Epesese 3:2 - Panake Pi La: Ula: Buka pita: Kine Pieke Buka

² Koda꞉ma꞉ pa hameke a꞉ta꞉ma꞉ homolo hata꞉ I̱ma꞉ iki epeaanoyeke koto e I̱ walea꞉eki ikana꞉ma꞉ amba꞉ opitolo pelememe.

Epesese 3:2 Mawu Ofanana

Aposolo 13:2

Kutupa Tekehali pa꞉ta꞉ ne na neke panda꞉puniaaso haena꞉ mo Holi Sipitidima꞉ alota꞉ Banabasi Solo yaapo yaka walo polo e pokaena꞉yeketa꞉ pa nane haena꞉ lape leekeme.

Aposolo 13:46

Kutupa Solo pita꞉ Banabasi yaapoma꞉ paala꞉ma꞉ na homeke hata꞉ pi alo alota꞉ Iki pa꞉ta꞉ amba꞉la Koda꞉na꞉ pi ale wala꞉peke ya꞉la꞉pateo. Ikana꞉ma꞉ kiaaso hata꞉ Nikita꞉ deto hala꞉eki mea꞉peke na ya꞉la꞉me alemeke handaata꞉ kota꞉ handa꞉pe. Mo Diendaili wanda꞉hali pa꞉ta꞉ walo pulupa꞉me lepekeme.

Aposolo 22:21

Koto loa꞉pate ipikana꞉ma꞉ I̱ pa꞉ta꞉ alota꞉ Pue. I̱ma꞉ta꞉ papate kone pa mo Diendaili wanda꞉hali pa꞉ta꞉ neke tapaalueke lea꞉me leekeme.

Aposolo 9:15

Koto leekepate Tekehalima꞉ alota꞉ Pue. Do halita꞉ yaka amba꞉ molo halima꞉ pa꞉la꞉me leekeme. Yaka bikita꞉ Diendaili wanda꞉halima꞉ make kini haliwekima꞉ make Isulai wanda꞉halima꞉ make opina꞉ pua꞉ma꞉ pue leekeme.

Loma꞉ 1:5

Koda꞉ma꞉ Yesu Ketiso pa꞉ta꞉ hone witolo hata꞉ I̱ aposolo hali halo pua꞉eki kia꞉me. Kutupa Ketisona꞉ bikina꞉ kenke ta꞉ta꞉ ta꞉ta꞉ pa꞉ta꞉manu haeme wanda꞉hali paeyao hatuku pua ipika꞉ pi hone tulao opua pina꞉yeke kia꞉me.

Loma꞉ 11:13

I̱ma꞉ Diendaili wanda꞉hali iki pa꞉ta꞉ do alo pita꞉ doeki loluekema꞉ loa꞉me. I̱ta꞉ Diendaili wanda꞉hali ika꞉ aposolo hali halo ekina꞉ Koda꞉ma꞉ I̱ pa꞉ta꞉ walea꞉ e pokaaluekema꞉ ta꞉na꞉ma꞉ homa honkopu hao hata꞉ pokaalueke.

Loma꞉ 12:3

Koda꞉ma꞉ ipika꞉ pa hameke a꞉ta꞉ma꞉ homa꞉la꞉eki I̱ pa꞉ta꞉ kieke handaata꞉ kota꞉ I̱ma꞉ iki paeyao pa꞉ta꞉ pi dupa alome. Naka꞉ kone neke pa꞉ta꞉ hone witolota꞉ I̱ta꞉ ya handoloeki ya haloeki make wanda꞉halina꞉eki ankulao halome laa koto hone na wia꞉peke. Iki homeke homekema꞉ta꞉ ika꞉ ika꞉ kone hosiki yao hone wia hata꞉ Koda꞉ma꞉ ka꞉la꞉ hone tulaasa꞉eki ana꞉na꞉ handaata꞉ hone u hapa꞉peke.

1 Kotindi 4:1

Ikana꞉ma꞉ niki pa꞉ta꞉ hone witolo hata꞉ hone dupa wia꞉pa꞉peke. Ikita꞉ Ketisona꞉ e pokaasoma꞉ haliweki hata꞉ta꞉ mo hande Koda꞉na꞉ a꞉mbao ula꞉ haumanu handeteke haleme haliwekie laa hone wia꞉pa꞉peke.

Ka꞉leisia 1:13

I̱ma꞉ mo hande Diu tapakena꞉ hau miniki haowa꞉ tomona꞉ pea꞉tiki pua꞉ hau manuna꞉ pita꞉ amba꞉ opu haememe. Kuta I̱ma꞉ mo hande Koda꞉na꞉ siosi wanda꞉hali pa꞉ta꞉ a꞉ta꞉ma꞉ na homeke tanda halolo hata꞉ ota꞉ hoeyaaluekema꞉ taapo haowa꞉me.

Epesese 1:10

Koda꞉ma꞉ ipika꞉ hone u hala꞉ ekita꞉ dupae. Kenke ya yaapo nane ula꞉ ale hala꞉ ekimanu paeyaota꞉ hande Koda꞉ma꞉ wepia haena꞉ la꞉la꞉ ekimanu paeyao ipikana꞉ma꞉ mea momba꞉laota꞉ kutupa Ketisota꞉ you haena꞉ lelieke. Ipika꞉ di tunkulia꞉ka꞉na꞉ta꞉ Koda꞉ma꞉ koto hau pu paeyaalieke.

Epesese 3:7

I̱ma꞉ta꞉ hande Pi Seliapo walolo e pokaaso ekita꞉ Koda꞉ma꞉ wele pitolo hata꞉ I̱ pa꞉ta꞉ kia꞉me.

Epesese 3:8

Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.

Epesese 3:9

Kutupa wanda꞉hali paeyaoma꞉ Koda꞉ma꞉ a꞉mbao u hayeke hone peneme yao yaalo pa꞉la꞉eki make handena꞉yeke I̱ma꞉ walo ponoyeke I̱ pa꞉ta꞉ kia꞉me. Hande ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ma꞉ta꞉ amba꞉ kiaake hatiki epemeke pa꞉ta꞉ kone ipika꞉ u hayeke hone a꞉mbao wia hao hayekeme.

Epesese 4:21

Yaka honema꞉ta꞉ do hande Yesuna꞉ hau ota꞉ ekimanu waleeke ekita꞉ amba꞉ opitolo pelememe.

Epesese 4:7

Ketisoma꞉ ula꞉ hone tupa꞉ niki paeyao pa꞉ta꞉ ta꞉ta꞉ ta꞉ta꞉ pikieki amba꞉ ka꞉la꞉me.

Kolosi 1:4

Pa ekipeke. Ikana꞉ma꞉ Yesu Ketiso pa꞉ta꞉ hone tulalemeeki make mo Koda꞉na꞉ wanda꞉hali paeyao pa꞉ta꞉ pukima꞉ homo halemeeki opu hao loma꞉me.

Kolosi 1:6

Mo Pi Seliapoma꞉ta꞉ mo kenke honiki honiki paeyao pa꞉ta꞉ putupolo hata꞉ kiliki a꞉etolo ombu hala꞉me. Do homeke Pi Seliapota꞉ ikana꞉ma꞉ Koda꞉na꞉ a꞉ta꞉ma꞉ homolo tamba꞉ mina꞉la꞉eki titina꞉ opimi natena꞉ pia꞉ tupa꞉ kone kini pea a꞉pa ame do teke handa꞉ wilimi natena꞉ make pa a꞉etolo ombu hala꞉me.

1 Timodi 1:11

Koto wala꞉peke mana꞉ pi epeketa꞉ mo pa̱a̱ pita꞉la꞉ ta꞉na꞉ piki Koda꞉ma꞉ I̱ma꞉ la halonoyeke ka꞉la꞉ Pi Seliapo pa꞉ta꞉ ula꞉me.

1 Timodi 1:4

Mo haliweki ika꞉ napeke na pitiki pimanu make ika꞉ apa꞉meina꞉ atekena꞉ atekena꞉ bikimanu yata꞉po hata꞉ alemeeki make paeyao mina꞉pa꞉laena꞉ lapeke. Kutu piki pi lo haleme ekima꞉ ikana꞉ma꞉ Koda꞉na꞉ epeaalo pa꞉la꞉ ekimanu mina꞉ na tamba꞉ mikita꞉ ape ape la꞉ tiaalieke. Mo epeaalo pa꞉la꞉eki manuta꞉ nika꞉ hone tulaaloma꞉ ekima꞉ homeke mia꞉peke ya꞉la꞉me.

1 Timodi 2:7

Koto pi walono yeke Koda꞉ma꞉ I̱ aposolo hano la꞉la꞉me. I̱ma꞉ yaa pi na alome. Ota꞉ pi alo loa꞉me. Ipikana꞉ma꞉ I̱ta꞉ mo Diendaili wanda꞉halina꞉ moka꞉la꞉ tiaasa꞉ hali hata꞉ta꞉ ipika꞉ ota꞉ pi make mo hone tulaasa꞉eki make walaano yeke hano la꞉la꞉me.

2 Timodi 1:11

Koto Pi Seliapona꞉ la hala꞉la꞉ hali make aposolo hali hata꞉ moka꞉la꞉ tiaaso hali hano yeke Koda꞉ma꞉ I̱ ma̱leke lia꞉me.