Ka꞉leisia 2:7 - Panake Pi La: Ula: Buka pita: Kine Pieke Buka

⁷ Koto hau na pimipate Pidama꞉ Diu wanda꞉hali pa꞉ta꞉ mo pi seliapo walao haena꞉ mea hayeke tupa꞉ kone Koda꞉ma꞉ I̱ make Diu tapake na hake ta꞉ta꞉ piki tapakemanu pa꞉ta꞉ pi walano mea haena꞉ lea꞉ ekita꞉ ikana꞉ma꞉ handememe.

Ka꞉leisia 2:7 Mawu Ofanana

Aposolo 15:12

Banabasi Polo yaapoma꞉ta꞉ Koda꞉ma꞉ ipiliki pa꞉ta꞉ wele pita꞉la꞉eki halaata꞉ mo na hando haemeke ekimanu make wele pieke ekimanu make mo Diendaili wanda꞉hali pa꞉ta꞉ pieke ekimanu walolo haena꞉ta꞉ mo mombelemeke haliwekima꞉ opitolo hata꞉ pi na leke yopu pitimikime.

Aposolo 18:6

Kutu piekepate ipiki tolu luekema꞉ pi la la pimiki pita꞉ Poloma꞉ ipika꞉ dau tandela iki pa꞉ta꞉ alota꞉ I̱ dia꞉me. Ika꞉ youna꞉ ika꞉ we mendia꞉pa꞉peke leekeme. Ya ketete dia꞉me leekeme. Ameta꞉ Diendaili wanda꞉hali pa꞉ta꞉ pulume leekeme.

Aposolo 28:28

Kutupa Poloma꞉ lo paeyaaso hata꞉ alota꞉ Hone wia꞉pa꞉peke. Koda꞉ma꞉ ipika꞉ da꞉taasa꞉ pita꞉ mo Diendaili wanda꞉hali pa꞉ta꞉ tapaasa꞉ma꞉ opilimikie laa lea꞉me.

Aposolo 9:15

Koto leekepate Tekehalima꞉ alota꞉ Pue. Do halita꞉ yaka amba꞉ molo halima꞉ pa꞉la꞉me leekeme. Yaka bikita꞉ Diendaili wanda꞉halima꞉ make kini haliwekima꞉ make Isulai wanda꞉halima꞉ make opina꞉ pua꞉ma꞉ pue leekeme.

Loma꞉ 1:5

Koda꞉ma꞉ Yesu Ketiso pa꞉ta꞉ hone witolo hata꞉ I̱ aposolo hali halo pua꞉eki kia꞉me. Kutupa Ketisona꞉ bikina꞉ kenke ta꞉ta꞉ ta꞉ta꞉ pa꞉ta꞉manu haeme wanda꞉hali paeyao hatuku pua ipika꞉ pi hone tulao opua pina꞉yeke kia꞉me.

Loma꞉ 11:13

I̱ma꞉ Diendaili wanda꞉hali iki pa꞉ta꞉ do alo pita꞉ doeki loluekema꞉ loa꞉me. I̱ta꞉ Diendaili wanda꞉hali ika꞉ aposolo hali halo ekina꞉ Koda꞉ma꞉ I̱ pa꞉ta꞉ walea꞉ e pokaaluekema꞉ ta꞉na꞉ma꞉ homa honkopu hao hata꞉ pokaalueke.

1 Kotindi 9:17

Yaka e pokolo ekita꞉ yaka honema꞉ kone wia pokoa꞉ka꞉na꞉ yoluta꞉ kota꞉ mo ena꞉ yenki muluekema꞉ hone ulu pua꞉pate pa yaka hone wia na piki pa mo Koda꞉ma꞉ walea꞉ e kone pokaaso ekina꞉ta꞉

Ka꞉leisia 1:18

Mo Koda꞉na꞉ eiyeke I̱ pa꞉ta꞉ peneme yaeya꞉ hoki nane bapi tepo hao Diutuseleme da nane pua Pida yaapo pi pi loluekema꞉ pula yaapona꞉ ipika꞉ da pa꞉ta꞉ mandake haopa꞉me.

Ka꞉leisia 1:6

A꞉pei. Ikana꞉ma꞉ pitelememe ala꞉eki opitolo I̱ma꞉ tola꞉tia pominolome. Ikita꞉ nate aneke hapu a꞉nda꞉ dia꞉ya꞉pate mo hande Ketisona꞉ a꞉ta꞉ma꞉ homa꞉la꞉eki pa꞉ta꞉ yama꞉ iki wi lea꞉ Koda꞉ta꞉ koto kone mina꞉pa꞉laaso hata꞉ pi seliapo ma꞉nda꞉ taa miniki haemeka꞉ta꞉me.

Ka꞉leisia 2:11

Pida A꞉ndioko da nane epea꞉ pita꞉ma꞉ta꞉ ipika꞉ hauta꞉ peneme hoi pieke handa I̱ma꞉ ipika꞉ leke popelekena꞉ tikitiki pua sa꞉sa꞉ pua꞉me.

Ka꞉leisia 2:14

Koto haliweki ikita꞉ mo panake pi seliapoma꞉ wala꞉la꞉ tupa꞉ tikitiki na pemekeeki handa I̱ma꞉ iki paeyaona꞉ leke popelekena꞉ Pida pa꞉ta꞉ alota꞉ Neketa꞉ Diu hali halepate kone nakana꞉ma꞉ Diu hali dia꞉ma꞉ pa mo Diendaili tapake haleme tupa꞉ kone haeme. Koto pele ekina꞉ta꞉ eki epi tekena꞉ nakana꞉ma꞉ mo Diendaili tapake Diu tapake leke haena꞉ tialo alepe.

Ka꞉leisia 2:9

Dia꞉mesi Pida make Dioni ikita꞉ you haliweki hake nono piki haliweki hata꞉ mo Koda꞉ma꞉ do I̱ pa꞉ta꞉ ka꞉la꞉ ta꞉ta꞉piki e handolota꞉ niki paeyao homeke tapake haloma꞉me laa handena꞉ walolo Banabasi yaapo kiki mina꞉ alualu puma꞉me. Kutupa nikana꞉ma꞉ homeke pi laata꞉ Banabasi make I̱ dikana꞉ma꞉ta꞉ Diendaili tapake ame̱le̱ hapono ikita꞉ Diu tapake ame̱le̱ hamena꞉e loma꞉me.

1 Desalonaika 2:4

Dia꞉me. Koda꞉ma꞉ niki amba꞉la꞉ la handea꞉me. Kutupa ipikana꞉ma꞉ ipika꞉ hone piekena꞉ kone nikana꞉ma꞉ mo Pi Seliapo walomono mea haena꞉ la꞉la꞉me. Koto ekina꞉ wanda꞉halima꞉ nika꞉ e pokoloma꞉ ekina꞉ ta꞉na꞉ma꞉ homena꞉ laa na pokoma꞉me. Dia꞉me. Nika꞉ hone pa꞉la꞉ ekita꞉ pa Koda꞉ma꞉ homeke nika꞉ puki telipitolo ta꞉na꞉ma꞉ homolo hata꞉ ana꞉ pa꞉la꞉me laa lena꞉e.

1 Timodi 1:11

Koto wala꞉peke mana꞉ pi epeketa꞉ mo pa̱a̱ pita꞉la꞉ ta꞉na꞉ piki Koda꞉ma꞉ I̱ma꞉ la halonoyeke ka꞉la꞉ Pi Seliapo pa꞉ta꞉ ula꞉me.

1 Timodi 2:7

Koto pi walono yeke Koda꞉ma꞉ I̱ aposolo hano la꞉la꞉me. I̱ma꞉ yaa pi na alome. Ota꞉ pi alo loa꞉me. Ipikana꞉ma꞉ I̱ta꞉ mo Diendaili wanda꞉halina꞉ moka꞉la꞉ tiaasa꞉ hali hata꞉ta꞉ ipika꞉ ota꞉ pi make mo hone tulaasa꞉eki make walaano yeke hano la꞉la꞉me.

2 Timodi 1:11

Koto Pi Seliapona꞉ la hala꞉la꞉ hali make aposolo hali hata꞉ moka꞉la꞉ tiaaso hali hano yeke Koda꞉ma꞉ I̱ ma̱leke lia꞉me.

2 Pida 3:15

Nika꞉ kame seliapo Poloma꞉ Koda꞉ma꞉ haleeke epeke hone wita꞉la꞉eki miniki hata꞉ iki pa꞉ta꞉ tameiya꞉ tapaaso leekeme. Koto tupa꞉ mo nika꞉ Tekehalina꞉ a꞉ta꞉ma꞉ homolo yu wia hala꞉ ekita꞉ iki da꞉ta꞉la꞉eki miomena꞉ waleke wiaaso pita꞉la꞉me hone wopu u hapa꞉peke.