Ka꞉leisia 1:7 - Panake Pi La: Ula: Buka pita: Kine Pieke Buka

⁷ Koto pimika꞉ta꞉ pateta꞉ I̱ma꞉ta꞉ pi seliapota꞉ ma꞉nda꞉ ota꞉ dia꞉me hone witolome. Koto alo ekita꞉ mandane wanda꞉halima꞉ mo Ketisona꞉ ota꞉ pi seliapo topo topo puluekema꞉ taapelememe.

Ka꞉leisia 1:7 Mawu Ofanana

Ma꞉tiu 24:24

Yayapiki Ketisomanu make yayapiki pi la꞉ mea halo hala꞉ haliweki make a꞉pa mo hande Koda꞉na꞉ ma̱leke lila꞉ wanda꞉hali pa nane hatuku mea puluekema꞉ yeke iki makeaapeke ya꞉la꞉o laa makea handuluekema꞉ na handeke hau tieke tiekemanu make wele pita꞉la꞉ ekimanu make walimikie.

Aposolo 13:10

Neketa꞉ Sadanina꞉ halie. Epeke alemanu paeyao pa꞉ta꞉ a꞉nda꞉ lu halemee. Mo hoke hoke yayapiki haumanu pita꞉la꞉eki neke pa꞉ta꞉ tumba pila꞉me laata꞉ Tekehalina꞉ ota꞉ pimanu kone nakana꞉ma꞉ta꞉ yayapiki pimanu laa la꞉ka꞉laluekema꞉ taapo haleme.

Aposolo 15:24

Nika꞉ da nane haliweki mandaneeki manuma꞉ pi walolo hata꞉ iki ka꞉nda꞉ peaemeke ekita꞉ opuma꞉me. Nikana꞉ma꞉ dupa lapa꞉peke pi na loma꞉pate pa ika꞉ konema꞉ iki ka꞉nda꞉ma꞉ homaemekeme.

Aposolo 20:30

Kutupa iki pa꞉ta꞉ kone mandane haliwekima꞉ tiaota꞉ mo Ketiso wanda꞉hali yola꞉ muluekema꞉ hoke pi alemanu lelimikie hone ulume lea꞉me.

2 Kotindi 11:13

Koto haliwekita꞉ ota꞉ aposolo haliweki dia꞉me. Ikita꞉ makeaaso aposolo haliweki hata꞉ ika꞉ pokeleme ena꞉ yayapiki pi laata꞉ ikita꞉ Ketisona꞉ ota꞉ aposolo haliweki leke au lo halememe.

2 Kotindi 2:17

Nikita꞉ mo hande mandane wanda꞉halima꞉ Koda꞉na꞉ pita꞉ mo bisinisi pea꞉peke alesiki leke pu haleme tupa꞉ na pu haloma꞉pate Koda꞉ma꞉ niki tapaala꞉ ekina꞉ta꞉ nikita꞉ Ketisona꞉ e pokaasa꞉ haliweki hata꞉ ipika꞉ pita꞉ Koda꞉na꞉ leke popelekena꞉ tikitiki yao poko haloma꞉me.

2 Kotindi 4:2

Nikana꞉ma꞉ta꞉ mo a꞉mbaasa꞉ haumanu make yaala꞉piki haumanu make hoe nane wina꞉ loloma꞉me. Nikana꞉ma꞉ta꞉ makeaasa꞉ haumanu na pu haloma꞉me. Kutupa Koda꞉na꞉ pi walolo hata꞉ta꞉ ata꞉ka꞉ peake tupa꞉ na walo haloma꞉me. Nikana꞉ma꞉ta꞉ Koda꞉na꞉ leke popelekena꞉ hata꞉ mo ota꞉ pita꞉ wanda꞉halima꞉ opitolo hata꞉ta꞉ epeke tupa꞉ walelememe alo haena꞉ peneme yao walo haloma꞉me.

Ka꞉leisia 1:6

A꞉pei. Ikana꞉ma꞉ pitelememe ala꞉eki opitolo I̱ma꞉ tola꞉tia pominolome. Ikita꞉ nate aneke hapu a꞉nda꞉ dia꞉ya꞉pate mo hande Ketisona꞉ a꞉ta꞉ma꞉ homa꞉la꞉eki pa꞉ta꞉ yama꞉ iki wi lea꞉ Koda꞉ta꞉ koto kone mina꞉pa꞉laaso hata꞉ pi seliapo ma꞉nda꞉ taa miniki haemeka꞉ta꞉me.

Ka꞉leisia 2:4

Koto Taitasi sekemesaisi hau pina꞉e lemeke tapaketa꞉ yayapiki pi mimiki haliweki hata꞉ nika꞉ mombololoma꞉eki handoma꞉ tiaaluekema꞉ a꞉mbao epemekeme. Nikana꞉ma꞉ Yesu Ketiso ame̱le̱ hata꞉ mo Diu wanda꞉halina꞉ nindi peaasa꞉ pi wimiki ekimanu nindi na piki ka꞉la꞉pa꞉ tapaleke haloma꞉eki handuluekema꞉ kutu pimikime. Ikana꞉ma꞉ niki mo koto pi ula꞉ ekimanu paa nindi wopu peomono loluekema꞉yeke hone pimikime.

Ka꞉leisia 4:17

Mo hande iki pa꞉ta꞉ homu pea hake nono peleme haliwekima꞉ta꞉ iki pa꞉ta꞉ hone wopu u halemepate ika꞉ wetepe pulueke hone u haleme ekita꞉ ota꞉ epekeeki dia꞉me. Ika꞉ hone pa꞉la꞉ ekita꞉ I̱ iki ame̱le̱ haloeki tekili peaaluekema꞉ taapelememe. Kota꞉ mo ikana꞉ma꞉ I̱ pa꞉ta꞉ hone witemeeki pao iki pa꞉ta꞉ homeke hone uemena꞉yeke pitememe.

Ka꞉leisia 5:10

pa ya honema꞉ handolo ekita꞉ nikita꞉ mo Tekehali pa꞉ta꞉ tunao halomeke handa ikana꞉ma꞉ hone ma꞉nda꞉ na wiki pa I̱ma꞉ witolo hone kone ana꞉na꞉ wilimikie hone ulume. Kutupa mo ika꞉ hone la꞉ka꞉laasa꞉ halita꞉ epipe. Pa ipikita꞉ epi ya꞉ka꞉na꞉ make mo ipika꞉ kutu pita꞉la꞉ ekina꞉ta꞉ Koda꞉ma꞉ ipika꞉ hoke yenki ana꞉na꞉ halieke.

Ka꞉leisia 5:12

Ya hone pa꞉la꞉ ekita꞉ mo ika꞉ hone la꞉ka꞉la tiaaseme haliweki ikana꞉ma꞉ ika꞉ kone sekemesaisi pimika꞉na꞉ta꞉ pa koto hau homeke na piki pa ika꞉ tukiliki tonka꞉na꞉ mina꞉e.

Ka꞉leisia 6:17

Ya paeyaaso pita꞉ dupae. Ma꞉nda꞉ma꞉ I̱ pa꞉ta꞉ mandane ka꞉nda꞉manu na kina꞉e. Pa ekipeke. Mo ya lokena꞉ hondo ula꞉eki manuma꞉ walolota꞉ I̱ta꞉ Yesuna꞉ pa hameke e pokaalo hali haloeki wala꞉la꞉me.

2 Timodi 2:18

Koto hali yaapoma꞉ta꞉ mo ota꞉ haumanu mina꞉pa꞉laepeme. Kutu polo hata꞉ mo nika꞉ homa paa tialo poloma꞉ ekina꞉ ipilikana꞉ma꞉ alota꞉ Nikita꞉ amba꞉ homa tiao haloma꞉me alepeme. Koto alepe ekima꞉ta꞉ mo mandane pi mina꞉la꞉ wanda꞉halina꞉ hone tulaaseme ekita꞉ hoeyaasepeme.

1 Dioni 2:26

I̱ma꞉ta꞉ do laaso ekita꞉ mo iki makealuekema꞉ taapeleme wanda꞉halina꞉eki iki pa꞉ta꞉ do laaso handa꞉e.

1 Dioni 4:1

Yaka pukipiki ta꞉ma꞉ni sunuo. Mo Koda꞉na꞉ Sipitidi moloma꞉me aleme wanda꞉hali paeyao pa꞉ta꞉ hone na tulaake pa ika꞉ ekita꞉ Koda꞉ pa꞉ta꞉ yama꞉ a꞉pa꞉la꞉pe laa amba꞉la handaa handa꞉pa꞉peke. Pa ekipeke mo makeaaso potopede hali paeyaota꞉ mo kenke honiki paeyao pa꞉ta꞉ pelemeke loa꞉me.

2 Dioni 1:10

Koto ekina꞉ta꞉ ma꞉nda꞉ epima꞉ dupiki wala꞉la꞉eki na mea epea꞉ka꞉na꞉ta꞉ koto someta꞉ ika꞉ da pa꞉ta꞉manu na handa꞉ mea꞉pa꞉peke. Kutupa ipiki pa꞉ta꞉ta꞉ Puki lopa꞉niaasa꞉eki neke pa꞉ta꞉ wina꞉e pi na lapa꞉peke.

2 Dioni 1:7

Mo Yesu Ketisota꞉ ota꞉ kenke hali epeekeme laa hone na wilimi makeaaso hali wopu do kenke honiki honiki pominelememe. Kutupiki some a꞉nda꞉ta꞉ makeaaso hali make Ketisona꞉ a꞉nda꞉ tunkuliki halie.

Diudi 1:4

Pa ekipeke mo mandane Koda꞉ hoki waleleme wanda꞉halita꞉ niki honditi pea niki tukiki pa꞉ta꞉ a꞉mbao honda꞉ pambelememe. Ika꞉ hoke haumanu piteleme pota꞉ manuna꞉ waleke wiaaso mo nika꞉ Koda꞉na꞉ a꞉ta꞉ma꞉ homolo tamba꞉ mina꞉la꞉ pi ale hoeyaaluekema꞉ make Tekehali Yesu Ketiso nika꞉ you hali homeke kiaaseme wanda꞉halie. Ikita꞉ hoke hau pelememe laa ma̱leke lia wieke ekita꞉ mo Baibolo pi manuma꞉ amba꞉ kiake la꞉ wiekeme.

Peneme Yaeyekeeki 12:9

Mo popake itiki hake si tieke hombeleketa꞉ tolu lopaeya꞉me. Ipikita꞉ mo hande amba꞉ kiake hayeke keto biki Sadani la꞉la꞉ alee. Ipikana꞉ma꞉ta꞉ mo kenke wanda꞉hali paeyao makeaeyeke halie. Ipikita꞉ ipika꞉ enisolo titi ame̱le̱ oni kenkena꞉ tolu lopaeya꞉me.

Peneme Yaeyekeeki 13:14

Kutupa ipikana꞉ma꞉ mo titina꞉ sayalena꞉ hau peaaso hata꞉ ipika꞉ leke popelekena꞉ hata꞉ mokoto na handeke haumanu pia꞉eki manuma꞉ta꞉ do kenke wanda꞉hali paeyao makeaaso hata꞉ yola꞉ mea pea꞉me. Ipikana꞉ma꞉ wanda꞉halima꞉ mo hande bainasima꞉ hoeyaeya꞉pate pa tiao hala꞉ titina꞉ sayale yeiya꞉ laaluekema꞉ koto ekima꞉ handekeeki ma꞉nda꞉ wepia꞉pe lea꞉me.

Peneme Yaeyekeeki 19:20

Mo sayale make mo sayalena꞉ leke popelekena꞉ na handeke haumanu pia꞉ makeaaso potopede hali make dipula minimime. Koto pia꞉ na handeke hau manuma꞉ta꞉ ipikana꞉ma꞉ mo sayalena꞉ tombo ika꞉ wenokona꞉ wimi wanda꞉hali make mo manda꞉ meao wepimi sayale pa꞉ta꞉ yeiya꞉ laaso hata꞉ yeni pimi wanda꞉hali make makeaeya꞉me. Mo sayale tieke hombeleke pita꞉ mo makeaaso potopede hali yaapo pa pitiki oni titipupiki lanka꞉ ma꞉nda꞉ solopa tala꞉ ti uleke kiake pa꞉ta꞉ lopaememe.

Peneme Yaeyekeeki 2:2

Ika꞉ peleme hau manuta꞉ I̱ma꞉ hone ulume. Ika꞉ honkopu hao e pokelemeeki make ika꞉ homu pea yu wia halemeeki make loa꞉me. Ikana꞉ma꞉ mo hoke haliweki na handoma꞉ tiake make mandane haliwekima꞉ ikita꞉ aposolo haliwekie aleme tapaketa꞉ hande hande pea dia꞉yaota꞉ yayapiki pi alo lemeka꞉ta꞉me laa handa꞉ wilimime.

Peneme Yaeyekeeki 2:20

Koto pelemepate I̱ma꞉ iki pa꞉ta꞉ alo pita꞉ dupa. Ikana꞉ma꞉ta꞉ mo wanda꞉ Diesibeleta꞉ iki ame̱le̱ pa haena꞉ kiaalememe. Koto wanda꞉ma꞉ta꞉ ipikita꞉ Koda꞉na꞉ pi mea ipulu wanda꞉e lo hala꞉pate ipika꞉ wala꞉la꞉ ekima꞉ta꞉ yaka e pa hameke pokaaseme tapakema꞉ ika꞉ loke hoeyaasa꞉ hau pina꞉ make mo hoke temoko pa꞉ta꞉ hala꞉la꞉ nemanu nena꞉ hatuku pu hoeyao hala꞉me.

Peneme Yaeyekeeki 2:6

Pate I̱ ta꞉na꞉ putiaaseme hauta꞉ doe. I̱ma꞉ mo Nikoleitani tapakema꞉ pu haleme haumanu kiaaso pitolo tupa꞉ kone ikana꞉ma꞉ make kiaasememe.

Peneme Yaeyekeeki 20:3

Mo enisoloma꞉ta꞉ mo sita꞉ oni naku tieke kiake pa꞉ta꞉ yola꞉ mea loka꞉ hao a꞉mbo pambea꞉me. Pa ekipeke mo sima꞉ta꞉ do kenke paeyao haleme tapake ta꞉ta꞉ ta꞉ta꞉ makeaama꞉na꞉ mo 1 daoseni bapimanu paeya꞉ka꞉na꞉ opolu baena꞉yeke pia꞉me. Koto hoki naneta꞉ nateleke hosiki siki ka꞉la꞉pa꞉ tapaalieke.