Ka꞉leisia 4:23 - Panake Pi La: Ula: Buka pita: Kine Pieke Buka

²³ Mo hande pa hameke e pokaeyeke wanda꞉ma꞉ mendieke wekita꞉ paeyaoma꞉ mondu hala꞉ tupa꞉ mendiekeme. Pate mo hande ka꞉la꞉pa꞉ tapao hata꞉ hali peeke wanda꞉ma꞉ mendieke wekita꞉ koto wekita꞉ mo hande Koda꞉ma꞉ la꞉ wiekeeki yaena꞉ yeke handa mendiekeme.

Ka꞉leisia 4:23 Mawu Ofanana

Loma꞉ 10:8

Mo Baibolo bukana꞉ wape pa꞉la꞉ ekima꞉ta꞉ doeki ala꞉me. Koda꞉ma꞉ la꞉la꞉ pita꞉ papate na ulu pa꞉la꞉me. Ika꞉ puki pa꞉ta꞉ make mendiata꞉ ika꞉ kakema꞉ make lapa꞉peke ya꞉la꞉me laa wape pa꞉la꞉me. Hande pita꞉ nikana꞉ma꞉ walo haloma꞉ pi kone wanda꞉halima꞉ hone tulaena꞉ la꞉la꞉ ekita꞉ dupa.

Ka꞉leisia 4:22

Eipoloha꞉ma꞉ma꞉ weki yaapo mendiekeme la꞉la꞉me. Weki ma꞉nda꞉ta꞉ pa hameke e pokaeyeke wanda꞉ma꞉ mendiekeme. Weki ma꞉nda꞉ta꞉ ka꞉la꞉pa꞉ tapao hata꞉ halina꞉ da peeke wanda꞉ma꞉ mendiekeme.

Hibulu 11:11

Eipoloha꞉ma꞉ta꞉ koke yaalo weki mendia꞉peke nate paeyeke yekepate kone ipika꞉ hone tulao hayeke ekima꞉ weki mendia꞉peke yekeme. Seta make weki kenohali wanda꞉ hayekeme. Eipoloha꞉ma꞉na꞉ honema꞉ta꞉ mo hande Koda꞉ma꞉ la꞉ wieke pita꞉ ota꞉ na tunkulieke laa hone bao hayekeme.