Ka꞉leisia 4:21 - Panake Pi La: Ula: Buka pita: Kine Pieke Buka

²¹ Iki ame̱le̱ mandane wanda꞉halima꞉ mo Mosesina꞉ pi ula꞉eki manuna꞉ oto pa꞉ta꞉ hao haluekema꞉ hone pa꞉la꞉ tapake iki pa꞉ta꞉ dupiki pi lota꞉ pionoe - mo hande pi ula꞉ ekima꞉ ala꞉ ekita꞉ opitemepe.

Ka꞉leisia 4:21 Mawu Ofanana

Maka 10:3

Yesuma꞉ ika꞉ pi hombo peaaso alota꞉ Mosesima꞉ eki pi ula꞉eki leekepe leekeme.

Luku 16:29

Koto leeke handa Eipoloha꞉ma꞉ma꞉ alota꞉ Naka꞉ kame tonuna꞉ kinki pita꞉la꞉ pi manuta꞉ Mosesima꞉ make potopede haliwekima꞉ amba꞉ lao ula꞉me. Naka꞉ kame tonuma꞉ mo haliwekina꞉ pi opina꞉e laa leekeme.

Dioni 10:34

Yesuma꞉ ika꞉ pi hombo peaaso alota꞉ Ika꞉ Lo Pimanu pa꞉ta꞉ dupa wape pea ula꞉me. I̱ma꞉ alota꞉ Ikita꞉ koda꞉sunue loa꞉me laa wape pa꞉la꞉me.

Dioni 12:34

Koto leeketa꞉ mo wanda꞉hali paeyaoma꞉ ipika꞉ pi hombo peaaso alota꞉ Mo Lo Pi manuma꞉ ala꞉ ekita꞉ doeki opuma꞉me. Ketisota꞉ hao halieke ala꞉me. Nakana꞉ma꞉ alota꞉ Wanda꞉halina꞉ Eiyeke mea a꞉meiyalieke ale ekita꞉ ekipape. Mo hande Wanda꞉halina꞉ Eiyeketa꞉ epiya꞉ka꞉ta꞉pe lemekeme.

Dioni 15:25

Kutu pitelemepate ika꞉ Lo Pi manuna꞉ wape pa꞉la꞉eki ota꞉ yaaluekema꞉ pita꞉la꞉me. Dupae. Pa hameke kone I̱ pa꞉ta꞉ honditi pimime.

Loma꞉ 3:19

Mo hande Lo Pimanu opua oto pa꞉ta꞉ haleme wanda꞉halita꞉ mo Lo Pimanu iki pa꞉ta꞉ ula꞉ ekita꞉ handoloma꞉me. Koto Lo Pi manuma꞉ hambiliki honiolo aleme pimanu sa꞉sa꞉ peaata꞉ Koda꞉ma꞉ kenke wanda꞉hali paeyao pi yokaalu pulu pa꞉la꞉ ekita꞉ wala꞉la꞉me.

Loma꞉ 6:14

Hande Lo Pi manuna꞉ dupa꞉pe laa wala꞉la꞉eki ika꞉ wenoko tikitikina꞉ na mea wikita꞉ hande Koda꞉na꞉ pa a꞉ta꞉ma꞉ homa꞉la꞉eki homeke ika꞉ wenoko tikitikina꞉ mea wina꞉ aleme ekina꞉ kota꞉ hoke hau pita꞉la꞉ ekima꞉ iki paa a꞉nda꞉ na lu tombuaena꞉ lapa꞉pekema.

Ka꞉leisia 3:10

Epi amedama꞉ mo Lo Pi ula꞉eki pitolo ekima꞉ta꞉ I̱ ana꞉na꞉ epeaalieke laa hone ti laeya꞉ka꞉na꞉ta꞉ kota꞉ ipikita꞉ mo Koda꞉na꞉ esihou pi oto pa꞉ta꞉ hala꞉me. Kota꞉ mo Baiboloma꞉ alota꞉ Epima꞉ mo wape pea ula꞉ pi ula꞉eki paeyao ota꞉ tana꞉ paeyaona꞉ opua na pu haya꞉ka꞉na꞉ta꞉ kota꞉ koto some epita꞉ Koda꞉ ipika꞉ esihou pi yu wia hala꞉eki oto pa꞉ta꞉ hala꞉me ala꞉me.

Ka꞉leisia 4:9

Kutu pimipate ameta꞉ ikana꞉ma꞉ Koda꞉ handelememe o dia꞉me ameta꞉ Koda꞉ma꞉ iki handa꞉la꞉me lapeke ya꞉la꞉me. Koto pa꞉la꞉pate pa ekipa mo hoke honkopu na hake kenke tumbao haleme temokomanu pa꞉ta꞉ paa la꞉ka꞉la pua ika꞉ pa hameke e pokaaseme wanda꞉hali kone haluekema꞉ taapo halemepe.