Ka꞉leisia 3:1 - Panake Pi La: Ula: Buka pita: Kine Pieke Buka

¹ Ka꞉leisia wanda꞉halio ikita꞉ you hoeta꞉la꞉ pate ya꞉la꞉me. Epima꞉ hoeyao pa꞉la꞉pe. Mo hande Yesu Ketiso ti manda homeeketa꞉ ikana꞉ma꞉ ika꞉ lekema꞉ handa honema꞉ kone pikisa leke muemena꞉yeke ya pima꞉ ota꞉ tikitiki la kua꞉me.

Ka꞉leisia 3:1 Mawu Ofanana

Ma꞉tiu 24:24

Yayapiki Ketisomanu make yayapiki pi la꞉ mea halo hala꞉ haliweki make a꞉pa mo hande Koda꞉na꞉ ma̱leke lila꞉ wanda꞉hali pa nane hatuku mea puluekema꞉ yeke iki makeaapeke ya꞉la꞉o laa makea handuluekema꞉ na handeke hau tieke tiekemanu make wele pita꞉la꞉ ekimanu make walimikie.

Ma꞉tiu 7:26

Pate wanda꞉hali epima꞉ do ya pimanu opuaata꞉ koto alo ekimanu na pu haya꞉ka꞉na꞉ta꞉ kota꞉ ipikita꞉ mo hande hone wopu na wiki hou manda da a꞉eyeke hali tupa꞉ hala꞉me.

Luku 24:25

Kutupa Yesuma꞉ mo hali yaapo pa꞉ta꞉ alota꞉ Meimei liake some yaapoo. Mo hande potopede halima꞉ leeke pimanu homeke a꞉nda꞉ hone a̱i̱ na tulao pipika꞉ta꞉me.

Aposolo 16:6

Kutupa mo Pitikia Ka꞉leisia nane yaapo lombei pupa pemekepate mo Holi Sipitidima꞉ mo Eisia nane pi na walena꞉ leekeme.

Aposolo 6:7

Koto ekina꞉ mo Koda꞉na꞉ pi paa mea a꞉meiyao kutupa Diutuseleme da nane mo disaipolo wanda꞉hali make aneke hapu daeyao kutupa mandane yeni peao haemeke haliweki wopu make mo Koda꞉na꞉ pi opua Ketiso pa꞉ta꞉ hone tulao haemekeme.

Loma꞉ 10:16

Kutu pa꞉la꞉pate hande Pi Seliapota꞉ pea꞉ paeyaoma꞉ opua puki pa꞉ta꞉ na mea mendielememe. Aisayama꞉ ipikana꞉ma꞉ kone alota꞉ Tekehalio. Do nikana꞉ma꞉ waloma꞉ pita꞉ epima꞉ opua hone tulaala꞉pe laa leekeme.

Loma꞉ 2:8

Kutu piliepate mandane wanda꞉halima꞉ta꞉ ika꞉ hone pa꞉la꞉ ekimanu pu hao pa epeke hau pea꞉pa꞉pekeeki kiao hokeeki kone pu halememe. Kutu piki wanda꞉hali pa꞉ta꞉ Koda꞉ma꞉ mineke pankolo hata꞉ hoke yenki halieke.

Loma꞉ 6:17

Koda꞉ pa꞉ta꞉ keiyae pi lomana꞉e. Do ekina꞉yeke loa꞉me. Ikita꞉ amba꞉ hone pa꞉la꞉eki pitolo hata꞉ hoke hau pu haemeke ekina꞉ pa hameke e pokaaseme haliweki leke haemekepate ikana꞉ma꞉ hande waleekeeki opua handa꞉ wimiki ota꞉ pimanu wotu pimikime.

1 Kotindi 11:26

Do palaowa make do kapona꞉ make nalo hata꞉ Tekehali epena꞉yeke ipika꞉ homeekeeki walo halimikie.

1 Kotindi 2:2

Kutupa iki ame̱le̱ hata꞉ hone dupa ua꞉me. Mo ala꞉ta꞉ ala꞉ta꞉ paeyao hone yonka꞉laaso hata꞉ pa mo Yesu Ketiso pita꞉ mo hande ipiki a꞉ka꞉tei wape piki tina꞉ endiaemekeeki yaapo homeke waluekema꞉ hone witolo hata꞉ haowa꞉me.

2 Kotindi 10:5

Mo Koda꞉ hone wiaapa꞉na꞉ sa꞉sa꞉ puluekema꞉ mea tiao pu halemeeki paeyao nikana꞉ma꞉ mea lopao haloma꞉me. Nikana꞉ma꞉ta꞉ honemanu paeyao minaata꞉ Ketisona꞉ pi opua homu pina꞉ lo haloma꞉me.

2 Kotindi 11:3

Ika꞉ hone manuta꞉ hoeyaasa꞉eki manuma꞉ mea bepolao ika꞉ ota꞉ Ketiso pa꞉ta꞉ homeke ala꞉ta꞉ ma꞉nda꞉ na ta̱leke pukima꞉ homelemeeki hoki walimikie laata꞉ I̱ta꞉ paala꞉ pa꞉la꞉me. Mo hande ketona꞉ hone wopu lenkene piki yayapiki pima꞉ hande Ipa꞉ makeaeyeke tupa꞉ kone pilieke laa loa꞉me.

Ka꞉leisia 1:2

Do mandake haloma꞉ kame tonuma꞉ I̱ ame̱le̱ apa꞉tao mo iki Ka꞉leisia kenke pa꞉ta꞉ haleme siosimanu pa꞉ta꞉ nika꞉ a꞉ta꞉pa꞉la꞉ pi la꞉neaasoma꞉me.

Ka꞉leisia 1:6

A꞉pei. Ikana꞉ma꞉ pitelememe ala꞉eki opitolo I̱ma꞉ tola꞉tia pominolome. Ikita꞉ nate aneke hapu a꞉nda꞉ dia꞉ya꞉pate mo hande Ketisona꞉ a꞉ta꞉ma꞉ homa꞉la꞉eki pa꞉ta꞉ yama꞉ iki wi lea꞉ Koda꞉ta꞉ koto kone mina꞉pa꞉laaso hata꞉ pi seliapo ma꞉nda꞉ taa miniki haemeka꞉ta꞉me.

Ka꞉leisia 2:14

Koto haliweki ikita꞉ mo panake pi seliapoma꞉ wala꞉la꞉ tupa꞉ tikitiki na pemekeeki handa I̱ma꞉ iki paeyaona꞉ leke popelekena꞉ Pida pa꞉ta꞉ alota꞉ Neketa꞉ Diu hali halepate kone nakana꞉ma꞉ Diu hali dia꞉ma꞉ pa mo Diendaili tapake haleme tupa꞉ kone haeme. Koto pele ekina꞉ta꞉ eki epi tekena꞉ nakana꞉ma꞉ mo Diendaili tapake Diu tapake leke haena꞉ tialo alepe.

Ka꞉leisia 3:3

Ekipa do pamba꞉ na piki hau pea pelemepe. Ika꞉ Ketiso pa꞉ta꞉ da꞉ta haleme ekita꞉ Koda꞉na꞉ Sipitidina꞉ welema꞉ kini peaeyeke yekepate pa ameta꞉ ikana꞉ma꞉ ika꞉ lokena꞉ welema꞉ pu paeyaalimikipe.

Ka꞉leisia 4:9

Kutu pimipate ameta꞉ ikana꞉ma꞉ Koda꞉ handelememe o dia꞉me ameta꞉ Koda꞉ma꞉ iki handa꞉la꞉me lapeke ya꞉la꞉me. Koto pa꞉la꞉pate pa ekipa mo hoke honkopu na hake kenke tumbao haleme temokomanu pa꞉ta꞉ paa la꞉ka꞉la pua ika꞉ pa hameke e pokaaseme wanda꞉hali kone haluekema꞉ taapo halemepe.

Ka꞉leisia 5:11

Ya kame tonuo. Mandane haliwekima꞉ I̱ pa꞉ta꞉ aleme pita꞉ I̱ma꞉ mo sekemesaisi hau pumana꞉ pipe laa pa wala꞉tia pu haowa꞉ka꞉na꞉ta꞉ kota꞉ pa ekipeke ikana꞉ma꞉ I̱ pa ka꞉nda꞉ peao halemepe. Koto aleme pita꞉ ota꞉ pi ya꞉ka꞉na꞉ yoluta꞉ kota꞉ mo ya Ketisona꞉ a꞉ka꞉tei wape piki tina꞉ pi walaaso ekima꞉ta꞉ iki hoke hone na u tialo pia꞉me.

Epesese 3:8

Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.

Epesese 4:14

Koto tupa꞉ haoma꞉ka꞉na꞉ta꞉ nikita꞉ weki wandikisunu leke na halumeke. Hande poma꞉ dawala mea pominolo pita꞉la꞉ tupa꞉ mandane yayapiki pi aleme haliwekima꞉ ika꞉ ta꞉ta꞉ piki pi make ika꞉ hone wia makeaaseme ekimanu make wanda꞉hali walolo hata꞉ hao hoeyaena꞉ alememe.

Epesese 5:15

Koto ekina꞉ epeke tupa꞉ haluekema꞉ wotu handeteke hata꞉ hone na wiki haliweki leke na hake hone wotu witolo hata꞉ hapa꞉peke.

2 Desalonaika 1:8

Kota꞉ ikana꞉ma꞉ta꞉ Koda꞉ hone na pa꞉la꞉ wanda꞉hali make Tekehali Yesuna꞉ Pi Seliapo na opiki wanda꞉hali make ika꞉ hoke yenki haluekema꞉ ti uleke talo talo haena꞉ ipilimikie.

1 Timodi 6:4

kota꞉ koto someta꞉ hone na wiki hakoko lita꞉la꞉ hali hala꞉me. Ipiki pa꞉ta꞉ta꞉ hoke hone teke pila꞉me. Koto ekina꞉ ipikana꞉ma꞉ mo mana꞉ pi teke manuna꞉ta꞉ ape ape lo make pi yokaalu alu puluekema꞉ hone wopu u hala꞉me. Ipika꞉ kutu pita꞉la꞉ ekima꞉ta꞉ mo hone wopu epeke tupa꞉ na handeteke haleme wanda꞉hali tukiki pa꞉ta꞉ta꞉ I̱ I̱ ala꞉ hau make ape ape la alualu pitolo hata꞉ yaala꞉ peake pi la alualu pu make na handoma꞉ tiake hoke hone u alualu pita꞉la꞉eki make

Hibulu 11:8

Eipoloha꞉ma꞉ ipika꞉ hone tulaeyeke ekima꞉ Koda꞉na꞉ kakena꞉ homa mo hande kuluekee laa pi la꞉ wieke kenke pa꞉ta꞉ peekeme. Ipika꞉ teke da mina꞉pa꞉lao mo ipiki mateke kenke pa꞉ta꞉ peekeme.

Hibulu 5:9

Ipikita꞉ koto hau paeyaona꞉ ota꞉ ana꞉ pieketa꞉ mo ipika꞉ kakena꞉ homaa pi opu haleme wanda꞉halina꞉ da꞉ta꞉la꞉ ekina꞉ tekehali hayekeme.

1 Pida 1:22

Koda꞉na꞉ ota꞉ pi opua pu haleme ekima꞉ta꞉ ika꞉ temoko yako pina꞉ lelememe. Ame ika꞉ Ketiso yankeke ota꞉ pukima꞉ homa halememe. Koto pelemepate ika꞉ puki paeyaoma꞉ pukima꞉ ota꞉ homa꞉ alualu pu hapa꞉peke.

1 Pida 4:17

Koda꞉ma꞉ pi yokaalu pulu pa꞉la꞉ nateta꞉ ame amba꞉ a꞉pa hala꞉me. Kutupa Koda꞉ ipika꞉ wanda꞉hali kone pa꞉ta꞉ amba꞉la kini pu mea pi yokaalu pilieke. Koto ekina꞉ niki pa꞉ta꞉ amba꞉la kini pia꞉ka꞉na꞉ta꞉ kota꞉ mo Koda꞉na꞉ Pi Seliapo opua kone pa kiaaseme wanda꞉hali pa꞉ta꞉ta꞉ ekipa paeyaalia꞉pe

2 Pida 2:18

Ikana꞉ma꞉ta꞉ hakoko lia teke na wiki pimanu wepu halememe. Kutupa make mo hokeeki pa꞉ta꞉ haleme wanda꞉hali paka꞉lao poluekema꞉ kini piteleme wanda꞉hali tamuluekema꞉ta꞉ ika꞉ lokena꞉ na꞉na꞉ma꞉ homa꞉la꞉ ekima꞉ pu halememe.

Peneme Yaeyekeeki 18:3

Pa ekipeke mo kapomani ta꞉ta꞉ ta꞉ta꞉ma꞉ handeteke hala꞉ tapake paeyaoma꞉ta꞉ ipika꞉ waini ikali nememe. Mo honkopu wopu hake waini ikali ipika꞉ loke hoeyaasa꞉ na꞉na꞉ pa꞉la꞉ hauna꞉ loa꞉me. Do kenkena꞉ kini manuma꞉ta꞉ mo wanda꞉ ame̱le̱ loke hoeyaasa꞉ hau pu ombu haememe. Kutupa do kenkena꞉ bisinisi haliwekita꞉ mo wanda꞉na꞉ kikana꞉ hau leke pia꞉ hoke hau pa꞉ta꞉ yama꞉ hamoko haememe lea꞉me.

Peneme Yaeyekeeki 2:20

Koto pelemepate I̱ma꞉ iki pa꞉ta꞉ alo pita꞉ dupa. Ikana꞉ma꞉ta꞉ mo wanda꞉ Diesibeleta꞉ iki ame̱le̱ pa haena꞉ kiaalememe. Koto wanda꞉ma꞉ta꞉ ipikita꞉ Koda꞉na꞉ pi mea ipulu wanda꞉e lo hala꞉pate ipika꞉ wala꞉la꞉ ekima꞉ta꞉ yaka e pa hameke pokaaseme tapakema꞉ ika꞉ loke hoeyaasa꞉ hau pina꞉ make mo hoke temoko pa꞉ta꞉ hala꞉la꞉ nemanu nena꞉ hatuku pu hoeyao hala꞉me.