Ka꞉leisia 4:13 - Panake Pi La: Ula: Buka pita: Kine Pieke Buka

¹³ I̱ma꞉ iki pa꞉ta꞉ pi kini pea waloa꞉ ekina꞉ teketa꞉ mo hande I̱ma꞉ yeni mua꞉ ekima꞉ iki pa꞉ta꞉ a꞉pa hata꞉ pi waloa꞉me. Kutu pua꞉ ekita꞉ hone wilimime.

Ka꞉leisia 4:13 Mawu Ofanana

Ma꞉tiu 4:23

Yesuma꞉ mo Ka꞉lili kenke paeyao pa꞉ta꞉ pominolo hata꞉ ika꞉ pi hotu haemeke damanu pa꞉ta꞉ pi waleekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ mo wanda꞉halina꞉ ta꞉ta꞉ ta꞉ta꞉ piki yeni ki paeyao wamo peayekeme.

Aposolo 16:6

Kutupa mo Pitikia Ka꞉leisia nane yaapo lombei pupa pemekepate mo Holi Sipitidima꞉ mo Eisia nane pi na walena꞉ leekeme.

1 Kotindi 2:3

Kutupa make iki pa꞉ta꞉ epoa꞉ dina꞉ta꞉ damako pupa wia paala꞉ma꞉ homolo hata꞉ puki la꞉ma꞉ la꞉ma꞉ tonka꞉na꞉ pia꞉me.

2 Kotindi 10:10

Ma꞉nda꞉ma꞉ta꞉ I̱na꞉ do la꞉lieke. Polona꞉ tameiya꞉ manuta꞉ tanda pea honkopu hala꞉pate pa mo ipika꞉ loke piti niki ame̱le̱ hala꞉ dina꞉ta꞉ ipikita꞉ dete pea ipika꞉ pi manuta꞉ teke na ula꞉me laa lelieke.

2 Kotindi 11:30

I̱ma꞉ hakoko lia꞉peke ya꞉ka꞉na꞉ta꞉ kota꞉ I̱ma꞉ mo I̱ damako pitoloeki wala꞉la꞉ ale manuna꞉ hakoko lionoe.

2 Kotindi 11:6

I̱ta꞉ ma꞉nda꞉ta꞉ yaka pi alo pa꞉ta꞉ta꞉ me̱i̱me̱i̱ lialopate pa mo hone witoloeki pa꞉ta꞉ta꞉ ota꞉ dia꞉me hone witolome. Nikana꞉ma꞉ta꞉ hau paeyao pa꞉ta꞉ta꞉ koto ekita꞉ peneme yatiki pu haloma꞉me.

2 Kotindi 13:4

Mo damako peaaso haena꞉ kone ipikita꞉ mo kotosina꞉ lu homaeya꞉pate Koda꞉na꞉ honkopuma꞉ta꞉ ipikita꞉ da꞉taa hao hala꞉me. Kutupa make ipiki ame̱le̱ tunaaso hata꞉ niki make damako poloma꞉pate pa iki ame̱le̱ tukikina꞉ hata꞉ nikana꞉ma꞉ta꞉ Koda꞉ma꞉ Ketiso wele peaasa꞉eki ma꞉nda꞉ putupa꞉ meaata꞉ ika꞉ yankeke halumeke.

Ka꞉leisia 1:6

A꞉pei. Ikana꞉ma꞉ pitelememe ala꞉eki opitolo I̱ma꞉ tola꞉tia pominolome. Ikita꞉ nate aneke hapu a꞉nda꞉ dia꞉ya꞉pate mo hande Ketisona꞉ a꞉ta꞉ma꞉ homa꞉la꞉eki pa꞉ta꞉ yama꞉ iki wi lea꞉ Koda꞉ta꞉ koto kone mina꞉pa꞉laaso hata꞉ pi seliapo ma꞉nda꞉ taa miniki haemeka꞉ta꞉me.

Ka꞉leisia 4:12

Kametonuo. Ikita꞉ I̱ tupa꞉ hamena꞉yeke I̱ma꞉ iki honke alome. I̱ make ikima꞉ handeke some kone halome. Ikana꞉ma꞉ I̱ pa꞉ta꞉ hoke hau ma꞉nda꞉ na pelememe.

Ka꞉leisia 4:14

Koto hande ya lokena꞉ hoke yeni haya꞉ ekima꞉ iki ka꞉nda꞉ tieke peaeya꞉pate kone ikana꞉ma꞉ I̱ na kiao make na tolu limime. Koto hau na pikita꞉ ikana꞉ma꞉ I̱ta꞉ mo hande Koda꞉na꞉ enisolo leke handa꞉ mimime o pa Yesu Ketiso kone leke I̱ handa꞉ mimime.

Ka꞉leisia 4:18

Hali ma꞉nda꞉ma꞉ iki pa꞉ta꞉ hone witolo epeke haumanu puluekema꞉ hone wopu wia꞉ka꞉na꞉ta꞉ kota꞉ kotota꞉ a꞉pa꞉la꞉me. Nate ma꞉nda꞉ a꞉nda꞉ I̱ haowa꞉ka꞉na꞉ make na haowa꞉ka꞉na꞉ make kutupiki haumanu pimika꞉na꞉ta꞉ ota꞉ a꞉pa꞉la꞉me.