Ka꞉leisia 4:4 - Panake Pi La: Ula: Buka pita: Kine Pieke Buka

⁴ pa mo hande Koda꞉na꞉ la꞉ wieke nate ota꞉ opolo epeeke pita꞉ma꞉ta꞉ Koda꞉ma꞉ ipika꞉ weki kone tapaeyekeme. Koto wekita꞉ mo do kenke wanda꞉na꞉ weki tupa꞉ a꞉paata꞉

Ka꞉leisia 4:4 Mawu Ofanana

Kini Pieke 3:15

Kutupa I̱ma꞉ neketa꞉ mo wanda꞉ yaapo a꞉nda꞉ tunkula꞉ alu peao ipika꞉ monduma꞉ monduma꞉ pilia꞉ wekiwandikima꞉ make naka꞉ ekima꞉ make a꞉nda꞉ tunkula꞉ alu alu pu haena꞉ lolueke. Ipikana꞉ma꞉ naka꞉ you da꞉ka꞉pa꞉ tombuaeya꞉ka꞉na꞉ta꞉ nakana꞉ma꞉ ipika꞉ anke kinuku handulu nelipikie leekeme.

Kini Pieke 49:10

Diudama꞉ta꞉ mo kinina꞉ minu hala꞉ dolo miniki halieke. Kutupa ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ yama꞉ kini halimanu hoto paeyao handeteke hao hatiki pilimikie. Tutu manuma꞉ta꞉ ipika꞉ dakisi hambuluekema꞉ ala꞉ta꞉ ala꞉ta꞉ mea a꞉palimikie. Kutupa ipiki pa꞉ta꞉ homu pitolo hata꞉ panda꞉punialimikie.

Ma꞉tiu 1:23

Mo potopede halima꞉ta꞉ dupa leekeme. Mo halima꞉ na watake wandikina꞉ weleke pa꞉ta꞉ta꞉ weki weleke lombaata꞉ hali weki mendilieke. Koto wekina꞉ bikita꞉ Imanua꞉le lelieke leekeme. Koto bikina꞉ teketa꞉ Koda꞉ niki ame̱le̱ a꞉pa hala꞉me.

Ma꞉tiu 3:15

Koto leekepate Yesuma꞉ ipika꞉ pi hombo peaaso hata꞉ alota꞉ Pina꞉ma꞉ hone ma꞉nda꞉ na wiki. Do pulu polopa꞉ hauta꞉ Koda꞉na꞉ hone pa꞉la꞉ hauna꞉ pitolo pitolopa꞉me. Koto leekeeki Dionima꞉ opuaata꞉ A꞉pa꞉la꞉me bapitaisi peanoe leekeme.

Ma꞉tiu 5:17

Mo hande Mosesina꞉ Pi Ula꞉ ekimanu make o Potopede haliwekima꞉ walemeke pimanu make paeyaluekema꞉ a꞉pa꞉la꞉me hone na wia꞉pa꞉peke. Koto ika꞉ walemeke mana꞉ pimanu paeyaaluekema꞉ dia꞉ ya꞉pate pa yawaluekema꞉ epolome.

Maka 1:15

Dupa leekeme. Ameta꞉ Koda꞉ ipika꞉ natee. Ameta꞉ Koda꞉ ipika꞉ Kilu Tombuao Hala꞉eki teke pa꞉ta꞉ ya꞉la꞉me laa Hone ma꞉nda꞉ la꞉ka꞉la꞉ mina wiaata꞉ do Pi Seliapo hone tulao hapa꞉peke leekeme.

Luku 1:31

Neketa꞉ weki loke lombaata꞉ wetepena꞉ hali weki mendilipikima꞉ ipika꞉ bikita꞉ Yesu lapeke.

Luku 1:35

Mo hande enisoloma꞉ ipika꞉ pi hombo peaaso alota꞉ Mo Holi Sipitidi neke pa꞉ta꞉ ipilieke. Kutupa make Ota꞉ Manda Hala꞉ Koda꞉ ipika꞉ wele pita꞉la꞉eki neke pa꞉ta꞉ a꞉pa pitilieke. Kutu pita꞉la꞉ ekima꞉ta꞉ mo hande nakana꞉ma꞉ mondulu pele yako piki weki ipikita꞉ Koda꞉na꞉ Eiyekee lelimikie.

Luku 2:7

Kutupa ipika꞉ mupeke weki mendiata꞉ hokulupeke dau manuma꞉ ambulata꞉ kimisu wanda꞉halima꞉ hambo haemeke da pa꞉ta꞉ pelia꞉peke da dia꞉yeke handa kao ma꞉na꞉na꞉ ne halo haemeke u̱lu̱ pa꞉ta꞉ mea pua wiekeme.

Luku 20:44

Koto ekina꞉ta꞉ Deipidima꞉ ipika꞉ kone Ketiso pa꞉ta꞉ta꞉ Yaka Tekehalie la꞉la꞉ ekina꞉ kota꞉ Ketisota꞉ ekipa ipika꞉ tapake weki halia꞉pe laa leekeme.

Dioni 1:14

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

Dioni 10:36

Kutu pa꞉la꞉pate I̱ta꞉ hande yaka Apa꞉ma꞉ I̱ meata꞉ do kenke pa꞉ta꞉ epono I̱ tapaeya꞉me. Koto ekina꞉ I̱ma꞉ta꞉ Koda꞉na꞉ Eiyeke halome loa꞉ ekita꞉ Koda꞉ laasopatema꞉ ekipeke alemepe.

Dioni 3:16

Do ekina꞉yeke loa꞉me. Koda꞉ma꞉ kenke wanda꞉hali pa꞉ta꞉ pukima꞉ wotu homolo hata꞉ ipika꞉ Weki homeke kone kiekeme. Kutupa hali epima꞉ ipika꞉ Weki pa꞉ta꞉ hone tulao haya꞉ka꞉na꞉ta꞉ kota꞉ koto hali na homeke deto hala꞉eki mina꞉yeke kiekeme.

Dioni 6:38

I̱ma꞉ta꞉ oli hepeni nane hao hola꞉pa꞉niao a꞉pa yaka hone pa꞉la꞉eki puluekema꞉ na epeke I̱ tapaala꞉ halina꞉ hone pa꞉la꞉eki puluekema꞉ epolo ekina꞉ loa꞉me.

Dioni 8:42

Yesuma꞉ iki pa꞉ta꞉ alota꞉ Koda꞉ta꞉ ika꞉ Apa꞉ haya꞉ka꞉na꞉ yoluta꞉ I̱ pa꞉ta꞉ pukima꞉ homolo pimime. I̱ta꞉ Koda꞉ pa꞉ta꞉ hao a꞉pa ame do halo ekina꞉ loa꞉me. Ya hone wia na epeke ipikana꞉ma꞉ I̱ tapaeyeke a꞉pa halo ekina꞉ loa꞉me.

Aposolo 1:7

Yesuma꞉ mo haliweki pa꞉ta꞉ alota꞉ Ikana꞉ma꞉ta꞉ Do natena꞉ doeki piliekee o Do ekina꞉ dupiliekee laa opuemena꞉ ika꞉eki dia꞉me. Mo Apa꞉ Koda꞉ma꞉ ipika꞉ honumake pulu pa꞉la꞉ekie leekeme.

Loma꞉ 1:3

Do Pi Seliapota꞉ ipika꞉ Eiyeke hande nika꞉ Tekehali Yesu Ketisoma꞉ pulu pieke ekina꞉ eki loa꞉me. Ipikita꞉ kenke hali leke hayeke ekita꞉ Deipidina꞉ tapake hali hayekeme.

Loma꞉ 15:8

I̱ma꞉ iki pa꞉ta꞉ la kitolo ekita꞉ dupae. Ketisoma꞉ta꞉ Diu wanda꞉halina꞉ e pokalo a꞉pa꞉la꞉ ekita꞉ Koda꞉ma꞉ ipika꞉ la꞉ wieke pimanu ota꞉ yao hala꞉me laa la kuluekema꞉ pokalo epeekeme. Ketisoma꞉ta꞉ Koda꞉ma꞉ mo hande Diu wanda꞉halina꞉ apa꞉mei pa꞉ta꞉ la꞉ wieke pimanu yalo a꞉pata꞉

Loma꞉ 5:6

Nikita꞉ honkopu na hake hamono Koda꞉ma꞉ la꞉ wieke natena꞉ kone niki hoke hau pu haloma꞉ wanda꞉hali nika꞉eki peaaso hata꞉ Ketiso ipiki homeekeme.

Loma꞉ 8:3

Hande Lo Pi manuma꞉ta꞉ kenke wanda꞉hali ika꞉ honkopu ana꞉ na pa꞉leke handaata꞉ pea꞉peke na ya꞉la꞉ ekita꞉ Koda꞉ma꞉ peaala꞉me. Kenke wanda꞉hali paeyaona꞉ loke tukiki pa꞉ta꞉ ula꞉ hoke hau teke hoeyaaluekema꞉ Koda꞉ma꞉ ipika꞉ Eiyeke kone tapaeyekeme. Hande ipika꞉ Eiyekema꞉ta꞉ hoke hau pu haleme wanda꞉halina꞉ loke manda꞉na꞉ hao kenkena꞉ a꞉paata꞉ hoke hau paeyaaluekema꞉ epeekeme.

Loma꞉ 9:5

Ikita꞉ amba꞉ haemeke apa꞉mei tieke tieke pa꞉ta꞉ kini pu mea a꞉pa halememe. Ketiso make kenke hali au la a꞉pa hata꞉ta꞉ iki tapake kone hayekeme. Koda꞉ma꞉ ala꞉ta꞉ ala꞉ta꞉ paeyao kilu tombuao hata꞉ tumiki hala꞉ ekina꞉ta꞉ ipika꞉ pi laatiki pu haoma꞉ka꞉na꞉ta꞉ epelieke. Kutu pina꞉e.

Epesese 1:10

Koda꞉ma꞉ ipika꞉ hone u hala꞉ ekita꞉ dupae. Kenke ya yaapo nane ula꞉ ale hala꞉ ekimanu paeyaota꞉ hande Koda꞉ma꞉ wepia haena꞉ la꞉la꞉ ekimanu paeyao ipikana꞉ma꞉ mea momba꞉laota꞉ kutupa Ketisota꞉ you haena꞉ lelieke. Ipika꞉ di tunkulia꞉ka꞉na꞉ta꞉ Koda꞉ma꞉ koto hau pu paeyaalieke.

Kolosi 2:14

Ipikana꞉ma꞉ta꞉ mo niki li lu tumbaena꞉yeke wape pea ula꞉ lo pimanu ika꞉ tombo ula꞉ pimanu tonka꞉na꞉ ota꞉ paeyaala꞉me. Do hauta꞉ ipikana꞉ma꞉ mo a꞉ka꞉tei wape piki tina꞉ tamendiao lu paeyaala꞉me.

1 Timodi 2:6

Ipikana꞉ma꞉ Koda꞉na꞉ la꞉ wieke nate opolo epeeketa꞉ wanda꞉hali paeyao paa hambuluekema꞉ ipiki kone haleekeme. Kutu pieke ekima꞉ walolota꞉ Koda꞉ma꞉ wanda꞉hali paeyao da꞉ta꞉la꞉eki mina꞉e laa hone pa꞉la꞉eki peneme yaala꞉me.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

Hibulu 2:14

Ipikana꞉ma꞉ Mo wekiwandikie lea꞉ wanda꞉halita꞉ kenke loke hake wanda꞉hali haemeke yeke handaata꞉ ipiki make ika꞉ loke mea kenke hali leke hayekeme. Koto loke mea ipika꞉ homeeke ekima꞉ta꞉ mo hande homa꞉la꞉ ekina꞉ wele handeteke hala꞉ hali Sadani bepolaluekema꞉ yeke piekeme.

Hibulu 9:10

Koto ale manuta꞉ pa ne ikali napeke ale o manda loke homeke tanda꞉pa꞉peke alemanue. Dota꞉ pa manda lokena꞉ mana꞉ pimanue. Hau paeyaota꞉ wetepe tikitiki yaaluekema꞉ yeke Koda꞉ma꞉ do mana꞉ pi pa ta꞉ka꞉li la꞉ wiekeme.

1 Dioni 4:14

Kutupa nikana꞉ma꞉ handoloma꞉ ekita꞉ pa mo Atekema꞉ ipika꞉ Eiyeketa꞉ do kenke wanda꞉halina꞉ pa꞉ta꞉la꞉la꞉ some tapaala꞉me laa ma꞉nda꞉ ma꞉nda꞉ pa꞉ta꞉ la hala꞉tiki pu haloma꞉me.

1 Dioni 4:2

Dota꞉ ota꞉ Koda꞉na꞉ Sipitidi ya꞉ka꞉ta꞉me laa handa꞉ ulu peleme tupa꞉ta꞉ dupae. Ma꞉nda꞉ epima꞉ a꞉nda꞉ Yesu Ketisota꞉ do kenke pa꞉ta꞉ ota꞉ hali a꞉pa hayekeme laa lea꞉ka꞉na꞉ta꞉ kota꞉ ipikita꞉ mo Koda꞉ pa꞉ta꞉ yama꞉ ipula꞉ Sipitidi pila꞉mee.