Ka꞉leisia 4:12 - Panake Pi La: Ula: Buka pita: Kine Pieke Buka

¹² Kametonuo. Ikita꞉ I̱ tupa꞉ hamena꞉yeke I̱ma꞉ iki honke alome. I̱ make ikima꞉ handeke some kone halome. Ikana꞉ma꞉ I̱ pa꞉ta꞉ hoke hau ma꞉nda꞉ na pelememe.

Ka꞉leisia 4:12 Mawu Ofanana

Kini Pieke 34:15

Nikana꞉ma꞉ta꞉ niki poloma꞉ tupa꞉ naka꞉ haliweki paeyao sekemesaisi hau pimika꞉na꞉ homeke a꞉pa꞉la꞉me lolumeke.

Aposolo 21:21

mandane haliwekima꞉ iki pa꞉ta꞉ lemekeeki dupa. Hande hali Poloma꞉ mo Diendaili wanda꞉hali ame̱le̱ haleme Diu haliweki pa꞉ta꞉ta꞉ Mosesima꞉ waleekeeki mina꞉pa꞉lao ika꞉ wekisunu sekemesaisi hau na piki Diu haliwekima꞉ pita꞉la꞉eki na pea꞉pa꞉peke laa walo hala꞉mee alememe lememe.

2 Kotindi 2:5

Ma꞉nda꞉ epima꞉ ma꞉nda꞉ pa꞉ta꞉ puki ka꞉nda꞉ma꞉ homa꞉ tiaeya꞉ ekita꞉ ipikana꞉ma꞉ I̱ pa꞉ta꞉ na pia꞉pate iki paeyao pa꞉ta꞉ ka꞉nda꞉ putupa kia꞉me alome. Koto ka꞉nda꞉ putupa kia꞉me pi alo ekita꞉ I̱ma꞉ mo some lombei piki tupa꞉ hando lapeke yeke alome.

2 Kotindi 6:11

Kotindi haleme yankeke tonuo. Nikana꞉ma꞉ nikina꞉ iki pa꞉ta꞉ pa ka꞉la꞉pa꞉ tapao ota꞉ la kuma꞉me. Nikana꞉ma꞉ta꞉ nika꞉ puki manuta꞉ iki pa꞉ta꞉ anekema꞉ ku haloma꞉me.

2 Kotindi 6:13

Ameta꞉ I̱ma꞉ ikita꞉ yaka wekiwandiki tupa꞉ leke iki pa꞉ta꞉ pi alome. Nikana꞉ma꞉ iki pa꞉ta꞉ pukima꞉ homoloma꞉ tupa꞉ ikana꞉ma꞉ make ika꞉ pukima꞉ homelemeeki niki pa꞉ta꞉ wala꞉pee. Ika꞉ pukimanu anekema꞉ lomba꞉pa꞉peke.

Ka꞉leisia 2:14

Koto haliweki ikita꞉ mo panake pi seliapoma꞉ wala꞉la꞉ tupa꞉ tikitiki na pemekeeki handa I̱ma꞉ iki paeyaona꞉ leke popelekena꞉ Pida pa꞉ta꞉ alota꞉ Neketa꞉ Diu hali halepate kone nakana꞉ma꞉ Diu hali dia꞉ma꞉ pa mo Diendaili tapake haleme tupa꞉ kone haeme. Koto pele ekina꞉ta꞉ eki epi tekena꞉ nakana꞉ma꞉ mo Diendaili tapake Diu tapake leke haena꞉ tialo alepe.

Ka꞉leisia 4:11

Ika꞉ piteme hauna꞉ I̱ paala꞉ma꞉ amba꞉ homolome. Pa ekipeke. I̱ma꞉ iki tukiki pa꞉ta꞉ pokoa꞉ eta꞉ pa pahameke pokonope hone witolo alome.

Ka꞉leisia 4:13

I̱ma꞉ iki pa꞉ta꞉ pi kini pea waloa꞉ ekina꞉ teketa꞉ mo hande I̱ma꞉ yeni mua꞉ ekima꞉ iki pa꞉ta꞉ a꞉pa hata꞉ pi waloa꞉me. Kutu pua꞉ ekita꞉ hone wilimime.

Ka꞉leisia 6:14

Kutu pu halemepate I̱ma꞉ta꞉ mo nika꞉ Tekehali Yesu Ketiso mo kolosuna꞉ homeeke ekina꞉ homeke hakoko liki pi lolueke. Yesu Ketisoma꞉ kolosuna꞉ homeeke handa ya hone pa꞉ta꞉ta꞉ do kenke hau paeyaota꞉ homeke alema꞉ handa꞉la꞉me. Kutupa make I̱ta꞉ do kenke hauna꞉ta꞉ homa꞉ pa ulume hone witolome.

Ka꞉leisia 6:18

Mo nika꞉ Tekehali Yesu Ketisona꞉ pa hameke a꞉ta꞉ma꞉ homa꞉la꞉ ekina꞉ iki ya kametonu paeyao ame̱le̱ hao haena꞉e. Kutu pina꞉e.