Ka꞉leisia 2:13 - Panake Pi La: Ula: Buka pita: Kine Pieke Buka

¹³ Niki mandakena꞉ haloma꞉ Diu Ketiso kametonu make mo Pidana꞉ leke tieke hau honde mimikime. Do koto leke tita꞉la꞉ hauma꞉ta꞉ Banabasi make pa mea tiao peekeme.

Ka꞉leisia 2:13 Mawu Ofanana

Kini Pieke 27:24

paa lota꞉ pitolo alota꞉ Neketa꞉ ota꞉ Iso ka꞉ta꞉pe leekeme. Mo wekima꞉ hombo peaaso alota꞉ Aowe I̱e leekeme.

Ma꞉tiu 23:28

Koto hali lapa꞉da tupa꞉ta꞉ wanda꞉halina꞉ leke popelekena꞉ ika꞉ lokema꞉ piteme hau manuta꞉ ota꞉ epeke hau pu hala꞉ haliweki leke halemepate oni tukiki pa꞉ta꞉ta꞉ makea makea hau make hoke hoke hau manuma꞉ make tumbulu baalememe.

Aposolo 4:36

Kutupu haemekepate hali ma꞉nda꞉ta꞉ Diosepe hayekeme. Koto halita꞉ Lipae tapake hali hayekepate ipiki mendiki hauta꞉ Saipotasi nane mendieke halie. Aposolo haliwekima꞉ mo halina꞉ biki ma꞉nda꞉ Banabasi lemekeme. Mo biki lemeke ekina꞉ pi napeketa꞉ dupae. Honkopu haena꞉ Sutiaasa꞉ Halie la kone lemekeme.

1 Kotindi 12:2

Ikita꞉ pi na miki haemeke dina꞉ta꞉ hande pi lapeke na yeke toopi tima꞉ wepia ula꞉ ale manuma꞉ iki handeteke hata꞉ hatuku ombu pu hoeyaemeke ekita꞉ ikana꞉ma꞉ hone amba꞉ wilimime. Ikana꞉ma꞉ hande pi lapeke na ya꞉la꞉ ale manuna꞉ biki yeiya꞉ loluekema꞉ pemekeeki loa꞉me.

1 Kotindi 15:33

Makeaasa꞉eki na opua꞉pa꞉peke. Hoke wanda꞉hali ame̱le̱ pomuma꞉ka꞉na꞉ta꞉ kota꞉ nika꞉ epeke hau pitoloma꞉eki hoeyaapeke ya꞉la꞉me.

1 Kotindi 5:6

Ikana꞉ma꞉ Niki kone ana꞉ pa꞉la꞉me la aleme ekita꞉ popeke na piki pi alememe. Hande opeleme lo halemeeki ma꞉nda꞉ dupa. Mo pombei yaasa꞉ yisitita꞉ hosiki alesikima꞉ kone palaowa paeyao pombei yao hala꞉me laa lo halememe.

1 Kotindi 8:9

Koto pa꞉la꞉pate ikana꞉ma꞉ mo ika꞉ ana꞉na꞉ handaa pitelemeeki manuma꞉ta꞉ pa mo hone wopu na tulaaleme wanda꞉hali hoke hau pea lopaapa꞉na꞉yeke wotu handeteke hapa꞉peke.

Ka꞉leisia 2:1

Bapi 14 yapeeke hoki naneta꞉ Banabasi yaapo mo Diutuseleme nane Taitasi hatuku paa popa꞉me.

Ka꞉leisia 2:9

Dia꞉mesi Pida make Dioni ikita꞉ you haliweki hake nono piki haliweki hata꞉ mo Koda꞉ma꞉ do I̱ pa꞉ta꞉ ka꞉la꞉ ta꞉ta꞉piki e handolota꞉ niki paeyao homeke tapake haloma꞉me laa handena꞉ walolo Banabasi yaapo kiki mina꞉ alualu puma꞉me. Kutupa nikana꞉ma꞉ homeke pi laata꞉ Banabasi make I̱ dikana꞉ma꞉ta꞉ Diendaili tapake ame̱le̱ hapono ikita꞉ Diu tapake ame̱le̱ hamena꞉e loma꞉me.

Epesese 4:14

Koto tupa꞉ haoma꞉ka꞉na꞉ta꞉ nikita꞉ weki wandikisunu leke na halumeke. Hande poma꞉ dawala mea pominolo pita꞉la꞉ tupa꞉ mandane yayapiki pi aleme haliwekima꞉ ika꞉ ta꞉ta꞉ piki pi make ika꞉ hone wia makeaaseme ekimanu make wanda꞉hali walolo hata꞉ hao hoeyaena꞉ alememe.

Hibulu 13:9

Amba꞉ na opimi pa ta꞉ta꞉ ta꞉ta꞉ piki pi walimieki manuma꞉ mo ika꞉ epeke pota꞉na꞉ pulimieki na yola꞉ mea pa꞉na꞉ lapa꞉peke. Koda꞉na꞉ a꞉ta꞉ma꞉ homa tamba꞉ mina꞉la꞉eki homekema꞉ ika꞉ puki hana꞉ noka꞉paena꞉ lemeka꞉na꞉ta꞉ a꞉pa꞉la꞉pate paa mo ne na nape laa pi ula꞉ hau manuma꞉ dia꞉me. Koto hau tolu haleme wanda꞉halita꞉ mo hauma꞉ iki na tamba꞉ mu hala꞉me.