo tamba꞉ mina꞉la꞉eki make puki lopa꞉niaasa꞉eki make ota꞉ tumbulu baasa꞉ ekita꞉ Koda꞉ make nika꞉ Tekehali Yesu ipilika꞉ honemanu yama꞉ ika꞉ eki wina꞉e.

Diudi 1:2

A꞉ta꞉ma꞉ homa꞉la꞉eki make puki lopa꞉niaasa꞉eki make pukima꞉ homa꞉la꞉eki manuma꞉ make tumba ankou ala꞉ ekita꞉ ika꞉eki ya꞉na꞉e.

Peneme Yaeyekeeki 1:4

I̱ta꞉ Dionima꞉ mo Eisia kenke nane hala꞉ watake hata꞉ a꞉ta꞉ alome. Ame do make hala꞉ amba꞉ make hayeke wetepena꞉ make epolo pa꞉la꞉ Koda꞉ma꞉ a꞉ta꞉ma꞉ homolo tamba꞉ mina꞉la꞉eki pita꞉ puki lopa꞉niaasa꞉eki yaapota꞉ iki pa꞉ta꞉ kina꞉e. Koto tupa꞉ mo Koda꞉na꞉ handeteke pila꞉ sea tikitikina꞉ haleme watake hata꞉ sipitidi manuma꞉ make kina꞉e.