Kini Pieke 4:1 - Panake Pi La: Ula: Buka pita: Kine Pieke Buka

¹ Kutupa A꞉da꞉ma꞉ma꞉ ipika꞉ weteke yaapo loke apa꞉tao mo wanda꞉ta꞉ weki loke lombeekeme. Ipikana꞉ma꞉ weki mendia alota꞉ Mo Tekehalima꞉ tamba꞉ mina꞉la꞉ ekima꞉ do weki mondoloma꞉ laa mo wekina꞉ bikita꞉ Keinie leekeme.

Kini Pieke 4:1 Mawu Ofanana

Kini Pieke 3:15

Kutupa I̱ma꞉ neketa꞉ mo wanda꞉ yaapo a꞉nda꞉ tunkula꞉ alu peao ipika꞉ monduma꞉ monduma꞉ pilia꞉ wekiwandikima꞉ make naka꞉ ekima꞉ make a꞉nda꞉ tunkula꞉ alu alu pu haena꞉ lolueke. Ipikana꞉ma꞉ naka꞉ you da꞉ka꞉pa꞉ tombuaeya꞉ka꞉na꞉ta꞉ nakana꞉ma꞉ ipika꞉ anke kinuku handulu nelipikie leekeme.

Kini Pieke 3:24

Kutupa Koda꞉ma꞉ mo ena꞉ nate opa꞉la꞉ naneta꞉ mandane honkopu hake enisolomanu haena꞉ laa make kutupa ti talo talo hake bainasi homeke mandane mandane lekeleke alo hakeeki haena꞉ leekeme. Do hau piki hauta꞉ mo deto hala꞉ ti teke pa꞉ta꞉ ma꞉nda꞉ a꞉paama꞉na꞉ piekeme.

Kini Pieke 4:2

Pa hoki naneta꞉ weki ma꞉nda꞉ Eipolo mondu wiekeme. Eipolota꞉ sipisipi handeteke hayekepate Keinita꞉ e hali hayekeme.

Kini Pieke 4:25

A꞉da꞉ma꞉ pita꞉ weteke yaapoma꞉ta꞉ weki ma꞉nda꞉ mondu wipikime. Kutupa mo wanda꞉ma꞉ alota꞉ Keinima꞉ lia꞉ weki Eipolona꞉ anketeke mina꞉ yeke Koda꞉ma꞉ weki ma꞉nda꞉ ka꞉la꞉me laata꞉ ipika꞉ bikita꞉ Sedie leekeme.

Kini Pieke 5:29

alota꞉ Mo Tekehalima꞉ esihou pi wieke kenkena꞉ kone do wekima꞉ta꞉ do nika꞉ ka꞉nda꞉ paeyao mea baalo pa꞉la꞉ wekie alo hata꞉ ipika꞉ bikita꞉ Noa leekeme.

1 Dioni 3:12

Nikita꞉ mo hande Keinima꞉ na hando hapa꞉peke ya꞉la꞉me. Ipikita꞉ mo Hoke Temokona꞉eki hata꞉ ipika꞉ hameke Eipolo kone lu homaeyekeme. Pa ekipeke lu homaeyekepe. Do ekina꞉yeke loa꞉me. Mo ipika꞉ pieke hau manuta꞉ tikitiki na pitolo haena꞉ ipika꞉ hamekena꞉ hau manuta꞉ tikitiki pikieki yaalo piekeme.