Epesese 4:11 - Panake Pi La: Ula: Buka pita: Kine Pieke Buka

¹¹ Ipikana꞉ma꞉ kone wanda꞉hali pa꞉ta꞉ hala꞉la꞉ alemanu dupa haleekeme. Mandaneeki aposolo haliweki haena꞉ laata꞉ mandaneeki hande Pi Seliapo wala꞉la꞉ haliweki haena꞉ laata꞉ mandaneeki Koda꞉na꞉ pi la꞉ mea hala꞉la꞉ haliweki haena꞉ laata꞉ mandaneeki pasida haliweki make disa haliweki make haena꞉ la꞉la꞉me.

Epesese 4:11 Mawu Ofanana

Ma꞉tiu 28:20

Kutaa make hande I̱ma꞉ iki pa꞉ta꞉ la kua꞉ pimanu paeyaota꞉ mo wanda꞉halima꞉ miniki hata꞉ tolu haena꞉ iki pa꞉ta꞉ wala꞉tiki pu hapa꞉peke. I̱ta꞉ mo paelo pa꞉la꞉ nate epea꞉ka꞉na꞉ kia꞉ naluekema꞉ iki ame̱le̱ nate paeyao mandake hao halumeke leekeme.

Aposolo 13:1

Mo A꞉ndioko siosi tapake pa꞉ta꞉ mandane potopede haliweki make pi walo haemeke haliweki make haemekeme. Koda꞉na꞉ pi lao hayeke Banabasi make Simioni biki ma꞉nda꞉ Naidia make Saitini hali Lusiasi make hande you hali Hetodina꞉ yankeke hali homeke Maneini make Solo make haemekeme.

Aposolo 20:28

Holi Sipitidima꞉ ikita꞉ handeteke halo peleme haliweki mea hamina꞉ leeke handa ika꞉ kone handeteke hao mo ma꞉na꞉titi paeyao make handeteke hapa꞉peke lea꞉me. Tekehalima꞉ ipika꞉ Eiyekena꞉ wema꞉ kone mieke tapake wanda꞉halita꞉ ikana꞉ma꞉ handeteke hapa꞉peke lea꞉me.

Aposolo 21:8

Da ka꞉la꞉paota꞉ mina꞉pa꞉lao mo Sesatia da nane opolo puata꞉ kutupa hande pi walo haya꞉ hali Pilipina꞉ da pa꞉ta꞉ honda꞉ pamboma꞉me. Mo Diutuseleme da nane amba꞉ hande ma̱leke limi 7 dikoni haliweki kone homeketa꞉ ipikie.

Loma꞉ 12:7

Koda꞉ma꞉ta꞉ mo Ketiso wanda꞉hali tamba꞉ mea꞉peke ekita꞉ niki kia꞉ka꞉na꞉ta꞉ kota꞉ nikana꞉ma꞉ tamba꞉ mea꞉peke ya꞉la꞉me. Koda꞉ma꞉ta꞉ mo pi wala꞉la꞉ ekita꞉ niki pa꞉ta꞉ kia꞉ka꞉na꞉ta꞉ kota꞉ nikana꞉ma꞉ ipika꞉ pi wala꞉peke ya꞉la꞉me.

1 Kotindi 12:4

Hande Sipitidina꞉ kita꞉la꞉ ale manuta꞉ ta꞉ta꞉ ta꞉ta꞉ ya꞉la꞉pate pa mo kita꞉la꞉ Sipitidita꞉ homeke kone hala꞉me.

Epesese 2:20

Ikita꞉ Koda꞉ma꞉ a꞉eta꞉la꞉ da tupa꞉ halememe. Ipikana꞉ma꞉ koto da a꞉etolota꞉ niki aposolo haliweki make potopede haliweki make mea apa꞉tao pinkimanu tupa꞉ noka꞉pa꞉la꞉me. Kutu pa꞉la꞉pate Yesu Ketisota꞉ ota꞉ titina꞉ noka꞉pa꞉la꞉ pinki hala꞉me.

Epesese 3:5

Amba꞉ hata꞉ta꞉ koto hande a꞉mbao u hayeke honeta꞉ haliwekima꞉ na opimikipate ame Koda꞉ma꞉ta꞉ ipika꞉ yakopiki aposolo haliweki pa꞉ta꞉ make potopede haliweki pa꞉ta꞉ make Sipitidima꞉ peneme yao la kina꞉ la꞉la꞉me.

Epesese 4:8

Mo Baibolo bukama꞉ ala꞉ tupa꞉ Ota꞉ oli manda a꞉meiya pulu hata꞉ ipiki ame̱le̱ dipula haliweki wopu hatuku puata꞉ wanda꞉hali pa꞉ta꞉ hala꞉la꞉ ekimanu haleekeme la꞉la꞉me.

2 Timodi 4:5

Kutu pina꞉ kone neke pa꞉ta꞉ ekipiki haumanu epena꞉ kone kota꞉ koto ekima꞉ neke hoeyaama꞉na꞉ naka꞉ hone lu tombua tombua pitolo hata꞉ hapeke. Ka꞉nda꞉manu epena꞉ kone da̱o̱la hata꞉ka꞉na꞉ mo Pi Seliapo wala꞉la꞉ hali hata꞉ e poko hapeke. Kutupa neketa꞉ Koda꞉na꞉ e pokaasa꞉ hali hata꞉ naka꞉ ka꞉la꞉ e poko hapeke.

Hibulu 5:12

Ikana꞉ma꞉ Koda꞉na꞉ pi wala꞉la꞉ wanda꞉hali hamena꞉ yeke nate tieke ana꞉na꞉ wia꞉pate kone pa mo hande wekiwandiki sunu pa꞉ta꞉ wala꞉la꞉ Koda꞉na꞉ hosiki pi sunu ma꞉nda꞉ma꞉ paa walena꞉ lapeke ya꞉ka꞉ta꞉me. Epeke taka꞉lake nemanu no hapa꞉peke yolo pa꞉la꞉pate pa andu homeke no halememe.

Diudi 1:17

Yaka yankeke tonuo. Hande nika꞉ Tekehali Yesu Ketisona꞉ aposolo haliwekima꞉ amba꞉ iki la kimikieki hone wopu u hapa꞉peke.

Peneme Yaeyekeeki 18:20

Hepenio ta꞉na꞉ma꞉ homa꞉e. Pa ekipeke ipikita꞉ hoeyaala꞉ ekina꞉ loa꞉me. Koda꞉na꞉ wanda꞉hali make mo aposolo haliweki make potopede haliweki make ta꞉na꞉ma꞉ homa꞉pee. Pa ekipeke mo wanda꞉ma꞉ iki pa꞉ta꞉ pia꞉ ekina꞉ Koda꞉ma꞉ ipiki hoeyaala꞉me.

Peneme Yaeyekeeki 21:14

Mo daonina꞉ papeta꞉ kiki yaapona꞉ ankena꞉ yaapo pinki nonopiki toopi oto tiekena꞉ noko peekeme. Koto toopi manuna꞉ta꞉ mo Sipisipi Ma꞉na꞉ Ikikina꞉ aposolo hali kiki yaapona꞉ ankena꞉ yaapona꞉ biki laeya꞉me.