Epesese 6:9 - Panake Pi La: Ula: Buka pita: Kine Pieke Buka

⁹ Handeteke haleme haliwekio ikana꞉ma꞉ make ika꞉ e pokaaseme haliweki pa꞉ta꞉ paala꞉ tiaake pi na leke epeke tupa꞉ hapa꞉peke. Doeki hone wia꞉pa꞉peke. Iki make ika꞉ e pokaaseme haliweki make ika꞉ Tekehali tieke homeke kone hepeni nane hala꞉me. Kutupa ipikana꞉ma꞉ wanda꞉hali paeyao pa꞉ta꞉ homeke hone u hala꞉me.

Epesese 6:9 Mawu Ofanana

Ma꞉tiu 22:10

Koto leeke opuaata꞉ mo e pokaemeke haliwekima꞉ mo toko pota꞉ tieke tiekemanu paeyao pa꞉ta꞉ wanda꞉hali weiya momba꞉laluekema꞉ pemekeme. Puaata꞉ ikana꞉ma꞉ hoke wanda꞉hali epeke wanda꞉hali paeyao momba꞉laota꞉ mo hande ne mombelemeke da pa꞉ta꞉ hatuku mea pemekeme. Kutu pieketa꞉ koto wanda꞉halima꞉ mo hande Kini halina꞉ da ota꞉ tumbaemekeme.

Ma꞉tiu 22:8

Kutu pieketa꞉ mo kini halima꞉ ipika꞉ e pokaemeke haliweki pa꞉ta꞉ alota꞉ Ya wekina꞉ wanda꞉ mina꞉la꞉ ne pamba꞉la꞉ ekita꞉ tikitiki yao ula꞉pate mo hande biki amba꞉ wia꞉ wanda꞉halita꞉ ana꞉ na piki wanda꞉hali ya꞉la꞉ ekina꞉

Ma꞉tiu 24:48

Kutu pilia꞉pate mo e pokaasa꞉ somema꞉ hone witolota꞉ Hande ya teke halita꞉ a̱i̱ na a꞉pa꞉peke ya꞉lieke hone witolo hata꞉

Ma꞉tiu 24:51

Epia꞉ka꞉na꞉ta꞉ kota꞉ mo you halima꞉ koto some mea ota꞉ hoeyaaso hata꞉ mo hande makeaasa꞉ haliweki mea tapaaleke pua haleme pa꞉ta꞉ ipiki make mea lopaalieke. Koto pa꞉ta꞉ hata꞉ta꞉ ikana꞉ma꞉ e̱ tieke laa kake lenkene latiki pu halimikie.

Ma꞉tiu 7:12

Wanda꞉halima꞉ mandane haumanu iki pa꞉ta꞉ pina꞉e laa hone peleme tupa꞉ ikana꞉ma꞉ koto haumanu kone iki pa꞉ta꞉ pu hapa꞉peke. Kota꞉ Mosesima꞉ mo Lo Pi wiekeeki make potopede haliwekima꞉ wimiki mana꞉ pi make do koto hau peomono loluekema꞉ wieke pie.

Luku 6:31

Mandane wanda꞉halima꞉ iki pa꞉ta꞉ pina꞉e hone u haleme tupa꞉ ikana꞉ma꞉ ana꞉na꞉ iki pa꞉ta꞉ make mandake hau pu hapa꞉peke.

Dioni 13:13

Ikana꞉ma꞉ I̱ biki yaapo alo hata꞉ Disa make Tekehali make aleme ekita꞉ ana꞉piki pi alememe. I̱ta꞉ koto polome.

Aposolo 10:34

Kutupa Pidama꞉ alota꞉ Ameta꞉ ota꞉ handolome. Koda꞉ma꞉ wanda꞉hali paeyao pa꞉ta꞉ hone ta꞉ta꞉ ta꞉ta꞉ na wiki homeke hone wita꞉la꞉eki handolome leekeme.

Loma꞉ 2:11

Koda꞉ma꞉ pi yokaalu pitolo hata꞉ ma꞉nda꞉ pa꞉ta꞉ honditi pea make pa ma꞉nda꞉ pa꞉ta꞉ a꞉ta꞉ma꞉ homa make Koda꞉ma꞉ kutupiki hau na piki paeyao pa꞉ta꞉ homeke hone wia pi yokaalu pilieke.

1 Kotindi 1:2

Iki Kotindi daoni pa꞉ta꞉ haleme Koda꞉na꞉ siosi wanda꞉hali pa꞉ta꞉ wape polo pi doe. Koda꞉ma꞉ ikita꞉ ipika꞉ yakopiki wanda꞉hali hamina꞉ wi la꞉la꞉me. Iki mo Yesu Ketiso yaapo ta꞉ma꞉ni pea hata꞉ Koda꞉na꞉eki haleme wanda꞉hali pa꞉ta꞉ loa꞉me. Kutupa mo kenke paeyao pa꞉ta꞉ hata꞉ nika꞉ Tekehali make ika꞉ Tekehali Yesu Ketisona꞉ biki wi aleme wanda꞉hali make iki paeyao pa꞉ta꞉ wape polo pi doe.

1 Kotindi 7:22

Do ekina꞉yeke loa꞉me. Mo pa hameke e pokaasa꞉ halima꞉ta꞉ Tekehalima꞉ ipiki wi ala꞉eki opuata꞉ kota꞉ ipikita꞉ mo Tekehalima꞉ ka꞉la꞉pa꞉ tapao haena꞉ la꞉la꞉ halie. Koto tupa꞉ kone mo pa hala꞉ halima꞉ta꞉ Tekehalima꞉ ipiki wi ala꞉eki opuata꞉ kota꞉ ipikita꞉ mo Ketisona꞉ e pa hameke pokaasa꞉ halie.

Kolosi 3:25

Kutupa hoke hau pu haleme wanda꞉halita꞉ ika꞉ piteleme hoke ekina꞉ yenki halieke. Pa ekipeke Koda꞉ma꞉ta꞉ wanda꞉hali paeyao homeke tupa꞉ kone pi yokaalu pu hala꞉me.

Kolosi 4:1

Handeteke haleme haliwekio. Ika꞉ pa hameke e pokaasa꞉ haliweki ana꞉na꞉ kone tikitiki yao handeteke hapa꞉peke. Hone wipe. Iki make ika꞉ handeteke hala꞉ halita꞉ oli hepeni hala꞉me.

Dia꞉mesi 2:13

Hali ma꞉nda꞉ma꞉ wanda꞉hali pa꞉ta꞉ a꞉ta꞉ma꞉ homa꞉la꞉eki na pu haya꞉ka꞉na꞉ta꞉ wetepe mo hande pi yokaalu pulu pa꞉la꞉ teke halima꞉ mo hau pilie hali pa꞉ta꞉ make a꞉ta꞉ma꞉ na homilieke. Kutu piliepate mo a꞉ta꞉ma꞉ homa꞉la꞉ ekima꞉ta꞉ ipikana꞉ma꞉ panisi pealo pa꞉la꞉ ekita꞉ bepolalieke.

Dia꞉mesi 2:8

Nika꞉ you halima꞉ta꞉ mo Baibolo buka pa꞉ta꞉ mo hande Lo Pimanu wape pa꞉la꞉ ekita꞉ Naka꞉ kone pukima꞉ homele tupa꞉ wanda꞉hali pa꞉ta꞉ make pukima꞉ homa꞉peke ala꞉ pi opua pimika꞉na꞉ta꞉ epeke hau pilimikie.

Dia꞉mesi 5:4

Opua꞉pe. Ika꞉ e pokaaseme haliwekina꞉ yenkita꞉ makeaaso hata꞉ mandaneeki na haleke pa wia haleme ekima꞉ta꞉ pi ala꞉me. Kutupa make ika꞉ e pokaaseme haliwekina꞉ pi alemeeki make oli ya nane hala꞉ ami haliwekina꞉ Tekehalima꞉ amba꞉ opa꞉la꞉me.