Ka꞉leisia 3:21 - Panake Pi La: Ula: Buka pita: Kine Pieke Buka

²¹ Koto alo ekina꞉ta꞉ mo pi ula꞉eki manuma꞉ta꞉ mo Koda꞉na꞉ pi la꞉ ula꞉eki hoeyaaluekema꞉ wia pa꞉la꞉pe. Dia꞉me. Ota꞉ dia꞉me. Mo pi ula꞉eki homekema꞉ wanda꞉hali da꞉taapeke ya꞉ka꞉na꞉ yoluta꞉ kota꞉ kotota꞉ paeyaoma꞉ koto pi ula꞉eki opua miniki hata꞉ Koda꞉ yaapo tikitiki halo pimipate

Ka꞉leisia 3:21 Mawu Ofanana

Luku 20:16

Ipikana꞉ma꞉ a꞉pa mo haliweki liaata꞉ ipika꞉ eta꞉ mo mandane e handeteke halo pa꞉la꞉ haliweki pa꞉ta꞉ hala꞉ monealieke leekeme. Mo wanda꞉halima꞉ doeki opu hao alota꞉ Ota꞉ kutupa dia꞉me lemekepate

Loma꞉ 3:31

Koto pa꞉la꞉ ekina꞉ mo hande hone tulaasa꞉ ekima꞉ hande Lo Pimanu paeyaasoma꞉pe. Ota꞉ dia꞉me. Hande Lo Pimanu nikana꞉ma꞉ mea a꞉meiyaasoma꞉me.

Loma꞉ 3:4

Ota꞉ dia꞉me. Wanda꞉hali paeyaoma꞉ yayapiki pi alo hamina꞉ kone Koda꞉ma꞉ta꞉ ota꞉ pi homeke lo halieke. Hande Baibolo bukana꞉ wape pa꞉la꞉ tupa꞉ Nakana꞉ma꞉ ale pita꞉ paeyaoma꞉ opuaata꞉ ota꞉ tikitiki piki pi aleme laa hone wilimikie. Neke pa꞉ta꞉ pi yokaalu pitiki pimika꞉na꞉ta꞉ hoto paeyao wini pea꞉tiki pilipikie wape pa꞉la꞉me.

Loma꞉ 3:6

A꞉pa꞉e. Ota꞉ dia꞉me. Koda꞉ma꞉ta꞉ tikitiki hau na pu haya꞉ka꞉na꞉ta꞉ kota꞉ wanda꞉hali pa꞉ta꞉ ekipa pi yokaalu piliepe.

Loma꞉ 9:31

Kutu pa꞉la꞉pate hande talopu mea haena꞉ la꞉la꞉ wanda꞉halima꞉ta꞉ ikita꞉ Koda꞉ yaapo tikitiki yao hamina꞉ lolo peleme pi ula꞉ ekimanu weimikipate na handa꞉ wimikime.

2 Kotindi 3:7

Mo Mosesina꞉ Lo Pita꞉ toopi sasakena꞉ wape pea lao halea꞉ dina꞉ta꞉ Koda꞉na꞉ pa̱a̱ opolo epeekeme. Kutupa koto Mosesina꞉ leke popelekena꞉ pia꞉ pa̱a̱ta꞉ paa alu putia pea꞉pate kone honkopu wopu pia꞉ ekima꞉ mo Isulai wanda꞉halima꞉ta꞉ ipiki na handaake wimikime. Mo homa꞉la꞉eki mea ipula꞉ Lo Pita꞉ ipika꞉ e poka꞉la꞉ dina꞉ dupiki pa̱a̱ pa꞉la꞉eki mea a꞉pa꞉peke ya꞉la꞉me hone uma꞉ka꞉na꞉ta꞉

Ka꞉leisia 2:17

Nikita꞉ nika꞉ Yesu pa꞉ta꞉ haloma꞉ ekima꞉ nika꞉ Koda꞉ pa꞉ta꞉ tikitiki yao haluekema꞉ taapolo hata꞉ kone pa mo Diendaili wanda꞉halima꞉ pu haleme hoke hau leke pulumeeki handa꞉ wimika꞉na꞉ta꞉ kota꞉ kotoeki ma꞉nda꞉ma꞉ handolo hata꞉ta꞉ koto hauma꞉ta꞉ Ketisoma꞉ hoke haumanu wala tiaaso pia꞉ka꞉ta꞉me lena꞉ lomana꞉pe. Dia꞉me. Ota꞉ dia꞉me.

Ka꞉leisia 2:19

Mo hande pi ula꞉eki hotimika꞉na꞉ta꞉ kota꞉ mo koto pi ula꞉eki pa꞉ta꞉ I̱ amba꞉ homa halome. Koto pi ula꞉ ekima꞉ kone I̱ homono lia꞉me. Kutu pieke ekita꞉ I̱ma꞉ Koda꞉ yaapo da꞉ta hanoyeke pia꞉me. I̱ta꞉ mo Ketiso homea꞉ ti manda mandake homolopa꞉me.

Ka꞉leisia 2:21

Koda꞉na꞉ a꞉ta꞉ma꞉ homa꞉la꞉eki pa꞉ta꞉ I̱ma꞉ kiaaso hata꞉ mo tea꞉ hata꞉ pina꞉e pi na lolueke. Pate ma꞉nda꞉ma꞉ hone witolo hata꞉ta꞉ Koda꞉ yaapo tikitiki yao haluekema꞉ mo pi ula꞉eki manuma꞉ homeke pulueke hone wia꞉ka꞉na꞉ta꞉ kota꞉ Ketisota꞉ pa homeya꞉ka꞉ta꞉me.

Ka꞉leisia 6:14

Kutu pu halemepate I̱ma꞉ta꞉ mo nika꞉ Tekehali Yesu Ketiso mo kolosuna꞉ homeeke ekina꞉ homeke hakoko liki pi lolueke. Yesu Ketisoma꞉ kolosuna꞉ homeeke handa ya hone pa꞉ta꞉ta꞉ do kenke hau paeyaota꞉ homeke alema꞉ handa꞉la꞉me. Kutupa make I̱ta꞉ do kenke hauna꞉ta꞉ homa꞉ pa ulume hone witolome.

Hibulu 11:7

Koda꞉ma꞉ wetepe epolo pieke hau manuta꞉ Noa pa꞉ta꞉ kinki piekeme. Koto hau manuta꞉ Noama꞉ handa꞉peke na yekepate kone ipika꞉ hone tulaaso hata꞉ Koda꞉na꞉ pi opiekeme. Koto leeke Koda꞉na꞉ kakena꞉ homolo mo wepie leeke kawaso tieke wepiekeme. Koto kawasoma꞉ta꞉ ipiki make ipika꞉ wekiwanda꞉ make peteleekeme. Noama꞉ mo hande Koda꞉ma꞉ leeke pi telia pieke handaa Koda꞉ma꞉ mo hone tulaasemeke hala꞉la꞉ tikitiki piki hauta꞉ Noa pa꞉ta꞉ haleekepate paa pa haemeke mandane wanda꞉hali paeyaota꞉ ota꞉ hoeyaeyekeme.

Hibulu 7:18

Kota꞉ mo hande amba꞉ pi la꞉ ula꞉ ekita꞉ honkopu na hake pa alema꞉ handa꞉leke handaa pa nane wina꞉ la꞉la꞉me.

Hibulu 7:19

Koto pieke ekita꞉ kota꞉ mo Mosesina꞉ Lo Pi wiekeeki manuma꞉ta꞉ hau ma꞉nda꞉ tikitiki na yaeyekeme. Kutu pieke yeketa꞉ niki ipiki teke pa꞉ta꞉ epomono Koda꞉ma꞉ mo Lo Pi wiekeeki ota꞉ lombei piki panake pota꞉ ma꞉nda꞉ wiawayekeme.