Ka꞉leisia 5:6 - Panake Pi La: Ula: Buka pita: Kine Pieke Buka

⁶ Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

Ka꞉leisia 5:6 Mawu Ofanana

Luku 7:5

Ipikana꞉ma꞉ nika꞉ wanda꞉hali teke pa꞉ta꞉ pukima꞉ wotu homo hala꞉ make ipikana꞉ma꞉ ipika꞉ siki kone nika꞉ pi hotu haloma꞉ da ma꞉nda꞉ a꞉eyaeya꞉me leekeme.

1 Kotindi 13:13

Kutu pulu pa꞉la꞉ natemanu epena꞉ yu wia hata꞉ ame do hande hau tepota꞉ pa pu hapeke ya꞉la꞉me. Dupa. Hone tulaasa꞉eki make ta꞉na꞉ma꞉ homa Koda꞉ pa꞉ta꞉ handeteke hala꞉eki make pukima꞉ homa꞉la꞉eki make do hau tepota꞉ pa pu hapeke ya꞉la꞉pate ota꞉ titina꞉ tumiki hau homeketa꞉ pukima꞉ homa꞉la꞉ekie.

1 Kotindi 7:19

Mo hande sekemesaisi hau pita꞉la꞉eki make na pita꞉la꞉eki make telipina꞉ aleta꞉ ma꞉nda꞉ dia꞉ya꞉la꞉pate pa mo Koda꞉na꞉ pi ula꞉ ekimanu opua pita꞉la꞉ ekita꞉ kotota꞉ hau tiekee.

2 Kotindi 5:14

Ketisona꞉ pukima꞉ homa꞉la꞉ ekima꞉ta꞉ niki handeteke hala꞉me. Pa ekipeke nikana꞉ma꞉ hone witolota꞉ hali homekema꞉ta꞉ paeyaona꞉ homaeyekeme. Koto hauma꞉ta꞉ paeyaoma꞉ ipika꞉ homa꞉la꞉eki putu pelememe.

Ka꞉leisia 3:26

Iki paeyaota꞉ hone tulaasa꞉eki pa꞉ta꞉ yama꞉ Yesu Ketiso ame̱le̱ apa꞉tao Koda꞉na꞉ wekiwandiki halememe.

Ka꞉leisia 3:28

Koto pa꞉la꞉ ekima꞉ta꞉ kota꞉ mo Diu tapake pita꞉ Diendaili tapake yaapo make ata꞉ka꞉ na pu mo e handeteke hala꞉ haliweki pita꞉ e pokaasa꞉ haliweki yaapo make ata꞉ka꞉ na pu mo wanda꞉ pita꞉ hali yaapo make ata꞉ka꞉ na pu piki iki paeyaota꞉ Yesu Ketiso ame̱le̱ apa꞉tao ota꞉ homeke tapake halememe.

Ka꞉leisia 6:15

Sekemesaisi hau pita꞉ sekemesaisi na pita꞉la꞉ hau yaapota꞉ pa manda hau yaapoe. Ota꞉ hau tieketa꞉ Koda꞉ma꞉ niki panake wanda꞉hali mea haasa꞉eki homeke ota꞉ tumikiekie.

Epesese 6:23

Nika꞉ Apa꞉ Koda꞉ma꞉ make Tekehali Yesu Ketisoma꞉ make iki pa꞉ta꞉ puki lopa꞉niaasa꞉eki make pukima꞉ homa꞉la꞉eki make hone tulaasa꞉eki tonka꞉na꞉ kia꞉ka꞉na꞉ta꞉ epelieke.

Kolosi 1:4

Pa ekipeke. Ikana꞉ma꞉ Yesu Ketiso pa꞉ta꞉ hone tulalemeeki make mo Koda꞉na꞉ wanda꞉hali paeyao pa꞉ta꞉ pukima꞉ homo halemeeki opu hao loma꞉me.

Kolosi 3:11

Kotoeki tekena꞉ta꞉ mo Diendaili pita꞉ Diu yaapota꞉ ameta꞉ tukikina꞉ tekili pea꞉peke na ya꞉la꞉me. Sekemesaisi na pa꞉la꞉ wanda꞉hali make sekemesaisi pa꞉la꞉ wanda꞉hali make mo Kitiki pi na opimiki wanda꞉hali make mo yeti sayalema꞉ handeke wanda꞉hali make ka꞉la꞉pa꞉ tapao haleme wanda꞉hali make pa hameke e pokaaseme wanda꞉hali make iki paeyao pa na tekili pea꞉peke ya꞉la꞉me. Pate Ketisota꞉ do hauna꞉ teke make ipikita꞉ paeyao pa꞉ta꞉ hala꞉me.

1 Desalonaika 1:3

Ikana꞉ma꞉ hone tulao hata꞉ epeke hau pimieki make ika꞉ pukima꞉ homa hata꞉ e wotu pokemeeki make nika꞉ Tekehali Yesu Ketiso handeteke hata꞉ puki hana꞉ noka꞉pa haemeeki make nikana꞉ma꞉ hone u haloma꞉ ekina꞉ loa꞉me.

Hibulu 11:8

Eipoloha꞉ma꞉ ipika꞉ hone tulaeyeke ekima꞉ Koda꞉na꞉ kakena꞉ homa mo hande kuluekee laa pi la꞉ wieke kenke pa꞉ta꞉ peekeme. Ipika꞉ teke da mina꞉pa꞉lao mo ipiki mateke kenke pa꞉ta꞉ peekeme.

1 Pida 1:8

Ipikita꞉ lekema꞉ na handemepate kone ipiki pa꞉ta꞉ ikana꞉ma꞉ pukima꞉ homelememe. Ameta꞉ ipiki lekema꞉ na handelemepate kone ikana꞉ma꞉ ipiki pa꞉ta꞉ hone tulao halememe. Ika꞉ temokona꞉ pa꞉ta꞉ la꞉la꞉ ekina꞉ muluekema꞉ hone tulaememe. Kutupa ameta꞉ minelemeke handa ikana꞉ma꞉ ta꞉na꞉ma꞉ homa꞉la꞉eki paeyao lombei pu pa pua ota꞉ pima꞉ make lapeke na yeke ta꞉na꞉ homo halememe.