Epesese 3:11 - Panake Pi La: Ula: Buka pita: Kine Pieke Buka

¹¹ Koda꞉ma꞉ kutu pieke ekita꞉ ipika꞉ paeya꞉ paapeke na ya꞉la꞉ hone u hala꞉ ekita꞉ nika꞉ Tekehali Yesu Ketisoma꞉ pina꞉yeke leekeme.

Epesese 3:11 Mawu Ofanana

Loma꞉ 9:11

Koda꞉ma꞉ta꞉ mo weki yaapota꞉ ma꞉nda꞉ hondo muluekema꞉ ipika꞉ hone wia kone inkiki pa꞉ta꞉ alota꞉ Mupeke wekima꞉ta꞉ wetepe nane wekina꞉ e pokaalieke laa leekeme. Koto leeke pita꞉ mo weki yaapo a̱i̱ na mendiki haena꞉ make epeke hau o hoke hau ma꞉nda꞉ a̱i̱ na piki haena꞉ kone Koda꞉ma꞉ leekeme. Koto ekina꞉ Koda꞉ma꞉ talopu mea haena꞉ la꞉la꞉ ekita꞉ mo weki yaapoma꞉ pipiki ekina꞉ dia꞉ yekepate pa ipika꞉ hone wia kone wi leekeme.

Ka꞉leisia 5:24

Mo Yesu Ketisona꞉ wanda꞉halima꞉ta꞉ ika꞉ lokena꞉ hau make koto loke ipika꞉ namonamo hata꞉ na꞉na꞉ na꞉na꞉ pitolo loke tiaasa꞉eki make koto hau paeyaota꞉ Ketiso yaapo apa꞉tao mo a꞉ka꞉tei wape piki tina꞉ lia endialememe.

Epesese 1:11

Hau paeyao pita꞉la꞉ ekita꞉ Koda꞉ ipika꞉ hone wia leeke ekina꞉ kone pita꞉la꞉me. Amba꞉ titi panake pa꞉ta꞉ kone Koda꞉ma꞉ hone wieke handata꞉ ipika꞉ hone wiekeeki pitolo hata꞉ niki talopu meata꞉ Ketiso yaapo ta꞉ma꞉ni pea hata꞉ ota꞉ ipika꞉ wanda꞉hali hamono la꞉la꞉me.

Epesese 1:4

Koda꞉ma꞉ do kenke na wepia wina꞉ leeke natena꞉ta꞉ nikita꞉ Ketiso yaapo hata꞉ ipika꞉eki hamono niki amba꞉ talopu ma꞉la꞉me. Nikita꞉ ipika꞉ leke popeleke nane hata꞉ta꞉ yako pea hata꞉ ekia꞉nda꞉ na piki wanda꞉hali hamonoyeke ma꞉la꞉me.

Epesese 1:9

amba꞉ ipikana꞉ma꞉ do hau pulueke hone wiekeeki pa꞉la꞉me. Kutupata꞉ hande amba꞉ ipika꞉ a꞉mbao wieke honeta꞉ Ketisoma꞉ yaena꞉yeke koto make ame niki pa꞉ta꞉ peneme yaala꞉me.

Epesese 3:1

Koto pa꞉la꞉ ekina꞉ I̱ Poloma꞉ta꞉ iki Diendaili wanda꞉hali ika꞉ e pokaowa꞉ ekina꞉ Yesu Ketiso ipika꞉ dipula hali hata꞉ta꞉ Koda꞉ pa꞉ta꞉ yeni pu halome.

2 Timodi 1:9

Nikita꞉ ipika꞉ wanda꞉hali hamono yeke Koda꞉ma꞉ pa꞉ta꞉la꞉ mea wi la꞉la꞉me. Koto hau pieke ekina꞉ teketa꞉ nikana꞉ma꞉ epeke hau puma꞉ ekina꞉ dia꞉pate pa ipikana꞉ma꞉ a꞉ta꞉ma꞉ homolo hata꞉ ipika꞉ hone pieke ekima꞉ kone niki wi la꞉la꞉me. Koda꞉ma꞉ do kenke a̱i̱ na wepia wina꞉ leeke pita꞉ma꞉ta꞉ do a꞉ta꞉ma꞉ homa꞉la꞉ hauta꞉ niki miomono yeke Ketiso Yesu pa꞉ta꞉ yama꞉ wina꞉ leekeme.