Ka꞉leisia 4:6 - Panake Pi La: Ula: Buka pita: Kine Pieke Buka

⁶ Ikita꞉ Koda꞉na꞉ wekiwandiki haleme ekina꞉ta꞉ Koda꞉ma꞉ ipika꞉ wekina꞉ Sipitidita꞉ nika꞉ puki pa꞉ta꞉ pitina꞉ tapaeya꞉me. Mo Apa꞉o. Ya Apa꞉o lo hala꞉ Sipitidita꞉ niki pa꞉ta꞉ tapaeya꞉me.

Ka꞉leisia 4:6 Mawu Ofanana

Maka 14:36

Ipikana꞉ma꞉ alota꞉ Ya apa꞉o. Hau paeyao nakana꞉ma꞉ pea꞉peke ya꞉la꞉me. Do I̱ pa꞉ta꞉ ipula꞉ kapo I̱ pa꞉ta꞉ na epena꞉ lapeke. Kutu pea꞉peke ya꞉la꞉pate yaka hone pa꞉la꞉eki dia꞉me. Naka꞉ hone pa꞉la꞉eki homekee leekeme.

Luku 11:13

Ikita꞉ hoke haliweki halemepate kone ika꞉ weki wandiki pa꞉ta꞉ta꞉ epeke epeke alemanu halo halememe. Koto hau ota꞉ lombei peaaso hata꞉ta꞉ oli ya nane hala꞉ Apa꞉ma꞉ta꞉ mo Holi Sipitidi honke aleme wanda꞉hali pa꞉ta꞉ta꞉ ota꞉ halieke laa leekeme.

Luku 11:2

Koto leeke Yesuma꞉ iki pa꞉ta꞉ walolo hata꞉ alota꞉ Ikana꞉ma꞉ yeni pimika꞉na꞉ta꞉ dupa pia꞉pa꞉peke. Apa꞉o. Naka꞉ yako piki bikita꞉ ota꞉ manda wia haena꞉e. Naka꞉ Kilu Tombuao Haleeki do ane opolo epena꞉e.

Dioni 14:16

Kutupa I̱ma꞉ yaka Apa꞉ pa꞉ta꞉ honke loa꞉ka꞉na꞉ta꞉ ipikana꞉ma꞉ mo iki ame̱le̱ hao haena꞉ lelia꞉ mo Tamba꞉ Mu Halo Pa꞉la꞉ Hali kilieke. Ipikita꞉ mo ota꞉eki pu hala꞉ Epeke Temoko konee. Kenke wanda꞉halima꞉ta꞉ ipiki na handolo hata꞉ make hone na witolo hata꞉ make ipiki handa꞉ mea꞉peke na yolo pa꞉la꞉pate iki ame̱le̱ mandake hata꞉ iki tukiki pa꞉ta꞉ hala꞉ ekina꞉ta꞉ ipiki handelememe.

Dioni 15:26

Kutu pitelemepate mo Tamba꞉ Mu Hala꞉ Hali ipilieke. Ipikita꞉ Ateke yaapo hala꞉ hali kone I̱ma꞉ tapaalueke. Ipikita꞉ ota꞉ hau pu hala꞉ Temokoe. Ipikita꞉ Ateke pa꞉ta꞉ hao ipilieke. Kutupa yaka pi la꞉ mea halawaasa꞉ wekitisi hali halieke.

Dioni 16:7

Koto pa꞉la꞉pate I̱ma꞉ iki pa꞉ta꞉ do ota꞉ pi alome. I̱ma꞉ iki mina꞉pa꞉lao polue ekita꞉ ota꞉ epekeekie laa do ekina꞉yeke loa꞉me. I̱ na poa꞉ka꞉na꞉ta꞉ hande Tamba꞉ Mulu Pa꞉la꞉ Halita꞉ na ipilieke. Kutupa I̱ poa꞉ka꞉na꞉ta꞉ hande hali iki pa꞉ta꞉ I̱ma꞉ mea tapaalueke.

Dioni 3:34

Koda꞉ma꞉ tapaala꞉ halima꞉ta꞉ Koda꞉na꞉ pimanu lalieke. Koda꞉ma꞉ ipiki pa꞉ta꞉ Holi Sipitidi hala꞉la꞉ ekita꞉ tombo wia na hala꞉la꞉ ekina꞉ loa꞉me.

Dioni 7:39

Yesuma꞉ koto leeke ekita꞉ Holi Sipitidi pa꞉ta꞉ kone leekeme. Ipiki pa꞉ta꞉ hone tulao haemeke wanda꞉halima꞉ mo Holi Sipitidi muluekema꞉ haena꞉ leekeme. Koto natena꞉ta꞉ Yesuma꞉ ipika꞉ halo pieke kapu tieke a̱i̱ dia꞉yeke handaa mo Holi Sipitidi a̱i̱ na epena꞉ leekeme.

Aposolo 16:7

Kutupa Maisia nane teke pa꞉ta꞉ opolo epemekepate Bidinia nane poluekema꞉ pu handemekepate Yesu ipika꞉ Sipitidima꞉ sa꞉sa꞉ piekeme.

Loma꞉ 5:5

Nikana꞉ma꞉ koto tupa꞉ hone ti lao haoma꞉ka꞉na꞉ta꞉ nikita꞉ hoto ma꞉nda꞉ a꞉nda꞉ olopuniao na halumeke. Koda꞉ma꞉ niki pa꞉ta꞉ pukima꞉ wotu homa꞉leke handa loa꞉me. Ipikana꞉ma꞉ kita꞉la꞉ Holi Sipitidima꞉ kone nika꞉ puki pa꞉ta꞉ pita꞉ peaasa꞉me.

Loma꞉ 8:9

Kutupu halemepate ika꞉ lokena꞉ hone pa꞉la꞉eki manuma꞉ iki na handeteke hatiki pita꞉la꞉pateta꞉ Koda꞉ ipika꞉ Sipitidita꞉ iki tukiki pa꞉ta꞉ ota꞉ pitia꞉ka꞉na꞉ta꞉ kota꞉ hande Sipitidima꞉ walo hala꞉eki pea꞉tiki pu halememe. Hali ma꞉nda꞉ pa꞉ta꞉ Ketiso ipika꞉ Sipitidi na pitia꞉ka꞉na꞉ta꞉ kota꞉ ipikita꞉ Ketisona꞉eki dia꞉me.

1 Kotindi 15:45

Mo Baibolo bukana꞉ wape pa꞉la꞉ ekita꞉ dupa. Amba꞉ titina꞉ hali A꞉da꞉ma꞉ta꞉ wepia da꞉ta haena꞉ leeke halie wape pa꞉la꞉pate pa mo wetepe nane A꞉da꞉ma꞉ta꞉ mo deto haena꞉ la꞉la꞉ Temokoe.

2 Kotindi 1:22

Koda꞉ma꞉ kone niki ma̱leke lila꞉me. Ipikana꞉ma꞉ ombu nikita꞉ ipika꞉ ekie laata꞉ ipika꞉ tombo niki pa꞉ta꞉ ula꞉me. Koda꞉ma꞉ mo niki pa꞉ta꞉ ka꞉la꞉ Holi Sipitidita꞉ ipika꞉ wetepena꞉ kulu pa꞉la꞉ ale paeyaona꞉ titina꞉ tombo ka꞉la꞉mee.

2 Kotindi 3:17

Koto Tekehali pa꞉ta꞉e la꞉la꞉ ekita꞉ mo Sipitidi pa꞉ta꞉ konee la꞉la꞉me. Kutupa mo Tekehalina꞉ Sipitidi hala꞉ ale pa꞉ta꞉ta꞉ kota꞉ ka꞉la꞉pa꞉ tapaasa꞉ hau ula꞉me.

Epesese 1:13

Koto ekita꞉ iki pa꞉ta꞉ make pa꞉la꞉me. Ikana꞉ma꞉ta꞉ hande iki mea da꞉taalo pieke Pi Seliapo opuata꞉ Ketiso pa꞉ta꞉ hone tulaememe. Kutu pimiki handata꞉ Koda꞉ma꞉ ipika꞉ la꞉ wieke Holi Sipitidi iki kitolo hata꞉ta꞉ ikita꞉ ipika꞉ekie laa ti wia꞉me.

Epesese 2:18

Ketisoma꞉ peaala꞉ ekima꞉ta꞉ Diu wanda꞉hali make Diendaili wanda꞉hali make niki paeyaoma꞉ta꞉ homeke Sipitidi meata꞉ Koda꞉ hala꞉ pa꞉ta꞉ pua꞉peke ya꞉la꞉me.

Epesese 4:30

Koda꞉ ipika꞉ Holi Sipitidi make ka꞉nda꞉ma꞉ na homaapa꞉peke. Do ekina꞉yeke loa꞉me. Koda꞉ma꞉ iki ota꞉ ka꞉la꞉pa꞉ tapaaluekema꞉ ipikana꞉ma꞉ mo Holi Sipitidi pitaala꞉ ekima꞉ tombo amba꞉ wiaala꞉me.

Epesese 6:18

Do haumanu paeyaota꞉ Koda꞉ma꞉ tamba꞉ mina꞉yeke pitolo hata꞉ yeni pea꞉tiki pu hapa꞉peke. Koto mo Sipitidima꞉ walolo haena꞉ hoto paeyao yeni pea꞉pa꞉peke. Koto ekina꞉ wotu handeteke hata꞉ soka꞉la꞉ma꞉ na homeke Koda꞉na꞉ wanda꞉hali paeyao pa꞉ta꞉ hone witolo hata꞉ hoto paeyao yeni pea꞉tiki pu hapa꞉peke.

Pilipai 1:19

Pa ekipeke mo ikana꞉ma꞉ yeni peao halemeke mo Yesu Ketisona꞉ temokoma꞉ I̱ tamba꞉ mina꞉la꞉ ekina꞉ make I̱ta꞉ dipula da mina꞉pa꞉lao pomu halueke hone ulume.

1 Desalonaika 4:8

Koto ekina꞉ta꞉ hali epima꞉ do walolo pi kiaeya꞉ka꞉na꞉ta꞉ kota꞉ koto somema꞉ mo kenke hali na kiaasa꞉pate hande Holi Sipitidi ku hala꞉ Koda꞉ kone kiaaso pila꞉me.

1 Pida 1:11

Ketisona꞉ temokoma꞉ mo potopede haliweki tukiki pa꞉ta꞉ pita꞉ Ketiso ipika꞉ tanda mulu piekeeki make ipika꞉ pa̱a̱ma꞉ telimea epolo piekeeki make la꞉ wia waleeke pita꞉ma꞉ta꞉ ikana꞉ma꞉ koto hau manuta꞉ ekipa handima꞉ ipiliepe laa handuluekema꞉ weiyu taapo haemekeme.

Diudi 1:20

Koto pa꞉la꞉pate ya yankeke tonuo. Ikana꞉ma꞉ta꞉ ika꞉ mo hande wataapeke na ya꞉la꞉ ta꞉ta꞉ putupa ula꞉ hone tulaasa꞉eki pa꞉ta꞉ puki hana꞉ noka꞉pa꞉tiki pu hapa꞉peke. Holi Sipitidina꞉ honkopuma꞉ yeni pu hapa꞉peke.

Peneme Yaeyekeeki 19:10

I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.