Ka꞉leisia 3:9 - Panake Pi La: Ula: Buka pita: Kine Pieke Buka

⁹ Eipoloha꞉ma꞉ma꞉ opua hone tulao hayeke handaata꞉ Koda꞉na꞉ wamo piekeeki miekeme. Koto ekina꞉ta꞉ Koda꞉ pa꞉ta꞉ hone tulaleme wanda꞉hali paeyaota꞉ Eipoloha꞉ma꞉ma꞉ Koda꞉na꞉ wamo pita꞉la꞉eki mieke tupa꞉ iki make wamo pea halememe.

Ka꞉leisia 3:9 Mawu Ofanana

Kini Pieke 24:1

Eipoloha꞉ma꞉ta꞉ ameta꞉ ota꞉ koke yeekeme. Kutupa mo Tekehalima꞉ta꞉ ipika꞉ piekeeki paeyao epeayekeme.

Loma꞉ 4:11

Mo sekemesaisi piki hauta꞉ wetepe nane piekeme. Kutupata꞉ ipika꞉ sekemesaisi hau pieke ekita꞉ ti witolo tombo dupa piekeme. Ipikita꞉ sekemesaisi hau na piki hata꞉ kone Koda꞉ pa꞉ta꞉ hone tulao hayeke ekina꞉ Koda꞉ma꞉ ipiki pa꞉ta꞉ tikitiki yao haena꞉ leeke ekita꞉ ti witolo tombo wiekeme. Kutu pa꞉la꞉ ekina꞉ haliweki paeyaoma꞉ sekemesaisi hau na piki hata꞉ kone Koda꞉ pa꞉ta꞉ hone tulao haleme ekina꞉ Koda꞉ma꞉ ipiki pa꞉ta꞉ tikitiki yao haena꞉ la꞉la꞉ haliwekina꞉ apa꞉ta꞉ Eipoloha꞉ma꞉ ika꞉ apa꞉ hala꞉me.

Loma꞉ 4:16

Eipoloha꞉ma꞉ Koda꞉ pa꞉ta꞉ hone tulaeyeke ekina꞉ Koda꞉ma꞉ hande pi la꞉ wiekeme. Koda꞉ma꞉ta꞉ Eipoloha꞉ma꞉ ipika꞉ hoki nane halo pimiki wanda꞉hali paeyao pa꞉ta꞉ hande la꞉ wieke pita꞉ iki pa꞉ta꞉ pa hameke halena꞉yeke loa꞉me. Hande Lo Pimanu oto pa꞉ta꞉ haleme wanda꞉hali pa꞉ta꞉ homeke dia꞉ya꞉la꞉pate hande Eipoloha꞉ma꞉ma꞉ pieke tupa꞉ Koda꞉ pa꞉ta꞉ hone tulao haleme wanda꞉hali pa꞉ta꞉ make hala꞉la꞉me. Eipoloha꞉ma꞉ta꞉ niki paeyaona꞉ apa꞉ hala꞉me.

Loma꞉ 4:24

Niki pa꞉ta꞉ tonka꞉na꞉ wape pa꞉la꞉me. Nikana꞉ma꞉ta꞉ hande nika꞉ Tekehali Yesu homeekepate kone mea da꞉taeyeke Koda꞉ pa꞉ta꞉ hone tulao haloma꞉ ekina꞉ nikita꞉ ipiki yaapo tikitiki yao homono la꞉la꞉me.

Ka꞉leisia 3:14

Kutu pieke ekita꞉ mo hande Eipoloha꞉ma꞉ pa꞉ta꞉ Neke tamba꞉ mulueke laa la꞉ wieke pima꞉ta꞉ Yesu Ketiso pa꞉ta꞉ yama꞉ mo Diendaili wanda꞉hali make tamba꞉ meaata꞉ kota꞉ niki make Koda꞉ pa꞉ta꞉ hone tulaaso hata꞉ ipika꞉ pi la꞉ wia꞉ Sipitidi miomono piekeme.

Ka꞉leisia 3:29

Ikita꞉ Ketiso ipika꞉eki haemeka꞉na꞉ta꞉ kota꞉ ikita꞉ mo Eipoloha꞉ma꞉na꞉ hoki nane wanda꞉hali hata꞉ Koda꞉na꞉ kulueke laa pi la꞉ wiekeeki milimikie.

Ka꞉leisia 4:28

Ya kametonuo. Ikita꞉ mo hande la꞉ wieke ekina꞉ mendieke weki Aisa꞉ke tupa꞉ kone iki make Koda꞉ma꞉ la꞉ wieke ekina꞉ ipika꞉ wekiwandiki halememe.