Ka꞉leisia 3:8 - Panake Pi La: Ula: Buka pita: Kine Pieke Buka

⁸ Baiboloma꞉ dupa la꞉ wiekeme Koda꞉ma꞉ mo hande Diendaili wanda꞉hali ika꞉ hone tulaleme ekina꞉ Koda꞉ ipiki ame̱le̱ epea halimikie laa la꞉ wiekeme. Kota꞉ mo Baiboloma꞉ Eipoloha꞉ma꞉ pa꞉ta꞉ dupiki pi seliapo la halolo alota꞉ Neke pa꞉ta꞉ yama꞉ta꞉ Koda꞉ma꞉ wanda꞉hali paeyao wamo pilieke leekeme. Mo koto leeke ekita꞉

Ka꞉leisia 3:8 Mawu Ofanana

Kini Pieke 12:3

Mo neke epealimi wanda꞉halita꞉ I̱ma꞉ epealo polopate. Mo neke pa꞉ta꞉ esihou pi lelimi wanda꞉halita꞉ kota꞉ I̱ma꞉ iki pa꞉ta꞉ esihou pi laalueke. Kutupa neke pa꞉ta꞉ yama꞉ta꞉ mo tutu ta꞉ta꞉ ta꞉ta꞉ paeyao epealueke leekeme.

Kini Pieke 18:18

Ipika꞉ monduma꞉ monduma꞉ pilia꞉ wekiwandikina꞉ wekiwandikita꞉ honkopu wopu hake tutu tieke halieke. Kutupa make ipiki pa꞉ta꞉ yama꞉ta꞉ mo tutu paeyao epealueke.

Kini Pieke 22:18

Mo nakana꞉ma꞉ yaka pi opele ekina꞉ I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ yama꞉ta꞉ mo tutu paeyao sikita꞉ epeaasa꞉eki mina꞉ lolueke leekeme.

Kini Pieke 26:4

I̱ma꞉ta꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ oli yana꞉ hala꞉ hombulanka꞉manu hala꞉ tupa꞉ haena꞉ kulueke. Kutupa iki pa꞉ta꞉ta꞉ do kenke paeyao halueke. I̱ma꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ yama꞉ta꞉ mo tutu paeyao sikita꞉ epeaasa꞉eki mina꞉ lolueke.

Kini Pieke 28:14

Ikita꞉ do kenkena꞉ ula꞉ na yata꞉pea꞉peke ya꞉la꞉ dokolo paeyaoma꞉ handilimikie. Ikita꞉ ika꞉ da kenketa꞉ do kenke nepoko paeyao pa꞉ta꞉ putupolo baalieke. I̱ma꞉ta꞉ neke pa꞉ta꞉ yama꞉ make naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ yama꞉ make tutu paeyao epealueke.

Kini Pieke 49:10

Diudama꞉ta꞉ mo kinina꞉ minu hala꞉ dolo miniki halieke. Kutupa ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ yama꞉ kini halimanu hoto paeyao handeteke hao hatiki pilimikie. Tutu manuma꞉ta꞉ ipika꞉ dakisi hambuluekema꞉ ala꞉ta꞉ ala꞉ta꞉ mea a꞉palimikie. Kutupa ipiki pa꞉ta꞉ homu pitolo hata꞉ panda꞉punialimikie.

Dioni 19:37

Kutupa mo Baibolo bukana꞉ wape pa꞉la꞉eki ma꞉nda꞉ dupae. Wanda꞉halima꞉ mo awemeke hali handilimikie wape pa꞉la꞉me.

Dioni 7:38

Mo Baibolo bukama꞉ la꞉la꞉ ekita꞉ dupae. Hali epima꞉ I̱ pa꞉ta꞉ hone tulaeya꞉ka꞉na꞉ta꞉ ipika꞉ puki pa꞉ta꞉ da꞉ta꞉la꞉ ikali opa wotu yapilieke la꞉la꞉me leekeme.

Dioni 7:42

Pa ekipeke mo Baibolo bukana꞉ la꞉la꞉ ekita꞉ Ketisota꞉ Deipidi tapake hali hata꞉ta꞉ hande Deipiti hao hayeke daoni pa꞉ta꞉ Beteleha꞉ma꞉ daoni pa꞉ta꞉ mendilieke la la꞉la꞉me lemekeme.

Aposolo 2:35

I̱ma꞉ mo naka꞉ a꞉nda꞉ tunkuliki wanda꞉halita꞉ naka꞉ anke tapa꞉pao pituelena꞉ loluekema꞉ nakana꞉ma꞉ ame do yaka popeke nane kikina꞉ pitie laa la꞉la꞉me leekeme.

Loma꞉ 9:17

Mo Baibolo bukana꞉ wape pa꞉la꞉ ekita꞉ Koda꞉ma꞉ Petou pa꞉ta꞉ alota꞉ Nakana꞉ma꞉ dupiki hau yaapo puelena꞉yeke I̱ma꞉ neketa꞉ you hali mea halena꞉ laa pua꞉me. Nakana꞉ma꞉ yaka wele pitoloeki walaalena꞉yeke make kenke honiki paeyao pa꞉ta꞉ hao yapeleme wanda꞉hali paeyaoma꞉ yaka biki opuaalena꞉yeke make pua꞉me laa leekeme.

Loma꞉ 9:30

Koto ekina꞉ do aloma꞉ pita꞉ eki epina꞉ aloma꞉pe dupae. Diendaili wanda꞉halima꞉ta꞉ Koda꞉ yaapo tikitiki yao haluekema꞉ pota꞉ na weimikipate ikana꞉ma꞉ Koda꞉ pa꞉ta꞉ hone tulaaleme ekima꞉ Koda꞉ma꞉ ikita꞉ ipiki yaapo tikitiki hamina꞉ la꞉la꞉me.

Ka꞉leisia 3:16

Koda꞉ma꞉ make koto tupa꞉ kone Eipoloha꞉ma꞉ pa꞉ta꞉ make ipika꞉ hoki nane epolo pieke hali pa꞉ta꞉ make ipika꞉ pi la꞉ wita꞉la꞉eki manuma꞉ la꞉ wiekeme. Baiboloma꞉ hoki nane epolo pieke haliweki ala꞉ pina꞉ teketa꞉ haliweki eleke eleke laa na ala꞉pate pa hoki nane epolo pieke hali ala꞉ pina꞉ teketa꞉ hali homeke homeke la ala꞉me. Mo koto hali bikita꞉ Ketisoe.

Ka꞉leisia 3:22

pa mo Baiboloma꞉ alota꞉ kenke paeyaota꞉ hoke hauna꞉ wele oto pa꞉ta꞉ ula꞉me ala꞉me. Koto ekina꞉ Koda꞉ma꞉ mo Yesu Ketiso pa꞉ta꞉ hone tulalemeeki tekena꞉ta꞉ I̱ma꞉ kulueke laa la꞉ ua꞉ ekita꞉ mo hone tulaaso haleme wanda꞉hali pa꞉ta꞉ halo hala꞉me.

Ka꞉leisia 4:30

Pate pa mo Baiboloma꞉ta꞉ eki ala꞉pe. Dupa ala꞉me. Mo pahameke e pokaasa꞉ wanda꞉ make ipika꞉ weki tonka꞉na꞉ panane halo pa꞉na꞉ tapaapeke. Pa ekipeke. Mo kutupiki wekima꞉ta꞉ mo hande ka꞉la꞉pa꞉ tapao hala꞉ wanda꞉na꞉ weki tupa꞉ hata꞉ mo hande apa꞉na꞉ anketeke putupaalu pea꞉peke na yelieke la꞉la꞉me.

Hibulu 4:2

Mo Pi Seliapota꞉ ikana꞉ma꞉ opimiki tupa꞉ nikana꞉ma꞉ make opu haoma꞉me. Ikana꞉ma꞉ epeke opimikipate kone hone tulao na miniki haemeke ekima꞉ mo pima꞉ta꞉ iki tamba꞉ mea꞉peke na yekeme.

Peneme Yaeyekeeki 11:15

Kutupa mo watake hata꞉ enisoloma꞉ ipika꞉ bu kanake lia꞉ dina꞉ta꞉ oli hepeni nane pi ho̱la̱꞉make tieke tieke manuma꞉ alota꞉ Mo kenke handeteke halo pa꞉la꞉ honkoputa꞉ ameta꞉ nika꞉ Tekehali pita꞉ ipika꞉ ma̱leke lila꞉ hali Ketiso pa꞉ta꞉ ula꞉me. Kutupa hoto paeyao handeteke hao halieke lememe.