Kini Pieke 4:16 - Panake Pi La: Ula: Buka pita: Kine Pieke Buka

¹⁶ Kutu pieke handaa Keinita꞉ mo Tekehalina꞉ leke popelekena꞉ tonona꞉ na hake pao mo Ideni ena꞉ nate opa꞉la꞉ nane mo Pomina꞉la꞉eki leeke kenke ma꞉nda꞉ pa꞉ta꞉ pua hayekeme.

Kini Pieke 4:16 Mawu Ofanana

Kini Pieke 3:8

Koto nate pambolo haena꞉ta꞉ mo Tekehali Koda꞉ta꞉ e pa꞉ta꞉ pomia꞉eki opitolo hata꞉ ipiki a꞉mbao oni ti polu pa꞉ta꞉manu panko pitipikime.

Kini Pieke 4:14

kutupa nakana꞉ma꞉ta꞉ I̱ do kenke mina꞉pa꞉lao pono make naka꞉ leke tonona꞉ na hake hano leke tolu liteleme. Koto ekina꞉ I̱ta꞉ do kenkena꞉ da teke dia꞉yeke some hata꞉ ma꞉nda꞉ epima꞉ I̱ handa꞉ wia꞉ka꞉na꞉ta꞉ kota꞉ I̱ lilieke leekeme.

Kini Pieke 4:17

Keini pita꞉ ipika꞉ wanda꞉ yaapoma꞉ weki mondu wia bikita꞉ Inoko lepekeme. Kutupa Keinima꞉ daoni ma꞉nda꞉ a꞉eyaata꞉ eiyekena꞉ biki taapa꞉ tiao biki leekeme.

Ma꞉tiu 18:20

Pa ekipeke wanda꞉hali yaapo o tepoma꞉ ale ma꞉nda꞉ pa꞉ta꞉ yaka bikina꞉ mombelemeka꞉na꞉ta꞉ kota꞉ I̱ma꞉ koto pa꞉ta꞉ iki ame̱le̱ mandake halueke leekeme.

Luku 13:26

Koto leliepate ikana꞉ma꞉ ipika꞉ pi hombo peaaso dupa lelimikie. Nikita꞉ neke ame̱le̱ mandakena꞉ pita꞉ ne ikali noma꞉ hande make nakana꞉ma꞉ta꞉ mo nika꞉ da sunu pa꞉ta꞉ pimanu wala꞉tiki pomime laa lelimikie.

Dioni 1:10

Kutupa mo hande Pita꞉ kenkena꞉ a꞉pa hayekeme. Koda꞉ma꞉ leeke handa ala꞉ta꞉ ala꞉ta꞉ paeyao ipikana꞉ma꞉ wepia wina꞉ leekepate kenke wanda꞉halima꞉ta꞉ ipiki hone na wimikime.

Dioni 1:3

Koda꞉ma꞉ leeke handaata꞉ mo hande Pima꞉ta꞉ ala꞉ta꞉ ala꞉ta꞉ paeyao wepia wina꞉ leekepate aleta꞉ ma꞉nda꞉siki kone Koda꞉ma꞉ ipika꞉ honumake hata꞉ na wepia wina꞉ leekeme.

1 Desalonaika 1:9

Pa nikana꞉ma꞉ iki Desalonaika wanda꞉hali handolo epoma꞉ dina꞉ ikana꞉ma꞉ niki handa꞉ mimi ekita꞉ koto wanda꞉hali paeyaoma꞉ta꞉ lo halememe. Kutupa ikana꞉ma꞉ hande yayapiki koda꞉ wa꞉pele alemanu mina꞉pa꞉lao Koda꞉ pa꞉ta꞉ ipulu hata꞉ hoki lekelemeeki make ikana꞉ma꞉ lo halememe. Kutu pimi ekita꞉ hande ota꞉ da꞉ta꞉la꞉ Koda꞉na꞉ e pokaaluekema꞉ make