Kolosi 1:10 - Panake Pi La: Ula: Buka pita: Kine Pieke Buka

¹⁰ Kutu pia꞉ka꞉na꞉ta꞉ ikita꞉ mo Koda꞉ ipika꞉ hone pa꞉la꞉ tupa꞉ hata꞉ hoto paeyao ipiki ta꞉na꞉ma꞉ homa꞉tiaasa꞉ hau homeke pu halimikie. Ika꞉ halimi pa꞉ta꞉ta꞉ epeke haumanu opolo ipulu hata꞉ ikita꞉ Koda꞉ hone wopu witelemeeki pa꞉ta꞉ daelimikie.

Kolosi 1:10 Mawu Ofanana

Dioni 15:16

I̱ta꞉ ikana꞉ma꞉ na mea haena꞉ lelemepate pa ikita꞉ I̱ma꞉ talopu meaata꞉ ikita꞉ pua hande u halo pa꞉la꞉ napeke a꞉eyamina꞉yeke mea haena꞉ lolome. Koto ekina꞉ ikana꞉ma꞉ yaka Apa꞉ pa꞉ta꞉ ala꞉ta꞉ ma꞉nda꞉ yaka biki alo hata꞉ honke lemeka꞉na꞉ta꞉ ipikana꞉ma꞉ iki pa꞉ta꞉ ota꞉ kilieke.

Dioni 15:8

Ikana꞉ma꞉ kiliki wotu a꞉eteleme ekima꞉ta꞉ yaka Apa꞉na꞉ biki tieke wiaasememe. Kutu piteleme ekima꞉ta꞉ ikita꞉ yaka disaipolo haliweki halimikie leekeme.

Dioni 17:3

Deto hala꞉ ekita꞉ dupae. Neke homeke ota꞉ Koda꞉ haleeki make nakana꞉ma꞉ tapaale hali Yesu Ketiso hala꞉eki make telipina꞉ handa꞉la꞉ekie.

Loma꞉ 1:13

Yaka kame titio doeki hone wia꞉pa꞉peke. I̱ta꞉ iki ame̱le̱ hosiki halo ipuluekema꞉ hoto elekeeleke pua꞉pate ale ma꞉nda꞉ma꞉ yaka pota꞉ sa꞉sa꞉ pu hala꞉me. Iki ame̱le̱ haleme mandane wanda꞉halima꞉ pi mina꞉ puki la꞉ka꞉laluekema꞉ mo mandane Diendaili wanda꞉hali pa꞉ta꞉ pua꞉ tupa꞉ puluekema꞉ I̱ma꞉ hone pa꞉la꞉me.

Loma꞉ 4:12

Kutu pa꞉la꞉pate Eipoloha꞉ma꞉ ipikita꞉ mo sekemesaisi hau pea haleme haliwekina꞉ apa꞉ make hala꞉me. Iki sekemesaisi hau pea haleme ekina꞉ dia꞉ya꞉la꞉pate hande nika꞉ apa꞉ Eipoloha꞉ma꞉ma꞉ta꞉ sekemesaisi hau na piki hata꞉ kone hone tulaeyeke tupa꞉ ikana꞉ma꞉ make hone tulaaseme ekina꞉ loa꞉me.

Loma꞉ 6:4

Koto bapitaisi puma꞉ ekita꞉ ipiki yaapo mandakena꞉ homa pa lapa꞉ pa꞉ta꞉ make mandake uma꞉me. Panake hau pu hata꞉ haluekema꞉ bapitaisi puma꞉me. Hande nika꞉ Apa꞉ma꞉ ipika꞉ honkopu hala꞉eki epekema꞉ Ketiso paa mea da꞉taeyeke tupa꞉ pitoloma꞉me.

2 Kotindi 2:14

Kutu pua꞉pate Koda꞉ pa꞉ta꞉ keiyae lomana꞉e. Pa ekipeke Ketiso pa꞉ta꞉ apa꞉tao haloma꞉ ekima꞉ta꞉ Koda꞉ma꞉ nikita꞉ Ketisona꞉ bepolaala꞉ ekima꞉ta꞉ dipula wanda꞉hali leke sama꞉ titina꞉ hatuku pu hala꞉me. Mo Ketiso hone wita꞉la꞉ ekita꞉ Koda꞉ma꞉ niki pa꞉ta꞉ yama꞉ e pokolo hata꞉ mo hande totopopiki ale putu pa꞉la꞉ tupa꞉ kenke honiki paeyao pa꞉ta꞉ putu pa꞉la꞉me.

2 Kotindi 4:6

Mo amba꞉ hande Koda꞉ma꞉ alota꞉ Mo timba꞉ la꞉ pamba꞉la꞉ pa꞉ta꞉ta꞉ mo pa̱a̱ pa꞉la꞉ ekima꞉ pa̱a̱ pina꞉e leeke homeke Koda꞉ma꞉ kone mo pa̱a̱ta꞉ nika꞉ pukina꞉ pa̱a̱ peaya꞉me. Kota꞉ pa꞉la꞉ ekita꞉ Koda꞉ma꞉ ipika꞉ pa̱a̱ta꞉ Ketisona꞉ leke popelekena꞉ nikana꞉ma꞉ hone wiomonoyeke pa̱a̱ peaala꞉me.

2 Kotindi 5:9

Pate nika꞉ hone pa꞉la꞉ hau paeyaona꞉ titina꞉ hau homeketa꞉ dupae. Ame do haloma꞉ da pa꞉ta꞉ make oli polo poloma꞉ da pa꞉ta꞉ make mo Tekehali ta꞉na꞉ma꞉ homaapeke hau homeke puluekema꞉ taapo haloma꞉me.

2 Kotindi 9:8

Kutupa Koda꞉ma꞉ta꞉ ika꞉ dia꞉ya꞉ tupa꞉ta꞉ ota꞉ haka꞉ta꞉pao wopu kuluekema꞉ aneke hali hala꞉me. Pa ekipeke iki dia꞉ya꞉la꞉ ale ana꞉na꞉ wia hamena꞉yeke make mo mandane epeke haumanu pa꞉ta꞉la꞉la꞉eki ota꞉ haka꞉ta꞉pao wia hamena꞉yeke make loa꞉me.

Epesese 1:17

Hande nika꞉ Tekehali Yesu Ketiso ipika꞉ Koda꞉ta꞉ hande pa̱a̱ pa꞉la꞉ Atekema꞉ Sipitidi iki kina꞉yeke pu halome. Kutupa koto Sipitidima꞉ epeke hone wita꞉la꞉eki iki kiaata꞉ Koda꞉ hala꞉eki wopu handoemena꞉yeke Sipitidima꞉ la kina꞉yeke yeni pu halome.

Epesese 2:10

Koda꞉ta꞉ niki wepia hamono la꞉la꞉ Halie. Ipikana꞉ma꞉ta꞉ nikita꞉ Yesu Ketiso yaapo ta꞉ma꞉ni pea hata꞉ epeke haumanu pu hamonoyeke nikita꞉ panake wanda꞉hali wepia hamono la꞉la꞉me. Nikana꞉ma꞉ kutupiki hau peomonoyeke Koda꞉ma꞉ amba꞉ kone pota꞉ pilao pa꞉la꞉me.

Epesese 4:1

I̱ta꞉ Poloma꞉ Tekehalina꞉ e pokaaso ekita꞉ dipula pita꞉ kone iki pa꞉ta꞉ hone wotu witolo hata꞉ doeki alome. Koda꞉ma꞉ wi la꞉la꞉ ekina꞉ iki do tupa꞉ tikitiki yao hapa꞉peke.

Epesese 4:13

Kutu pa꞉la꞉ ekima꞉ niki paeyao homeke tupa꞉ hata꞉ta꞉ hone tulaasoma꞉eki make homeke kone Koda꞉ ipika꞉ Eiyeke handoloma꞉eki make homekeeki kone handulumeke. Kutu puma꞉ka꞉na꞉ta꞉ nikita꞉ keileke haliweki hata꞉ Ketiso hala꞉ tupa꞉ kone halumeke.

Epesese 5:10

Tekehali ta꞉na꞉ma꞉ homaalo pelemeeki puluekema꞉ weiya pea꞉pa꞉peke.

Epesese 5:15

Koto ekina꞉ epeke tupa꞉ haluekema꞉ wotu handeteke hata꞉ hone na wiki haliweki leke na hake hone wotu witolo hata꞉ hapa꞉peke.

Epesese 5:2

Hande Ketisoma꞉ niki pa꞉ta꞉ pukima꞉ homa꞉la꞉ tupa꞉ ikana꞉ma꞉ make pukima꞉ homa hapa꞉peke. Ipikana꞉ma꞉ Koda꞉ ta꞉na꞉ma꞉ homaaso hata꞉ ma꞉na꞉ lia halo haemeke tupa꞉ totopo piki ale leke ipika꞉ da꞉ta꞉la꞉eki kone nika꞉eki halawaeyekeme.

Pilipai 1:11

Kutu pilie ekima꞉ta꞉ ika꞉ halemeeki tukiki pa꞉ta꞉ta꞉ mo Yesu Ketiso homekema꞉ puemena꞉ lapeke ya꞉la꞉ hau manuma꞉ iki tukiki pa꞉ta꞉ tumbaalieke. Iki tumbaeya꞉ka꞉na꞉ta꞉ kota꞉ koto hauma꞉ta꞉ Koda꞉na꞉ pi lao yeiya꞉ laalieke.

Pilipai 1:27

Ketisona꞉ Pi Seliapoma꞉ puemena꞉ wala꞉la꞉ tupa꞉ pu haleme hauta꞉ ota꞉ tumiki haue. Kutu pilimipate I̱ epoa꞉ka꞉na꞉ make o pa ika꞉ pilimi hauna꞉ pi lalimieki opua꞉ka꞉na꞉ make kota꞉ ikita꞉ taka꞉lao haemeka꞉ta꞉me hone ulueke. Kutupa mo wanda꞉halima꞉ Ketisona꞉ Pi Seliapo pa꞉ta꞉ hone tulaena꞉ ikana꞉ma꞉ ota꞉ homeke hone wia hata꞉ tamba꞉ mualualu pu haemeka꞉ta꞉me hone ulueke.

Pilipai 4:18

Do wapena꞉ alo pita꞉ mo hande ikana꞉ma꞉ kimi alemanu molo ekina꞉ iki pa꞉ta꞉ keiyae pi alome I̱ma꞉ haka꞉ta꞉pao molo ekita꞉ ana꞉e alome. Ameta꞉ mo hande Epa꞉pototaitisima꞉ ika꞉ pa kiteleme alemanu paeyao mea a꞉paeyeke handa ya wia halo polo ale manuta꞉ ana꞉na꞉ molome. Koto pa keleme ale manuta꞉ Koda꞉ pa꞉ta꞉ totopo yolepiki hala꞉la꞉ alema꞉ handa꞉la꞉me. Kutupa Koda꞉ma꞉ kutupiki alemanu minolota꞉ ta꞉na꞉ma꞉ homa꞉la꞉me.

Kolosi 2:19

Ipikita꞉ mo lokena꞉ you hali Ketisota꞉ pa na miniki hala꞉me. Pa ekipeke Ketisona꞉ handeteke hala꞉eki oto pa꞉ta꞉ta꞉ mo loke ipika꞉ ne ana꞉na꞉ minolo hata꞉ ipika꞉ kilikadu pita꞉ honkopu manuta꞉ tuna tuna pa꞉leke loa꞉me. Kutupa Koda꞉ma꞉ hone pa꞉la꞉ tupa꞉ daeyo hala꞉me.

Kolosi 2:6

Yesu Ketisota꞉ ika꞉ Tekehalie laa handa꞉ meleme ekina꞉ta꞉ ipiki yaapo ta꞉ma꞉ni pea hapa꞉peke.

Kolosi 3:20

Weki wandikio. Ika꞉ Ketiso hau pia꞉peke ekita꞉ ika꞉ apa꞉ ama꞉ yaapona꞉ pi na tunkuliki opua꞉tiki pea꞉pa꞉peke. Kutu pimika꞉na꞉ta꞉ Koda꞉ ta꞉na꞉ma꞉ homo tialimikie.

Kolosi 4:5

Mo hone na tulaaleme wanda꞉hali pa꞉ta꞉ta꞉ ika꞉ piteleme hau manuta꞉ hone wopu u lenkena꞉ pea pea꞉pa꞉peke. Iki pa꞉ta꞉ waleke wita꞉la꞉eki paeyao epea꞉ka꞉na꞉ta꞉ iki na pakalaena꞉ leke epeke tupa꞉ mina꞉pa꞉peke.

1 Desalonaika 2:12

Nikana꞉ma꞉ iki sa꞉sa꞉ pea tiaaso make epeke hone u tiaaso make iki sutiaaso puma꞉me. Ikana꞉ma꞉ epeke tupa꞉ hata꞉ Koda꞉ ta꞉na꞉ma꞉ homaamina꞉ iki sutiatiki puma꞉me. Pa ekipeke Koda꞉ma꞉ta꞉ ikana꞉ma꞉ ipika꞉ Kilu Tombuao Hala꞉eki pa꞉ta꞉ hata꞉ ipika꞉ hau puemena꞉ make muemena꞉ make iki wi la꞉la꞉me.

1 Desalonaika 4:1

Kametitio. Ameta꞉ paeyaaso hata꞉ ikana꞉ma꞉ Koda꞉ ta꞉na꞉ma꞉ homa꞉ tiaaso hata꞉ halo peleme tupa꞉ta꞉ nikana꞉ma꞉ amba꞉ waloma꞉me. Koto waloma꞉ tupa꞉ kone hata꞉ pelememe. Kutupa ameta꞉ iki honke alo hata꞉ ikana꞉ma꞉ Tekehali Yesu ipika꞉ bikina꞉ ikana꞉ma꞉ mo hande hau mandaneeki wopu pu hamina꞉ iki sutiaasoma꞉me.

2 Timodi 2:4

Ami hali homekema꞉ ami hali hata꞉ta꞉ ipika꞉ you halina꞉ kakena꞉ homu haluekema꞉ pa mo da wanda꞉halina꞉ pu haleme haumanu tonka꞉na꞉ apa꞉tao na pilieke.

Taitasi 3:1

Nakana꞉ma꞉ mo naka꞉ wanda꞉halina꞉ hone u tiatiki pika꞉na꞉ta꞉ ikana꞉ma꞉ mo ika꞉ kapomani haliweki oto nane make ikana꞉ma꞉ telipaala꞉ e handeteke haleme haliweki oto nane make hao hapa꞉peke lapeke. Mo haliwekina꞉ kakema꞉ homo hata꞉ hau paeyao epeke tupa꞉ puluekema꞉ tikitiki yao hapa꞉peke lapeke.

Taitasi 3:14

Nika꞉ Ketiso tapakema꞉ a꞉pa꞉la꞉ haumanu puluekema꞉ ikana꞉ma꞉ mo ika꞉ nate leke epeke tupa꞉ handeteke hata꞉ pina꞉ moka꞉la꞉ tiatiki pea꞉pa꞉peke alee. Kutupa make mo wanda꞉halina꞉ ka꞉nda꞉ma꞉ homa꞉la꞉eki handa꞉ peteluekema꞉ ikana꞉ma꞉ mo napeke na pitiki epe na piki haumanu leke na pea꞉peke ya꞉la꞉me.

Hibulu 11:5

Hone tulaasa꞉eki homeke homekema꞉ mo hande Inokota꞉ na homeke pa haena꞉ kone Koda꞉ma꞉ hepeni nane mea peekeme. Kutu pieke ekima꞉ta꞉ do kenkena꞉ ma꞉nda꞉ma꞉ pa handa꞉peke na yeekeme. Mo Baiboloma꞉ alota꞉ Koda꞉ma꞉ Inoko oli hepeni nane a̱i̱ na mea peeke do kenkena꞉ pa hata꞉ta꞉ Koda꞉ ta꞉na꞉ma꞉ homao hayekeme.

Hibulu 13:16

Epeke hau pualu pu make tamba꞉ mualu pu pita꞉la꞉ hau yaapota꞉ hone na yonka꞉lapa꞉peke. Pa ekipeke. Do hau yaapoma꞉ta꞉ Koda꞉ ta꞉na꞉ma꞉ homaena꞉ pa hameke hala꞉la꞉ haue.

2 Pida 1:8

Do seliapo piki hau manuta꞉ ota꞉ ikana꞉ma꞉ wia hapa꞉peke ya꞉la꞉ haumanue. Kutupa ikana꞉ma꞉ do haumanu mea tumbulu bao wia haemeka꞉na꞉ta꞉ kota꞉ koto ale manuma꞉ta꞉ ika꞉ mo nika꞉ Tekehali Yesu Ketiso pa꞉ta꞉ hone witeleme ekita꞉ wele putiaasa꞉ honkopu kilieke.

2 Pida 3:18

Kotoeki na pikita꞉ nika꞉ Pa꞉ta꞉la꞉la꞉ Tekehali Yesu Ketisona꞉ hone ula꞉eki make a꞉ta꞉ma꞉ homolo tamba꞉ mina꞉la꞉eki pa꞉ta꞉ daeyatia pu hapa꞉peke. Ipiki pa꞉ta꞉ pa̱a̱ pa꞉la꞉eki ame make wetepe nina꞉ make wina꞉e. Kutu pina꞉e.

1 Dioni 3:22

Nikana꞉ma꞉ta꞉ ipika꞉ pi ula꞉ ekimanu opua pitolo make ipiki ta꞉na꞉ homa꞉ tiaasa꞉ haumanu pua halomeketa꞉ kota꞉ nikana꞉ma꞉ ipiki pa꞉ta꞉ honke la꞉la꞉ alemanu mu haloma꞉me.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

3 Dioni 1:6

Koto wanda꞉halima꞉ta꞉ do haleme siosi tapake pa꞉ta꞉ naka꞉ pukima꞉ homeleeki a꞉pa la halememe. Koto wanda꞉hali ika꞉ pota꞉ pulimi ale pa꞉ta꞉ Koda꞉ ta꞉na꞉ma꞉ homaalo peleme tamba꞉ mea꞉peke laa honke alome.