Ka꞉leisia 4:11 - Panake Pi La: Ula: Buka pita: Kine Pieke Buka

¹¹ Ika꞉ piteme hauna꞉ I̱ paala꞉ma꞉ amba꞉ homolome. Pa ekipeke. I̱ma꞉ iki tukiki pa꞉ta꞉ pokoa꞉ eta꞉ pa pahameke pokonope hone witolo alome.

Ka꞉leisia 4:11 Mawu Ofanana

Aposolo 16:6

Kutupa mo Pitikia Ka꞉leisia nane yaapo lombei pupa pemekepate mo Holi Sipitidima꞉ mo Eisia nane pi na walena꞉ leekeme.

1 Kotindi 15:58

Koto ekina꞉ ota꞉ ya kametonuo. Da̱o̱la hata꞉ taka꞉lao hapa꞉peke. Tekehalina꞉ e pokaaseme ekita꞉ nate wotu pokaatiki pu hapa꞉peke. Pa ekipeke mo Tekehalina꞉ e pokaaseme ekita꞉ ota꞉ homekesiki kone na alupea꞉peke ya꞉leke handa loa꞉me.

Ka꞉leisia 2:2

I̱ ponoyeke Koda꞉ma꞉ pue leeke handa poa꞉me. Kutupa mo siosi you haliweki niki honumake mombela pita꞉ I̱ma꞉ mo Diendaili wanda꞉hali pa꞉ta꞉ pi seliapo dupa walolome laa la haloa꞉me. Ya amba꞉ pokoa꞉ e make ame do pokolo e make pa pahameke pokaama꞉na꞉ laa iki pa꞉ta꞉ loa꞉me.

Ka꞉leisia 4:10

Ikana꞉ma꞉ mo nate tiekemanu pa꞉ta꞉ make o wala꞉ panka꞉la꞉ sumba꞉manu pa꞉ta꞉ make o di mapemanu pa꞉ta꞉ make o panake bapi ipula꞉ ekimanu pa꞉ta꞉ make koto nate manuna꞉ di tunkula꞉la꞉ ekita꞉ hone wopu u halememe.

Ka꞉leisia 4:12

Kametonuo. Ikita꞉ I̱ tupa꞉ hamena꞉yeke I̱ma꞉ iki honke alome. I̱ make ikima꞉ handeke some kone halome. Ikana꞉ma꞉ I̱ pa꞉ta꞉ hoke hau ma꞉nda꞉ na pelememe.

Ka꞉leisia 4:20

Hone ma꞉nda꞉ uluekema꞉ I̱ta꞉ iki ame̱le̱ mandake hawee hone wotu ula꞉me. Koto ekima꞉ta꞉ I̱ma꞉ iki pa꞉ta꞉ hone eleke eleke wopu witolome.

Pilipai 2:16

Koto hau a꞉nda꞉ pimikina꞉ta꞉ kota꞉ I̱ma꞉ ikina꞉ Ketisona꞉ paa epolo pa꞉la꞉ natena꞉ ya paleke na hake halo polo ekina꞉ teke wilieke. Kota꞉ pa ekipeke ikana꞉ma꞉ koto peleme ekima꞉ta꞉ ya pokoa꞉ eta꞉ pa hameke e na pokea꞉ ya꞉ka꞉ta꞉me lolo pelemeeki walieke.

1 Desalonaika 3:5

Kutu pa꞉la꞉ ekina꞉ I̱ma꞉ Timodi tapaowa꞉me. Yuwia hapeke soka꞉la꞉ pieke handa ika꞉ hone tulaaleme ekimanu handoma꞉ tiaena꞉ Timodi tapaowa꞉me. Sadanima꞉ iki makeala꞉ ekina꞉ nika꞉ e pokoloma꞉ ekita꞉ pa alepe laa opuluekema꞉ loa꞉me.

2 Dioni 1:8

Koto ekina꞉ leke leke lo hapa꞉peke. Pa ekipeke mo hande mulueke laa e pokeleme ekita꞉ ma꞉nda꞉ na alupaake pa ana꞉na꞉ kone miomena꞉ yeke loa꞉me.