Ka꞉leisia 4:19 - Panake Pi La: Ula: Buka pita: Kine Pieke Buka

¹⁹ Ya wekiwandiki sunuo. Ikana꞉ma꞉ Ketisona꞉ hau muemena꞉yeke ama꞉ma꞉ weki taapolo pila꞉ tupa꞉ I̱ma꞉ iki paa taapolo hata꞉ tanda mua꞉tiki pulume.

Ka꞉leisia 4:19 Mawu Ofanana

Luku 22:44

Kutupa pukima꞉ ka꞉nda꞉ tieke pieketa꞉ Yesuma꞉ ota꞉ anekema꞉ yeni piekeme. Kutu pieke ekima꞉ a꞉ka꞉li tieketa꞉ wema꞉ handekeeki oni kenkena꞉ lopeekeme.

Loma꞉ 13:14

Ikana꞉ma꞉ta꞉ ika꞉ lokena꞉ hoke hau tekema꞉ iki hoke hau puemena꞉yeke sutiaasa꞉ ekimanu na opiki Tekehali Yesu Ketiso ipika꞉ a꞉nda꞉ pea꞉peke alemanu mea miniki hapa꞉peke.

Loma꞉ 8:29

Koda꞉ma꞉ amba꞉ talopu mea haena꞉ la꞉la꞉ wanda꞉halita꞉ ipika꞉ Eiyeke leke haena꞉yeke amba꞉ handa꞉ mea ta꞉ta꞉ haena꞉ la꞉la꞉me. Koto pa꞉la꞉ ekita꞉ ipika꞉ Eiyeketa꞉ ipika꞉ kamemanu paeyao ame̱le̱ hata꞉ta꞉ ipikita꞉ titina꞉ hali haena꞉yeke pa꞉la꞉me.

2 Kotindi 12:14

Ameta꞉ hoto tepo peao iki handolo ipuluekema꞉ tikitiki yaasopate iki pa꞉ta꞉ honke ala꞉ ekimanu ma꞉nda꞉ na pulueke. I̱ma꞉ta꞉ ika꞉ manimanu hone na pa꞉la꞉pate ota꞉ iki homeke yaka yankeke hamena꞉ hone pa꞉la꞉me. Pa ekipeke weki wandikima꞉ ika꞉ apa꞉ ama꞉na꞉ dia꞉ya꞉la꞉ alemanu na ana꞉ laalo pa꞉la꞉pate apa꞉ ama꞉ma꞉ta꞉ ika꞉ weki wandikina꞉ dia꞉ya꞉la꞉ ale ana꞉ lawaapeke ya꞉la꞉me.

Epesese 4:13

Kutu pa꞉la꞉ ekima꞉ niki paeyao homeke tupa꞉ hata꞉ta꞉ hone tulaasoma꞉eki make homeke kone Koda꞉ ipika꞉ Eiyeke handoloma꞉eki make homekeeki kone handulumeke. Kutu puma꞉ka꞉na꞉ta꞉ nikita꞉ keileke haliweki hata꞉ Ketiso hala꞉ tupa꞉ kone halumeke.

Epesese 4:24

hande panake hau teke mea꞉pa꞉peke. Koda꞉ma꞉ do hande panake hau teke wepa꞉leke handa do panake hau teketa꞉ Koda꞉na꞉ hau kone ana꞉ pa꞉la꞉me. Mo hande panake hau tekema꞉ hali ma꞉nda꞉ pa꞉ta꞉ pita꞉ mo halita꞉ tikitiki yao hata꞉ yakopiki hau piki hali haena꞉ lelieke.

Pilipai 1:8

Yesuma꞉ wanda꞉hali pa꞉ta꞉ pukima꞉ homa꞉la꞉ tupa꞉ kone iki pa꞉ta꞉ I̱ma꞉ make mandake tupa꞉ pukima꞉ homolo hata꞉ iki ame̱le̱ a꞉pa haowee hone u halome. I̱ma꞉ do alo pita꞉ ota꞉ pi aloeki Koda꞉ma꞉ handa꞉la꞉me.

Pilipai 2:17

Koda꞉ pa꞉ta꞉ lia halo haemeke tupa꞉ ikana꞉ma꞉ make ika꞉ Koda꞉ pa꞉ta꞉ hone tulaleme ekima꞉ta꞉ koto tupa꞉ kone pu halememe. Koto pu halemeeki mandaata꞉ eki a꞉nda꞉ pitolo ya we holaemeka꞉na꞉ta꞉ kota꞉ ta꞉na꞉ma꞉ homolome. Pina꞉e. Koto ekina꞉ta꞉ I̱ma꞉ iki ame̱le̱ mandakena꞉ ta꞉na꞉ma꞉ homoloma꞉me.

Pilipai 2:5

Ika꞉ honema꞉ pu haleme hau manuta꞉ mo hande Yesu Ketiso ipika꞉ honema꞉ pu hayeke hau leke kone pia꞉pa꞉peke alee.

Kolosi 1:27

Koda꞉na꞉ pulueke hone ula꞉ ekita꞉ ipika꞉ a꞉mbao ula꞉ ekita꞉ ipika꞉ wanda꞉halima꞉ hone wina꞉e hone wita꞉la꞉me. Do napeke wia seliapo piki a꞉mbao ula꞉ ekita꞉ paeyaoma꞉ hone wina꞉ ula꞉ ekina꞉ loa꞉me. Do a꞉mbao ula꞉ ekita꞉ Ketisota꞉ iki pa꞉ta꞉ hala꞉me. Koto ekina꞉ta꞉ ikita꞉ Koda꞉na꞉ pa̱a̱ pa꞉ta꞉ pua halimikie la ala꞉me.

Kolosi 2:1

Ikina꞉ make mo Laodisia wanda꞉halina꞉ make mo I̱ hone na wilimi mandane wanda꞉halina꞉ make iki paeyaona꞉ I̱ma꞉ honkopu tieke hao e pokaaloeki iki la kionoe.

Kolosi 3:10

mo panake hau mea yamelememe. Kutupa panake hau wa꞉pa꞉la꞉ hali Koda꞉ma꞉ta꞉ do panake ekita꞉ ipikima꞉ handeke nono pina꞉yeke hoto paeyao panakeeki au laatiki pita꞉la꞉me. Dupita꞉la꞉ ekita꞉ ikana꞉ma꞉ ipiki hone wopu uemena꞉yeke pita꞉la꞉me.

Kolosi 4:12

Ika꞉ tapake some ma꞉nda꞉ ombu Epa꞉petasi Yesu Ketisona꞉ pa hameke e pokaasa꞉ halima꞉ a꞉taloe la꞉neaasa꞉me. Ipikana꞉ma꞉ta꞉ hoto paeyao ikina꞉ pukima꞉ e̱ alo haena꞉ yeni peaatiki pu hala꞉me. Ikita꞉ Koda꞉na꞉ hone pa꞉la꞉eki ota꞉ epeke tupa꞉ opitolo hata꞉ da̱o̱la hamena꞉ Koda꞉ pa꞉ta꞉ honke lao hala꞉me. Ipikana꞉ma꞉ dupiki hauta꞉ iki hone homeke wia keileke Ketiso wanda꞉hali hamena꞉ yeke peaasa꞉me laa loa꞉me.

1 Desalonaika 2:7

nikana꞉ma꞉ Ketiso ipika꞉ aposolo haliweki hata꞉ ikana꞉ma꞉ niki tamba꞉ muemena꞉ honke lapeke yea꞉pate na puma꞉me. Dia꞉me. Inkikima꞉ ipika꞉ weki wandiki yopu handeteke hala꞉ tupa꞉ kone iki ame̱le̱ hata꞉ yopu haoma꞉me.

1 Timodi 1:2

Do wape Timodi neke pa꞉ta꞉ wape pitolome. Mo Koda꞉ pa꞉ta꞉ hone tulaaseme ekina꞉ta꞉ neketa꞉ ota꞉ ya weki haleme. Mo Apa꞉ Koda꞉ pita꞉ Ketiso Yesu nika꞉ Tekehali ipilikana꞉ma꞉ mo tamba꞉ mina꞉la꞉eki make a꞉ta꞉ma꞉ homa꞉la꞉eki make puki lopaasa꞉eki make neke pa꞉ta꞉ kina꞉e.

Taitasi 1:4

Koto ekina꞉ do wapeta꞉ mo Taitasi pa꞉ta꞉ wape tapaasome. Mo dika꞉ hone tulaalope ekina꞉ ipikita꞉ ota꞉ ya weki hala꞉me. Mo Apa꞉ hala꞉ Koda꞉ma꞉ make mo nika꞉ da꞉taasa꞉ Ketiso Yesuma꞉ make neke pa꞉ta꞉ a꞉ta꞉ma꞉ homa tamba꞉ mina꞉la꞉eki pita꞉ puki lopao haasa꞉eki yaapo kina꞉e la alome.

Pailimono 1:10

Ya Ketiso weki homeke Onisimasi pa꞉ta꞉ nakana꞉ma꞉ pulu pele ekina꞉ neke pa꞉ta꞉ honke alome. I̱ do dipula pita꞉ kone ipiki pa꞉ta꞉ Ketisona꞉ pi waloa꞉ ekima꞉ta꞉ I̱ta꞉ ipika꞉ apa꞉ haowa꞉me.

Pailimono 1:19

Ya kikima꞉ kone wape pitolo hata꞉ alota꞉ I̱ Poloma꞉ naka꞉ yenkita꞉ ana꞉na꞉ kulueke laa do wape pitolo handa꞉e. Paa naka꞉ Ketiso pa꞉ta꞉ haleeki I̱ pa꞉ta꞉ yama꞉ mele ekina꞉ na alopate.

Hibulu 5:7

Yesuma꞉ do kenkena꞉ hata꞉ta꞉ mo hande homa꞉la꞉ ekima꞉ ipiki meaama꞉na꞉ mo ipika꞉ pa꞉ta꞉la꞉peke yeke Koda꞉ pa꞉ta꞉ ipika꞉ yeni pieke ekima꞉ make honke leeke ekima꞉ make e̱ wi tieke laa e̱ pankeke lopolo haena꞉ yeni piekeme. Koto yenita꞉ homu pikima꞉ pieke handaa Koda꞉ma꞉ ota꞉ opiekeme.

Dia꞉mesi 1:18

Ipika꞉ wa꞉pa꞉la꞉ ekimanu paeyao pa꞉ta꞉ nikita꞉ titina꞉ hamonoyeke ipika꞉ hande ota꞉ pi manuna꞉ ipika꞉ hone pa꞉la꞉eki pitolo hata꞉ niki mea hamono la꞉la꞉me.

1 Dioni 2:1

Yaka wekiwandiki ikana꞉ma꞉ hokeeki na pulu peleme tupa꞉ I̱ma꞉ doeki iki pa꞉ta꞉ laasome. Pate ma꞉nda꞉ epima꞉ hokeeki pia꞉ka꞉na꞉ta꞉ kota꞉ nika꞉ hau peaaso hata꞉ Apa꞉ pa꞉ta꞉ honke lawaasa꞉ some ma꞉nda꞉ hala꞉me. Ipikita꞉ tikitiki piki some Yesu Ketiso hala꞉me.

1 Dioni 2:12

Yaka wekiwandikio. Mo Ketisona꞉ bikina꞉ ika꞉ hoke hauta꞉ amba꞉ paeyawala꞉ ekina꞉ I̱ma꞉ iki pa꞉ta꞉ do pi laasome.

1 Dioni 5:21

Yaka wekiwandikio. Mo yayapiki koda꞉manu teke pa꞉ta꞉ na hapa꞉peke.

3 Dioni 1:4

Naka꞉ hoto paeyao mo hande ota꞉eki pa꞉ta꞉ hao hale tupa꞉ loa꞉me. Yaka weki wandikita꞉ mo ota꞉eki pa꞉ta꞉ halemeeki opitoloeki homekema꞉ I̱ta꞉ ta꞉na꞉ wopu peaasa꞉me.