Epesese 4:32 - Panake Pi La: Ula: Buka pita: Kine Pieke Buka

³² iki paeyao homu pea hata꞉ ika꞉ kone pukima꞉ homa꞉ alu alu peata꞉ Koda꞉ma꞉ta꞉ Ketisoma꞉ peaala꞉ ekina꞉ hone witolo hata꞉ ika꞉ hoke haumanu pa paeyaala꞉ ekina꞉ ikana꞉ma꞉ make ika꞉eki kone pa peaa alu alu pea꞉pa꞉peke.

Epesese 4:32 Mawu Ofanana

Ma꞉tiu 6:12

Mandane wanda꞉halima꞉ niki pa꞉ta꞉ hoke hau pimi ekimanu nikana꞉ma꞉ pa paeyaaso hamono nika꞉ hoke hau puma꞉ ekimanu make nakana꞉ma꞉ koto tupa꞉ pa paeyawapeke.

Maka 11:25

Kutupa make Koda꞉ pa꞉ta꞉ tiao hata꞉ yeni pimika꞉na꞉ta꞉ ma꞉nda꞉ma꞉ iki pa꞉ta꞉ hoke hau pa꞉la꞉eki pa꞉ta꞉ hone pa upaleke hata꞉ pimika꞉na꞉ta꞉ kota꞉ ipika꞉ hoke hau tombuao pa paeyaapa꞉peke leekeme. Ika꞉ hepeni nane hala꞉ Apa꞉ma꞉ ika꞉ hoke hau paeyaena꞉yeke ma꞉nda꞉ma꞉ iki pa꞉ta꞉ hoke hau pa꞉la꞉eki paeyaapa꞉peke leekeme.

Luku 1:78

Pa ekipeke. Nika꞉ Koda꞉ta꞉ yopu hao hata꞉ niki pa꞉ta꞉ a꞉ta꞉ma꞉ homo hala꞉me. Da panake ka꞉la꞉polo hata꞉ pa̱a̱ peaasa꞉ tupa꞉ta꞉ Koda꞉ma꞉ niki pa꞉ta꞉ da꞉ta꞉la꞉eki kilieke.

Luku 11:4

Mandane wanda꞉halima꞉ niki pa꞉ta꞉ hoke hau pimieki nikana꞉ma꞉ pa paeyaasoma꞉ ekina꞉ nika꞉ hoke hau puma꞉eki make nakana꞉ma꞉ koto tupa꞉ pa paeyawapeke. Ka꞉nda꞉ piki la handa꞉la꞉eki pa꞉ta꞉ niki na hatuku a꞉pa꞉peke laa lapa꞉peke leekeme.

Luku 17:4

Ipikana꞉ma꞉ neke pa꞉ta꞉ nate homekena꞉ kone hoto watake hata꞉ hoke hau pea paa hoto watake hata꞉ kone neke pa꞉ta꞉ a꞉ta꞉e lolo epea꞉ka꞉na꞉ta꞉ kota꞉ nakana꞉ma꞉ta꞉ hone ma꞉nda꞉ na wiki ipika꞉ hoke hau paa paeyaapeke leekeme.

Luku 6:35

Dia꞉me. Ika꞉ a꞉nda꞉ tunkuliki wanda꞉hali pa꞉ta꞉ pukima꞉ homa iki pa꞉ta꞉ epeke hau homeke pu hapa꞉peke. Ikana꞉ma꞉ wanda꞉hali ma꞉nda꞉ pa꞉ta꞉ ala꞉ta꞉ ma꞉nda꞉ tondiki halemeka꞉na꞉ta꞉ paa muluekema꞉ hone na u hapa꞉peke. Kutu pu haemeka꞉na꞉ta꞉ ika꞉ yenki aneke hapu meata꞉ oli Koda꞉ Manda Hala꞉ Tiekena꞉ eiyeke titi halimikie. Ekipeke Koda꞉ma꞉ta꞉ mo ipika꞉ epeke haumanu pita꞉la꞉ ekina꞉ ta꞉na꞉e pi na lo haleme wanda꞉hali make mo hoke haumanu wotu pu haleme wanda꞉hali pa꞉ta꞉ make epeke hau pu hala꞉me.

Luku 6:37

Koda꞉ma꞉ iki pa꞉ta꞉ pi yokaalu kiaapa꞉na꞉ ikana꞉ma꞉ make ma꞉nda꞉ pa꞉ta꞉ pi yokaalu na hala꞉pa꞉peke. Kutupa ma꞉nda꞉ na teli pimika꞉na꞉ta꞉ kota꞉ Koda꞉ma꞉ make iki na teli pilieke. Mandane wanda꞉halima꞉ iki pa꞉ta꞉ hoke hau pelemeeki ikana꞉ma꞉ pa paeyaemeka꞉na꞉ta꞉ kota꞉ Koda꞉ma꞉ make ika꞉ hoke hauta꞉ pa paeyaalieke.

Aposolo 28:2

Koto pa꞉ta꞉ haeme haliwekima꞉ niki petololo hata꞉ ti kita kiki kimime. Lako ipulu hata꞉ kosa꞉ pieke handa pimime.

Loma꞉ 12:10

Ikana꞉ma꞉ ika꞉ Ketiso kametiti ame̱le̱ ika꞉ kone pukima꞉ homa alualu pea hapa꞉peke. Kutupa ika꞉ ika꞉ kone lu mina꞉nia alualu puluekema꞉ taapo hapa꞉peke.

1 Kotindi 13:4

Pukima꞉ homa꞉la꞉ hau pu hala꞉ somema꞉ta꞉ kima꞉ na homeke pa wotu handeteke hata꞉ make paeyao pa꞉ta꞉ a꞉ta꞉ma꞉ homolo hata꞉ pa tamba꞉ mu halieke. Pukima꞉ homa꞉la꞉ hau pu hala꞉ somema꞉ta꞉ wamili na piki ipika꞉ hakoko na liki handaena꞉ hau na pilieke.

2 Kotindi 2:10

Ikana꞉ma꞉ hali ma꞉nda꞉ma꞉ pa꞉la꞉eki pa paeyawaemeka꞉na꞉ta꞉ kota꞉ I̱ma꞉ make pa paeyawalueke. Ma꞉nda꞉na꞉ pa paeyaapeke ekita꞉ I̱ma꞉ pa paeyaapeke ya꞉la꞉me hone ua꞉ka꞉na꞉ta꞉ kota꞉ iki hoeyaapa꞉na꞉yeke I̱ma꞉ Ketisona꞉ leke popelekena꞉ hata꞉ pu halome.

2 Kotindi 2:7

Ameta꞉ epeke ekita꞉ mo somema꞉ ka꞉nda꞉ma꞉ homolo hata꞉ Ketiso mina꞉pa꞉laapa꞉na꞉ iki paeyaoma꞉ ipika꞉ hoke hau pa paeyao epeke hau pina꞉ sutiaapa꞉peke ya꞉la꞉me.

2 Kotindi 6:6

Kutupa nika꞉ tikitiki piki hau puma꞉ ekima꞉ make nika꞉ hone manuma꞉ make nika꞉ homu pea yu wia haoma꞉ ekima꞉ make homu pitolo puki haloma꞉ ekima꞉ make paeyaoma꞉ta꞉ nikita꞉ Koda꞉na꞉ e pokaasoma꞉ haliwekie laa waloma꞉me. Kotota꞉ nika꞉ ota꞉ pukima꞉ homoma꞉ ekima꞉ make Holi Sipitidima꞉ make

Epesese 5:1

Koto ekina꞉ ikita꞉ Koda꞉ ipika꞉ hone pa꞉la꞉ weki wandiki kone hata꞉ Koda꞉na꞉ pita꞉la꞉ hau kone pea꞉pa꞉peke.

Dia꞉mesi 5:11

Kutupa mo hande puki hana꞉ noka꞉pa haemeke haliweki pa꞉ta꞉ nikana꞉ma꞉ta꞉ Koda꞉ma꞉ mo haliweki amba꞉ epeaala꞉me lo haloma꞉eki hone wia꞉pa꞉peke. Hande Tekehalima꞉ honkopu hao handeteke hayekeeki make mo paelo pieke dina꞉ Koda꞉ma꞉ ipiki epeaeyekeeki make amba꞉ opuelememe. Tekehalima꞉ niki pa꞉ta꞉ a꞉ta꞉ma꞉ homa꞉la꞉eki make hone wopu wita꞉la꞉eki make amba꞉ handelememe.

2 Pida 1:7

Kutupa ika꞉ Koda꞉na꞉ hau leke piteleme hau pa꞉ta꞉ta꞉ kame pa꞉ta꞉ ta꞉na꞉ma꞉ homelemeeki apa꞉taapa꞉peke. Kutupa kame pa꞉ta꞉ ta꞉na꞉ma꞉ homeleme hau pa꞉ta꞉ta꞉ ma꞉nda꞉ pa꞉ta꞉ pukima꞉ homelemeeki apa꞉taapa꞉peke.

1 Dioni 1:9

Pate nikana꞉ma꞉ nika꞉ hoke haumanu Koda꞉ pa꞉ta꞉ kelepoma꞉ka꞉na꞉ta꞉ kota꞉ ipikana꞉ma꞉ ipika꞉ pulueke laa la꞉ ula꞉eki pilieke. Kutupa ota꞉ tikitiki pita꞉la꞉ hau pitolo hata꞉ nika꞉ hoke haumanu paeyao paeyaasota꞉ nika꞉ hokeeki poloma꞉eki paeyao wamo pealieke.

1 Dioni 2:12

Yaka wekiwandikio. Mo Ketisona꞉ bikina꞉ ika꞉ hoke hauta꞉ amba꞉ paeyawala꞉ ekina꞉ I̱ma꞉ iki pa꞉ta꞉ do pi laasome.