Epesese 2:9 - Panake Pi La: Ula: Buka pita: Kine Pieke Buka

⁹ Ikana꞉ma꞉ ika꞉ kone ika꞉ pi laapeke na ya꞉la꞉me. Ikana꞉ma꞉ mineleme ekita꞉ ika꞉ piteleme ekina꞉ na minelemeke handa loa꞉me.

Epesese 2:9 Mawu Ofanana

Loma꞉ 11:6

Koda꞉ma꞉ a꞉ta꞉ wotu pa꞉leke handaata꞉ talopu mea haena꞉ la꞉tiki pita꞉la꞉me. Koto ekina꞉ wanda꞉halima꞉ ika꞉ piteleme hauna꞉ na mea haena꞉ ala꞉me. Koda꞉ma꞉ta꞉ wanda꞉halima꞉ ika꞉ piteleme hauna꞉ mea haena꞉ lea꞉ka꞉na꞉ yoluta꞉ kota꞉ ipika꞉ a꞉ta꞉ pa꞉la꞉ ekita꞉ ota꞉eki dia꞉yolo pia꞉me.

Loma꞉ 3:20

Do ekina꞉ yeke loa꞉me. Ma꞉nda꞉ hali a꞉nda꞉ma꞉ hande Lo Pimanu opua pa꞉la꞉ ekina꞉ Koda꞉ pa꞉ta꞉ tikitiki yao hapeke na ya꞉la꞉me. Mo hande Lo Pi manuma꞉ pita꞉la꞉ ekita꞉ wanda꞉halima꞉ ika꞉ hoke hau pelemeeki hone wina꞉ pita꞉la꞉me.

Loma꞉ 4:2

Koda꞉ma꞉ta꞉ Eipoloha꞉ma꞉ma꞉ piekeeki manuma꞉ Koda꞉ pa꞉ta꞉ tikitiki yao haena꞉ lea꞉ka꞉na꞉ yoluta꞉ kota꞉ Eipoloha꞉ma꞉ma꞉ ipika꞉ hakoko lia꞉peke yolo pia꞉me. Kutu pulu pia꞉pate ipikana꞉ma꞉ Koda꞉ pa꞉ta꞉ hata꞉ hakoko lia꞉peke na ya꞉la꞉me.

Loma꞉ 9:11

Koda꞉ma꞉ta꞉ mo weki yaapota꞉ ma꞉nda꞉ hondo muluekema꞉ ipika꞉ hone wia kone inkiki pa꞉ta꞉ alota꞉ Mupeke wekima꞉ta꞉ wetepe nane wekina꞉ e pokaalieke laa leekeme. Koto leeke pita꞉ mo weki yaapo a̱i̱ na mendiki haena꞉ make epeke hau o hoke hau ma꞉nda꞉ a̱i̱ na piki haena꞉ kone Koda꞉ma꞉ leekeme. Koto ekina꞉ Koda꞉ma꞉ talopu mea haena꞉ la꞉la꞉ ekita꞉ mo weki yaapoma꞉ pipiki ekina꞉ dia꞉ yekepate pa ipika꞉ hone wia kone wi leekeme.

Loma꞉ 9:16

Koto pa꞉la꞉ ekina꞉ Koda꞉ma꞉ a꞉ta꞉ma꞉ homolo hata꞉ epekeeki puluekema꞉ta꞉ hali ma꞉nda꞉na꞉ hone pa꞉la꞉eki make pita꞉la꞉eki make Koda꞉ma꞉ hone na wiki ipika꞉ hone wia kone pilieke.

2 Timodi 1:9

Nikita꞉ ipika꞉ wanda꞉hali hamono yeke Koda꞉ma꞉ pa꞉ta꞉la꞉ mea wi la꞉la꞉me. Koto hau pieke ekina꞉ teketa꞉ nikana꞉ma꞉ epeke hau puma꞉ ekina꞉ dia꞉pate pa ipikana꞉ma꞉ a꞉ta꞉ma꞉ homolo hata꞉ ipika꞉ hone pieke ekima꞉ kone niki wi la꞉la꞉me. Koda꞉ma꞉ do kenke a̱i̱ na wepia wina꞉ leeke pita꞉ma꞉ta꞉ do a꞉ta꞉ma꞉ homa꞉la꞉ hauta꞉ niki miomono yeke Ketiso Yesu pa꞉ta꞉ yama꞉ wina꞉ leekeme.