Epesese 5:6 - Panake Pi La: Ula: Buka pita: Kine Pieke Buka

⁶ Ma꞉nda꞉ma꞉ hone na wiki pimanu alo hata꞉ iki makeaapa꞉na꞉ wotu handeteke hapa꞉peke. Koda꞉na꞉ pi na opitolo hata꞉ hande hoke haumanu pu haleme wanda꞉hali pa꞉ta꞉ Koda꞉ ipika꞉ mineke panka꞉la꞉eki mo wanda꞉hali pa꞉ta꞉ yapilieke.

Epesese 5:6 Mawu Ofanana

Ma꞉tiu 24:24

Yayapiki Ketisomanu make yayapiki pi la꞉ mea halo hala꞉ haliweki make a꞉pa mo hande Koda꞉na꞉ ma̱leke lila꞉ wanda꞉hali pa nane hatuku mea puluekema꞉ yeke iki makeaapeke ya꞉la꞉o laa makea handuluekema꞉ na handeke hau tieke tiekemanu make wele pita꞉la꞉ ekimanu make walimikie.

Ma꞉tiu 24:4

Yesuma꞉ ika꞉ pi hombo peaaso hata꞉ alota꞉ Ma꞉nda꞉ma꞉ iki pa tupa꞉ hatuku puaama꞉na꞉ma꞉ wopu handeteke hapa꞉peke.

Maka 13:22

Yayapiki Ketiso haliweki make yayapiki potopede haliweki make a꞉paata꞉ iki penkilipulu peleme alemanu make wele pita꞉la꞉ ekimanu make walaata꞉ mo hande Koda꞉na꞉ talopu ma꞉la꞉ wanda꞉hali kone kutu pea꞉peke ya꞉ka꞉na꞉ta꞉ hatuku pu hoeyaaluekema꞉ walimikie.

Maka 13:5

Yesuma꞉ iki pa꞉ta꞉ la halolo hata꞉ alota꞉ Wotu handeteke hapa꞉peke. Hali ma꞉nda꞉ma꞉ iki hatuku pu hoeyaama꞉na꞉ handeteke hapa꞉peke.

Loma꞉ 1:18

Kutupa Koda꞉ma꞉ta꞉ wanda꞉hali paeyaoma꞉ ipikita꞉ hoki nane yao ika꞉ hoke hau paeyao pimiki ekina꞉ ipikana꞉ma꞉ mineke pankolo hata꞉ iki ame̱le̱ pi yokaalu pulu pelemeeki make wala꞉la꞉me. Kutu piki wanda꞉halima꞉ ika꞉ hoke hau piteleme ekina꞉ mandane wanda꞉halima꞉ Koda꞉na꞉ ota꞉ hala꞉eki handaama꞉na꞉ sa꞉sa꞉ pu halememe.

Kolosi 2:18

Ma꞉nda꞉ma꞉ ipiki ta꞉ta꞉ piki upamanu pa꞉la꞉ ekima꞉ ipikita꞉ ota꞉ handa ulu somee ala꞉ ekima꞉ iki bepolaena꞉ waleke na hala꞉pa꞉peke. Mo makeaaso homupiki hau pitolo hata꞉ enisolomanu pa꞉ta꞉ yeni pu hapa꞉peke lo hala꞉ somena꞉ loa꞉me. Dupiki someta꞉ teke na wiki ekina꞉ ipika꞉ kenke hauna꞉ hone ula꞉ ekima꞉ pa hameke pombei yaala꞉me.

Kolosi 2:4

Koto ekina꞉ I̱ma꞉ iki la kitolo ekita꞉ ma꞉nda꞉ma꞉ yayapiki puki napeke pi manuma꞉ iki na makeaena꞉ lapa꞉peke. Koto pi manuta꞉ ota꞉ epeke nonopiki pina꞉ kone loa꞉me.

Kolosi 2:8

Wopu handa꞉pa꞉peke. Ma꞉nda꞉ma꞉ do kenke halina꞉ napeke na wiki makeaasa꞉ hone lenkena꞉ pea wita꞉la꞉ hau manuma꞉ iki na handeteke haena꞉ lapa꞉peke. Do hau manuta꞉ Ketiso pa꞉ta꞉ yama꞉ na a꞉pa꞉la꞉pate pa mo apa꞉meina꞉ loma꞉loma꞉ pa꞉la꞉ pimanu make do kenkena꞉ teke na wiki mana꞉ pimanu pa꞉ta꞉ yama꞉ a꞉pa꞉la꞉me.

Kolosi 3:6

Pa ekipeke do haumanu piteleme ekina꞉ yeke Koda꞉na꞉ mineke panka꞉la꞉ ekita꞉ ipika꞉ pi na opua pita꞉la꞉ wanda꞉hali pa꞉ta꞉ ipilieke.

2 Desalonaika 2:3

ma꞉nda꞉ma꞉ do aloeki manuma꞉ iki na yola꞉ mina꞉ lapa꞉peke. Mo hande ponka꞉ di pilu ula꞉ nateta꞉ pa hameke na opolo ipilieke. Mo nate epolo pa꞉la꞉ di teke pa꞉ta꞉ ya꞉ka꞉na꞉ta꞉ Koda꞉na꞉ pi na opiki a꞉nda꞉ lita꞉la꞉eki amba꞉la opolo ipilieke. Kutupa make mo wanda꞉hali hoeyaalo pa꞉la꞉ hoke halita꞉ wetepe ti to hala꞉ alena꞉ pena꞉ titina꞉ amba꞉la peneme yaalo ipilieke.

Hibulu 13:9

Amba꞉ na opimi pa ta꞉ta꞉ ta꞉ta꞉ piki pi walimieki manuma꞉ mo ika꞉ epeke pota꞉na꞉ pulimieki na yola꞉ mea pa꞉na꞉ lapa꞉peke. Koda꞉na꞉ a꞉ta꞉ma꞉ homa tamba꞉ mina꞉la꞉eki homekema꞉ ika꞉ puki hana꞉ noka꞉paena꞉ lemeka꞉na꞉ta꞉ a꞉pa꞉la꞉pate paa mo ne na nape laa pi ula꞉ hau manuma꞉ dia꞉me. Koto hau tolu haleme wanda꞉halita꞉ mo hauma꞉ iki na tamba꞉ mu hala꞉me.

Hibulu 3:19

Ika꞉ hone na tulaemekeme. Ika꞉ kutu pimiki ekima꞉ kone mo hande hoto pitina꞉ Koda꞉ma꞉ halueke laa pi la꞉ wieke kenke pa꞉ta꞉ ota꞉ pua꞉peke na yekeme. Koto ekita꞉ do la kita꞉leke opitoloma꞉me.

1 Pida 2:8

Baibolo ma꞉nda꞉ pa꞉ta꞉ la꞉la꞉ ekita꞉ Do toopima꞉ta꞉ wanda꞉hali hala꞉mba꞉ liaena꞉ lelieke la꞉la꞉me. Kutupa koto toopi tiekema꞉ kone wanda꞉hali lopena꞉ lelieke la꞉la꞉me. Iki hala꞉mba꞉ liaemeke ekita꞉ ikana꞉ma꞉ Koda꞉na꞉ pina꞉ hone na tulaemeke ekina꞉ piekeme. Kotota꞉ Koda꞉na꞉ hone piekeekie.

1 Dioni 4:1

Yaka pukipiki ta꞉ma꞉ni sunuo. Mo Koda꞉na꞉ Sipitidi moloma꞉me aleme wanda꞉hali paeyao pa꞉ta꞉ hone na tulaake pa ika꞉ ekita꞉ Koda꞉ pa꞉ta꞉ yama꞉ a꞉pa꞉la꞉pe laa amba꞉la handaa handa꞉pa꞉peke. Pa ekipeke mo makeaaso potopede hali paeyaota꞉ mo kenke honiki paeyao pa꞉ta꞉ pelemeke loa꞉me.