Ka꞉leisia 1:15 - Panake Pi La: Ula: Buka pita: Kine Pieke Buka

^15-16 Kutu pua꞉pate Koda꞉ma꞉ a꞉ta꞉ma꞉ homa tamba꞉ mina꞉la꞉ hali hata꞉ I̱ma꞉ ipika꞉ e pokaano ya ama꞉na꞉ weleke pa꞉ta꞉ pitono kone I̱ ma̱leke liekeme. Kutupa wetepena꞉ I̱ma꞉ Yesuna꞉ Pi Seliapota꞉ mo Diu tapake na hake ta꞉ta꞉piki tapakemanu pa꞉ta꞉ walalo ponoyeke Koda꞉ ipika꞉ eiyeke I̱ handono waluekema꞉ hone pieke di opolo epeeketa꞉ I̱ta꞉ ma꞉nda꞉ yaapo pi hotuluekema꞉ na pu make

Ka꞉leisia 1:15 Mawu Ofanana

2 Timodi 1:9

Nikita꞉ ipika꞉ wanda꞉hali hamono yeke Koda꞉ma꞉ pa꞉ta꞉la꞉ mea wi la꞉la꞉me. Koto hau pieke ekina꞉ teketa꞉ nikana꞉ma꞉ epeke hau puma꞉ ekina꞉ dia꞉pate pa ipikana꞉ma꞉ a꞉ta꞉ma꞉ homolo hata꞉ ipika꞉ hone pieke ekima꞉ kone niki wi la꞉la꞉me. Koda꞉ma꞉ do kenke a̱i̱ na wepia wina꞉ leeke pita꞉ma꞉ta꞉ do a꞉ta꞉ma꞉ homa꞉la꞉ hauta꞉ niki miomono yeke Ketiso Yesu pa꞉ta꞉ yama꞉ wina꞉ leekeme.

Epesese 1:5

Koda꞉ma꞉ pukima꞉ homolo hata꞉ta꞉ Yesu Ketisoma꞉ nikita꞉ Koda꞉ ipika꞉ eiyekemanu hamono ipiki pa꞉ta꞉ hatuku epena꞉yeke hone amba꞉ wiekeme. Koto ekita꞉ Koda꞉ma꞉ hone pieke ekina꞉ hone wiekeme.

1 Kotindi 1:9

Mo Yesu Ketiso nika꞉ Tekehali yaapo ta꞉ma꞉ni puemena꞉ yeke wi la꞉la꞉ Koda꞉ma꞉ta꞉ ipika꞉ la꞉ ula꞉ pimanu na tunkuliki ota꞉ pilieke. Ipiki pa꞉ta꞉ hone tulaapa꞉peke ya꞉la꞉me.

Loma꞉ 1:1

Do wapeta꞉ I̱ Poloma꞉ pua꞉me. Yesu Ketiso ipika꞉ e pokaaso hali halome. Koda꞉ ipika꞉ Pi Seliapo walonoyeke ipikana꞉ma꞉ I̱ wi la꞉ meaata꞉ aposolo hali hano la꞉la꞉me.

Aposolo 13:2

Kutupa Tekehali pa꞉ta꞉ ne na neke panda꞉puniaaso haena꞉ mo Holi Sipitidima꞉ alota꞉ Banabasi Solo yaapo yaka walo polo e pokaena꞉yeketa꞉ pa nane haena꞉ lape leekeme.

Aposolo 9:15

Koto leekepate Tekehalima꞉ alota꞉ Pue. Do halita꞉ yaka amba꞉ molo halima꞉ pa꞉la꞉me leekeme. Yaka bikita꞉ Diendaili wanda꞉halima꞉ make kini haliwekima꞉ make Isulai wanda꞉halima꞉ make opina꞉ pua꞉ma꞉ pue leekeme.

Loma꞉ 8:30

Koto pa꞉la꞉ ekina꞉ Koda꞉ma꞉ amba꞉ handa꞉ mea ta꞉ta꞉ haena꞉ la꞉la꞉ wanda꞉halita꞉ ipikana꞉ma꞉ wi la꞉la꞉ wanda꞉halie. Kutupa ipikana꞉ma꞉ta꞉ amba꞉ wi la꞉la꞉ wanda꞉halita꞉ ipiki yaapo tikitiki yao haena꞉ la꞉la꞉me. Kutupa ipikana꞉ma꞉ta꞉ ipiki yaapo tikitiki yao haena꞉ la꞉la꞉ wanda꞉halita꞉ ipika꞉ pa̱a̱ pa꞉la꞉eki koto wanda꞉hali pa꞉ta꞉ teli teli peaala꞉me.

Loma꞉ 1:5

Koda꞉ma꞉ Yesu Ketiso pa꞉ta꞉ hone witolo hata꞉ I̱ aposolo hali halo pua꞉eki kia꞉me. Kutupa Ketisona꞉ bikina꞉ kenke ta꞉ta꞉ ta꞉ta꞉ pa꞉ta꞉manu haeme wanda꞉hali paeyao hatuku pua ipika꞉ pi hone tulao opua pina꞉yeke kia꞉me.

Ma꞉tiu 11:26

Aowe Apa꞉o. Koto ekita꞉ naka꞉ hone piekeyeke eki yaena꞉yeke pina꞉ aleme laa leekeme.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.

Epesese 3:11

Koda꞉ma꞉ kutu pieke ekita꞉ ipika꞉ paeya꞉ paapeke na ya꞉la꞉ hone u hala꞉ ekita꞉ nika꞉ Tekehali Yesu Ketisoma꞉ pina꞉yeke leekeme.

Epesese 1:9

amba꞉ ipikana꞉ma꞉ do hau pulueke hone wiekeeki pa꞉la꞉me. Kutupata꞉ hande amba꞉ ipika꞉ a꞉mbao wieke honeta꞉ Ketisoma꞉ yaena꞉yeke koto make ame niki pa꞉ta꞉ peneme yaala꞉me.

Ka꞉leisia 1:6

A꞉pei. Ikana꞉ma꞉ pitelememe ala꞉eki opitolo I̱ma꞉ tola꞉tia pominolome. Ikita꞉ nate aneke hapu a꞉nda꞉ dia꞉ya꞉pate mo hande Ketisona꞉ a꞉ta꞉ma꞉ homa꞉la꞉eki pa꞉ta꞉ yama꞉ iki wi lea꞉ Koda꞉ta꞉ koto kone mina꞉pa꞉laaso hata꞉ pi seliapo ma꞉nda꞉ taa miniki haemeka꞉ta꞉me.

1 Kotindi 15:10

Kutu pua꞉pate ame pa I̱ do halo ekita꞉ Koda꞉ma꞉ ipika꞉ pa hameke a꞉ta꞉ma꞉ homa꞉la꞉ ekima꞉ peaala꞉me. Kutupa koto ipikana꞉ma꞉ I̱ pa꞉ta꞉ pa hameke a꞉ta꞉ma꞉ homa꞉la꞉ ekima꞉ta꞉ wele na piki paekie laa pi lapeke na ya꞉la꞉me. Dia꞉me. I̱ma꞉ta꞉ honkopu hao ipika꞉ e pokaaso hata꞉ mo hande aposolo haliweki paeyao kone wetepeaowa꞉me. Kutu pua꞉pate I̱ma꞉ ya kone na pua꞉me. Koda꞉na꞉ pa a꞉ta꞉ma꞉ homa꞉la꞉ ekima꞉ I̱ pa꞉ta꞉ pita꞉ peaeya꞉me.

1 Kotindi 1:24

Koto lo halemepate pa mo hande Koda꞉ma꞉ wi la ma꞉la꞉ Diu wanda꞉hali make Diendaili wanda꞉hali make koto wanda꞉halima꞉ do pina꞉ Ketisota꞉ Koda꞉na꞉ wele pita꞉la꞉eki pita꞉ hone wotu wita꞉la꞉eki yaapo hala꞉me lo haloma꞉me.

1 Kotindi 1:1

Koda꞉ma꞉ ipika꞉ hone pa꞉la꞉eki pitolo hata꞉ I̱ta꞉ Yesu Ketisona꞉ aposolo hali hano la꞉la꞉me. I̱ Poloma꞉ make nika꞉ kame Sosenisima꞉ make dikana꞉ma꞉ tapaasopa꞉ wape doe.

Luku 10:21

Koto natena꞉ta꞉ mo Holi Sipitidima꞉ Yesu pa꞉ta꞉ epeke ta꞉na꞉ pita꞉la꞉ ekima꞉ tumbieketa꞉ Yesuma꞉ alota꞉ Apa꞉o. Oli ya do kenke yaapona꞉ Tekehalio. I̱ma꞉ neke pa꞉ta꞉ Ta꞉na꞉e alome. Ekipeke nakana꞉ma꞉ mo hande hone wotu u tekele peleme wanda꞉hali make mo sukulu wotu peleme wanda꞉hali ameda pa꞉ta꞉ a꞉mbao wina꞉ le hau manuta꞉ pa mo panake wekiwandiki sunu pa꞉ta꞉ wala꞉leke handa alome. Aowe Apa꞉o. Koto ekita꞉ naka꞉ hone pieke yekeeki yaena꞉yeke pina꞉ aleme leekeme.

Loma꞉ 9:24

Nikita꞉ Koda꞉ma꞉ wi la꞉la꞉ wanda꞉hali hata꞉ta꞉ mo mandane Diu tapake wanda꞉hali homeke dia꞉ya꞉la꞉pate pa mo mandane Diendaili tapake wanda꞉hali make apa꞉tao haloma꞉me.

Loma꞉ 8:28

Koda꞉ma꞉ta꞉ ipiki pa꞉ta꞉ pukima꞉ homoloma꞉ wanda꞉hali niki ame̱le̱ hata꞉ wetepe pulu pa꞉la꞉ ekimanu epekeeki wina꞉yeke pu hala꞉me. Koto wanda꞉hali nikita꞉ Koda꞉ma꞉ ipika꞉ hone wita꞉la꞉eki peaaluekema꞉ niki wi la꞉la꞉me. Koto pa꞉la꞉ ekita꞉ nikana꞉ma꞉ handoloma꞉me.

1 Kotindi 1:21

Koda꞉ma꞉ ipika꞉ hone wotu wita꞉la꞉ ekima꞉ta꞉ do kenkena꞉ hone wotu witeleme wanda꞉halima꞉ ipiki handaapa꞉na꞉ yeke sa꞉sa꞉ piekeme. Kutupa mo wanda꞉halima꞉ do nikana꞉ma꞉ walo haloma꞉ pi pa꞉ta꞉ Pa ekie alemepate pa mo opiteleme wanda꞉halita꞉ Koda꞉ma꞉ mea da꞉taasa꞉me.

Ka꞉leisia 1:1

I̱ Polo I̱ma꞉ aposolo hano wi la꞉la꞉ ekita꞉ halima꞉ o hali pa꞉ta꞉ yama꞉ wi na lea꞉pate mo Yesu Ketisoma꞉ make mo naku pa꞉ta꞉ ipiki mea da꞉taeyeke Apa꞉ Koda꞉ma꞉ make ipiliki telipina꞉ma꞉ I̱ wi la꞉la꞉me.