Ka꞉leisia 6:8 - Panake Pi La: Ula: Buka pita: Kine Pieke Buka

⁸ Mo somema꞉ ipika꞉ lokena꞉ namonamo pa꞉la꞉ ekina꞉ waemanu ti lao noka꞉pea꞉ka꞉na꞉ta꞉ kota꞉ koto namo namona꞉ kilikita꞉ homa꞉la꞉eki milieke. Pate ipika꞉ waeta꞉ mo Holi Sipitidima꞉ kilu tombuao hala꞉ pa꞉ta꞉ wae noko pea꞉ka꞉na꞉ta꞉ kota꞉ mo ipika꞉ tala꞉la꞉ ekita꞉ mo hande Holi Sipitidima꞉ kita꞉la꞉ deto hala꞉eki milieke.

Ka꞉leisia 6:8 Mawu Ofanana

Ma꞉tiu 19:29

Kutaa make mo mandaali epi a꞉nda꞉ma꞉ I̱ teliolo hata꞉ ika꞉ da o ika꞉ hameketiti o ana꞉titi o apa꞉ ama꞉ o weki wandiki sunu o kenkemanu make mina꞉pa꞉laemeka꞉na꞉ta꞉ kota꞉ do kenkena꞉ hata꞉ kone mo ika꞉ mina꞉pa꞉laleme ale manuta꞉ paa 100 tupa꞉ lombei peao meata꞉ deto hala꞉eki make milimikie.

Ma꞉tiu 25:46

Koto wanda꞉halita꞉ honiki na paeyo hala꞉ hoke yenki mu hala꞉ pa꞉ta꞉ tapaalieke. Pate mo tikitiki wopu piki wanda꞉hali ikita꞉ honiki na paeyo deto hala꞉ pa꞉ta꞉ pelimikie leekeme.

Luku 18:30

kota꞉ ame do kenkena꞉ haena꞉ kone ala꞉ta꞉ ala꞉ta꞉ paeyao haka꞉ta꞉pao meaata꞉ wetepena꞉ ipilia꞉ natena꞉ta꞉ deto hala꞉ ekita꞉ milieke leekeme.

Dioni 4:14

Kutu piliepate hali epima꞉ I̱ma꞉ halolo ikali naa haya꞉ka꞉na꞉ta꞉ koto halita꞉ ikali nena꞉ paa na pilieke. I̱ma꞉ do alo ekita꞉ do ekina꞉ yeke loa꞉me. I̱ma꞉ halolo ikalita꞉ mo hali tukiki pa꞉ta꞉ pita꞉ opa꞉la꞉ ikali kone pitilieke. Kutupa hande ikalima꞉ta꞉ opolo hata꞉ mo halita꞉ da꞉tao haena꞉ lelieke leekeme.

Dioni 4:36

Ne napeke poka꞉ mepi pita꞉la꞉ halima꞉ta꞉ ipika꞉ yenki minolo hata꞉ mo hande ne napekemanu mea pua momba꞉la wia꞉ka꞉na꞉ta꞉ da꞉ta hao hala꞉eki kone yelieke. Kutu pia꞉ka꞉na꞉ta꞉ ne wae noka꞉pa꞉la꞉ hali make napeke poka꞉ mepi pita꞉la꞉ hali make ipiliki telipina꞉ma꞉ ta꞉na꞉ma꞉ homilipipikie leekeme.

Dioni 6:27

Paeya꞉peke ne muluekema꞉ hone anepu na wiki pa u hapekeeki muluekema꞉ hone wotu wia꞉peke. Koto ekita꞉ da꞉ta꞉la꞉eki kone hoto paeyao pa u halieke. Apa꞉ Koda꞉ma꞉ Wanda꞉halina꞉ Eiyeke mea haena꞉ la꞉la꞉ ekina꞉ Eiyekema꞉ koto neta꞉ iki pa꞉ta꞉ mea kilieke.

Loma꞉ 13:14

Ikana꞉ma꞉ta꞉ ika꞉ lokena꞉ hoke hau tekema꞉ iki hoke hau puemena꞉yeke sutiaasa꞉ ekimanu na opiki Tekehali Yesu Ketiso ipika꞉ a꞉nda꞉ pea꞉peke alemanu mea miniki hapa꞉peke.

Loma꞉ 6:13

Ika꞉ lokena꞉ haleme alemanu ma꞉nda꞉ta꞉ hoke hau pina꞉ na lapa꞉peke. Dia꞉me. Homa paa da꞉ta a꞉pa hala꞉ wanda꞉hali leke hata꞉ ika꞉ ika꞉ kone Koda꞉ pa꞉ta꞉ hala꞉pa꞉peke. Tikitiki haumanu pina꞉yeke ika꞉ loke tieke paeyao Koda꞉ pa꞉ta꞉ hala꞉pa꞉peke.

Loma꞉ 6:23

Hoke hau piteleme ekina꞉ mea꞉peke yenkita꞉ homa꞉la꞉ekie. Kutu pa꞉la꞉pate Koda꞉ma꞉ pa hameke kita꞉la꞉ ekita꞉ da꞉ta hao hala꞉ekie. Nika꞉ Tekehali Yesu Ketiso yaapo ta꞉ma꞉ni pea hamono kita꞉la꞉me.

Loma꞉ 8:11

Hande Yesu homeekepate kone paa mea tiaeyeke Koda꞉ ipika꞉ Sipitidi iki tukiki pa꞉ta꞉ pitia꞉ka꞉na꞉ta꞉ kota꞉ hande Ketiso homeekepate kone paa mea tiaeyeke Koda꞉ma꞉ta꞉ iki tukiki pa꞉ta꞉ pitaala꞉ ipika꞉ Sipitidima꞉ kone ika꞉ homolo peleme lokemanu mea da꞉taalieke.

Loma꞉ 8:13

Ikana꞉ma꞉ ika꞉ lokena꞉ hone pa꞉la꞉ ekimanu pea꞉tiki pu haemeka꞉na꞉ta꞉ ota꞉ homilimikie. Kutu pulu pelemepate Sipitidi ipika꞉ wele pita꞉la꞉ ekina꞉ ikana꞉ma꞉ ika꞉ lokema꞉ hoke hau piteleme ekimanu lu homaemeka꞉na꞉ta꞉ kota꞉ iki da꞉ta halimikie.

Loma꞉ 8:6

Ika꞉ hone witeleme ekita꞉ ika꞉ lokena꞉ hone pa꞉la꞉eki manuma꞉ handeteke hatiki pia꞉ka꞉na꞉ta꞉ kota꞉ homa꞉la꞉eki milimikie. Kutu pulu pelemepate ika꞉ hone witeleme ekita꞉ hande Sipitidima꞉ handeteke hatiki pia꞉ka꞉na꞉ta꞉ kota꞉ Koda꞉ma꞉ ika꞉ puki lopa꞉niawao iki da꞉taalieke.

1 Kotindi 15:42

Kutupa mo hande homemeke wanda꞉hali paa mea tiaeya꞉ka꞉na꞉ta꞉ kota꞉ koto tupa꞉ kone halumeke. Hali toko hoitolo haena꞉ homa꞉la꞉ ale ula꞉me. Paa mea tiaeya꞉ka꞉na꞉ta꞉ homa꞉peke na ya꞉la꞉eki halieke.

Ka꞉leisia 6:7

Ika꞉ ika꞉ kone na makeaapa꞉peke. Koda꞉ makeake hau pea꞉peke ya꞉la꞉ some ma꞉nda꞉ ota꞉ na hala꞉me. Wae noka꞉pa꞉la꞉ somema꞉ ota꞉ mo ipika꞉ noka꞉pa꞉la꞉ waena꞉ kiliki kone tala꞉peke yelieke.

1 Timodi 1:16

Koda꞉ma꞉ I̱ pa꞉ta꞉ a꞉ta꞉ma꞉ homeekeme. Ipikana꞉ma꞉ koto I̱ pa꞉ta꞉ a꞉ta꞉ma꞉ homeeke ekina꞉ teketa꞉ Ketiso Yesuma꞉ mo wetepe hone tulao da꞉ta꞉la꞉eki mulu peleme wanda꞉halima꞉ ipika꞉ a꞉ta꞉ma꞉ homa꞉la꞉eki I̱ pa꞉ta꞉ pieketa꞉ iki pa꞉ta꞉ make pina꞉ I̱ pa꞉ta꞉ amba꞉la wala꞉la꞉me.

Taitasi 3:7

Kutu pieke ekima꞉ta꞉ mo Ketiso ipika꞉ a꞉ta꞉ma꞉ homeeke ekina꞉ niki Koda꞉na꞉ leke popelekena꞉ tikitiki pea make nika꞉ hone puaasoma꞉ deto hala꞉eki make miomono piekeme. Do ala꞉ pita꞉ ota꞉ pie.

Dia꞉mesi 3:18

Mo hande a꞉nda꞉ peliaaseme haliwekima꞉ noka꞉peleme wae alemanu pa꞉ta꞉ tikitiki hau pita꞉la꞉eki opilieke.

2 Pida 2:12

Koto pa꞉la꞉pate do haliwekima꞉ta꞉ ika꞉ lokema꞉ kone iki handeteke haena꞉ laa mo hona꞉ma̱o̱ lina꞉yeke mondu ula꞉ tikene hala꞉ yeti sayalema꞉ handelememe. Ikana꞉ma꞉ta꞉ iki hone wopu na wilimi pimanu kone la la pea hoeyao halememe. Ikita꞉ mo tikene hala꞉ yeti sayale pita꞉la꞉ tupa꞉ hoeyaalieke.

2 Pida 2:19

Ikita꞉ ika꞉ lu wiala꞉ hoke hoeyaasa꞉ hauna꞉ pa hameke e pokaasa꞉ haliweki hata꞉ kone mo wanda꞉hali pa꞉ta꞉ta꞉ iki ka꞉la꞉paalumeke laa pi la꞉ u halememe. Ma꞉nda꞉ epi a꞉nda꞉ ipika꞉ pu hala꞉ hauma꞉ da panda꞉ mina꞉ lea꞉ka꞉na꞉ta꞉ kota꞉ koto someta꞉ pa hameke e pokaasa꞉ hali hala꞉me.

Diudi 1:21

Kutupa ikana꞉ma꞉ta꞉ mo nika꞉ Tekehali Yesu Ketiso ipika꞉ a꞉ta꞉ma꞉ homolo kita꞉la꞉ deto hala꞉eki muluekema꞉ yu wia꞉ hata꞉ta꞉ Koda꞉na꞉ pukima꞉ homa꞉la꞉eki oto pa꞉ta꞉ hapa꞉peke.

Peneme Yaeyekeeki 22:11

Epi a꞉nda꞉ hoke temoko haeka꞉na꞉ta꞉ kota꞉ ota꞉ hoke hau homeke pa pu hapeke. Epi a꞉nda꞉ ha̱i̱piki some pu haeka꞉na꞉ta꞉ kota꞉ ota꞉ ha̱i̱piki hau homeke pa pu hapeke. Epi a꞉nda꞉ epeke some haeka꞉na꞉ta꞉ kota꞉ ota꞉ epeke hau homeke pa pu hapeke. Kutupa epi a꞉nda꞉ yakopiki some haeka꞉na꞉ta꞉ kota꞉ ota꞉ yako piki hau homeke pa pu hapeke.