Epesese 2:12 - Panake Pi La: Ula: Buka pita: Kine Pieke Buka

¹² Koto pita꞉ta꞉ ikita꞉ Ketiso teke pa꞉ta꞉ na hake ika꞉ ta꞉ta꞉ papate haemekeme. Ikita꞉ Koda꞉ma꞉ talopu mea haena꞉ la꞉la꞉ wanda꞉hali apa꞉tao na hake tapake ta꞉ta꞉ wanda꞉hali haemekeme. Koda꞉ma꞉ ipika꞉ wanda꞉hali pa꞉ta꞉ pimanu la꞉ wiekeeki manuta꞉ iki pa꞉ta꞉ na leekeme. Ikita꞉ amba꞉ do kenkena꞉ haemeke dina꞉ta꞉ Koda꞉ ame̱le̱ na hake ipiki pa꞉ta꞉ epekeeki muluekema꞉ hone na wiki pa hao haemekeme.

Epesese 2:12 Mawu Ofanana

Kini Pieke 15:18

Kutupa koto pate koneta꞉ Tekehalima꞉ Eipola꞉ma꞉ yaapo pi la꞉ witolo alota꞉ I̱ma꞉ do yata꞉polo kenke paeyaota꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ halueke laa pi la꞉ witolome. Oni Idiepi yu tombona꞉ kini pea pua mo Yupoteitisi ikali puata꞉

Luku 1:72

Kutupa nika꞉ amba꞉ titina꞉ haemeke haliweki pa꞉ta꞉ta꞉ Iki pa꞉ta꞉ a꞉ta꞉ma꞉ homolueke laa Yaka yako piki pi la꞉ ulueki make hone uluekee leekeme laata꞉

Dioni 10:16

Yaka mandane ma꞉na꞉manu make halememe. Do haleme ekimanu homeke na loa꞉me. Iki make yaka pi ho̱la̱꞉make opitolo haena꞉ I̱ma꞉ mina꞉neaalueke. Kutupa mo ma꞉na꞉manu tapake homeke halo pelemepateta꞉ handeteke hala꞉ hali make homeke kone halieke.

Dioni 15:5

I̱ta꞉ waini pu tekee. Ikita꞉ palekemanue. Hali epima꞉ I̱ pa꞉ta꞉ haya꞉ka꞉na꞉ta꞉ I̱ta꞉ ipiki yaapo hata꞉ kiliki wotu a꞉elieke. Pate ikana꞉ma꞉ I̱ ame̱le̱ na hake hata꞉ta꞉ ikana꞉ma꞉ epeke hau homeke a꞉nda꞉ na pilimikie.

Dioni 4:22

Iki Sametia wanda꞉hali ikana꞉ma꞉ yeni piteleme ekita꞉ epi pa꞉ta꞉ pitelemepe. Ikana꞉ma꞉ wopu na handelememe. Kutu pitelemepate niki Diu wanda꞉hali nikana꞉ma꞉ yeni pitoloma꞉ ekita꞉ epi pa꞉ta꞉ pitoloma꞉pe kota꞉ ota꞉ handoloma꞉me. Pa ekipeke mo wanda꞉hali da꞉taasa꞉ ekita꞉ Diu wanda꞉hali pa꞉ta꞉ kini pea ipula꞉eke handa loa꞉me leekeme.

Aposolo 2:39

Pa ekipeke mo hande Koda꞉ma꞉ pi la꞉ wieke ekita꞉ iki pa꞉ta꞉ make ika꞉ weki wandiki pa꞉ta꞉ make mo papate haleme wanda꞉hali pa꞉ta꞉ make pa mo Tekehalima꞉ ipiki pa꞉ta꞉ kone epena꞉ wi ala꞉ wanda꞉hali paeyao pa꞉ta꞉ta꞉ make ipikana꞉ma꞉ pi la꞉ wiekeme laa leekeme.

Aposolo 28:20

Koto ekina꞉ I̱ma꞉ iki wi la handolo pi loluekema꞉ loa꞉me. Isulai wanda꞉halima꞉ hone wilimi ekina꞉ do seni puma꞉ I̱ tonkaeya꞉me lea꞉me.

Aposolo 3:25

Mo potopede haliwekima꞉ Koda꞉ma꞉ la꞉ wieke pimanu la hale hale pimiki ekita꞉ ika꞉eki kone ula꞉me. Kutupa make Koda꞉ma꞉ ika꞉ apa꞉mei ameda ame̱le̱ pi la꞉ wieke ekita꞉ iki pa꞉ta꞉ make la꞉ ula꞉me. Koda꞉ma꞉ Eipoloha꞉ma꞉ pa꞉ta꞉ leeke tupa꞉ dupae. Naka꞉ hoki nane monduma꞉ monduma꞉ pilimi wanda꞉halima꞉ kenke wanda꞉hali paeyao I̱ma꞉ epeaalueke laa leekeme.

Loma꞉ 9:8

Koto leeke ekima꞉ta꞉ doeki wala꞉la꞉me. Pa Eipoloha꞉ma꞉ma꞉ monduma꞉ monduma꞉ pieke wanda꞉hali paeyaota꞉ Koda꞉na꞉ wekiwandikimanu paeyao na haemekeme. Dia꞉me. Koda꞉ma꞉ la꞉ wieke ekina꞉ monduma꞉ monduma꞉ pieke wanda꞉halita꞉ ota꞉ Koda꞉na꞉ wanda꞉hali haemekeme.

Ka꞉leisia 4:8

Amba꞉ ikana꞉ma꞉ Koda꞉na꞉ haumanu na handemeke ekima꞉ta꞉ ikita꞉ pa mo hande ota꞉ Koda꞉ dia꞉yeke yayapiki ale manuna꞉ e pokao haemekeme.

Epesese 2:19

Koto ekina꞉ Diendaili wanda꞉halio ame ikita꞉ kenke ma꞉nda꞉ nanema꞉ hao epeleme wanda꞉hali leke make da ma꞉nda꞉ wanda꞉hali leke make na hake ikita꞉ Koda꞉na꞉ wanda꞉hali ame̱le̱ ota꞉ ipika꞉ da wanda꞉hali hata꞉ ipika꞉ tapake wanda꞉hali kone halememe.

Epesese 4:18

Mo wanda꞉halima꞉ta꞉ ika꞉ hone witeleme ekita꞉ timba꞉ la꞉pa pulu hata꞉ epeke hone ma꞉nda꞉ na witelememe. Ikita꞉ hone na wiki kiaaso hata꞉ na mineleme ekima꞉ Koda꞉na꞉ da꞉taasa꞉ ekita꞉ na handelememe.

Kolosi 1:21

Amba꞉ a꞉nda꞉ta꞉ ika꞉ pimi hoke hau manuma꞉ make wimi hoke hone manuma꞉ make ikita꞉ Koda꞉ teke pa꞉ta꞉ na hake ipika꞉ a꞉nda꞉ tunkuliki wanda꞉hali haememe.

Kolosi 1:27

Koda꞉na꞉ pulueke hone ula꞉ ekita꞉ ipika꞉ a꞉mbao ula꞉ ekita꞉ ipika꞉ wanda꞉halima꞉ hone wina꞉e hone wita꞉la꞉me. Do napeke wia seliapo piki a꞉mbao ula꞉ ekita꞉ paeyaoma꞉ hone wina꞉ ula꞉ ekina꞉ loa꞉me. Do a꞉mbao ula꞉ ekita꞉ Ketisota꞉ iki pa꞉ta꞉ hala꞉me. Koto ekina꞉ta꞉ ikita꞉ Koda꞉na꞉ pa̱a̱ pa꞉ta꞉ pua halimikie la ala꞉me.

Kolosi 1:5

Mo hande ota꞉ pita꞉ hande Epeke Pi Seliapo iki pa꞉ta꞉ titina꞉ epea꞉ dina꞉ kone mo pima꞉ kulu pa꞉la꞉ hone ti laala꞉ ekita꞉ opimime. Koto ekina꞉ta꞉ ika꞉ hone tulaalemeeki pita꞉ pukima꞉ homelemeeki yaapona꞉ teketa꞉ mo ika꞉ hone ti laalemeeki pa꞉ta꞉ ula꞉me. Kutupa do ika꞉ hone ti laaleme ekita꞉ oli hepeni nane amu pea wiawala꞉me.

1 Desalonaika 4:13

Kametitio. Mo hande homemeke wanda꞉halima꞉ piteme ekimanu ikana꞉ma꞉ hone wopu uemena꞉yeke niki hone pa꞉la꞉me. Hande paa tiaalo pa꞉la꞉ ekina꞉ hone na puaake homa꞉ ke handeleeleme wanda꞉hali leke halimikiyeke loma꞉me.

1 Desalonaika 4:5

Hande pi na miki hata꞉ Koda꞉na꞉ hau na handeke haliwekima꞉ ika꞉ hoke hone pa꞉la꞉eki tumbaaluekema꞉ wanda꞉ mineleme tupa꞉ koto hau na pea꞉pa꞉peke aleo.

2 Desalonaika 2:16

Koda꞉ nika꞉ Apa꞉ma꞉ niki pukima꞉ homolo hata꞉ ipika꞉ a꞉ta꞉ma꞉ homa tamba꞉ mina꞉la꞉ ekina꞉yeke mo na paelo pa꞉la꞉ aela꞉ baasa꞉ hau make epeke hone tulaasa꞉ hau make niki kia꞉me.

1 Timodi 1:1

Polo I̱ta꞉ mo Ketiso Yesuna꞉ aposolo hali halome. Nika꞉ da꞉taasa꞉ Koda꞉ma꞉ make mo epena꞉ yu wia haloma꞉ Ketiso Yesu yaapoma꞉ do e pokono lelepeme.

Hibulu 11:34

Mo uleke tieke hake ti tiekemanu honiaemekeme. Mo bainasima꞉ lia꞉pekeeki make wendimikime. Ikita꞉ detepiki some hombo yekepate honkopu haemekeme. Kutupa mo a꞉nda꞉na꞉ta꞉ ikana꞉ma꞉ honkopu tieke wopu hao mo hande kenke ma꞉nda꞉ tapakena꞉ ame tonu bepolaemekeme.

Hibulu 6:18

Koda꞉ma꞉ koto topo pea꞉peke na yo yayapiki pi na lo pea꞉peke yekeeki yaapo wina꞉ leekeme. Ipika꞉ oto nane tinki pa haloma꞉ wanda꞉hali nikita꞉ nika꞉ hone ti laloma꞉eki ota꞉ miniki hamono yeke do koto pi yaapoma꞉ta꞉ nika꞉ puki tieke wopu mea tiala꞉me.

Hibulu 8:6

Koto haumanu pimikipate ameta꞉ Yesu pa꞉ta꞉ haleeke yeni peaasa꞉ eta꞉ mo amba꞉ yeni peaasa꞉ haliwekina꞉eki ota꞉ lombei pikieki haleekeme. Pa ekipeke. Ipikita꞉ Koda꞉ma꞉ mo wanda꞉hali ame̱le̱ ika꞉ pi la꞉ witeleme ekina꞉ ka꞉pa hali hala꞉me. Do Koda꞉ma꞉ ipika꞉ wanda꞉hali ame̱le̱ la꞉ u alualu pa꞉la꞉ pima꞉ta꞉ mo hande amba꞉ la꞉ wimiki ekita꞉ ota꞉ lombei pa꞉la꞉me. Kota꞉ koto pa꞉la꞉ ekima꞉ta꞉ do la ula꞉eki pea꞉peke ekina꞉ la꞉ ula꞉ pima꞉ta꞉ mo hande amba꞉ pi la꞉ wiekeeki ota꞉ lombei pa꞉la꞉me.

1 Pida 1:21

Yesu pa꞉ta꞉ yama꞉ Koda꞉ pa꞉ta꞉ hone tulalememe. Koda꞉ma꞉ Yesu mea tiao pa̱a̱ peawayekeme. Koto ekina꞉ta꞉ ika꞉ hone tulalemeeki make ika꞉ hone ti lalemeeki make Koda꞉ pa꞉ta꞉ pu halememe.

1 Pida 1:3

Nika꞉ Tekehali Yesu Ketisona꞉ Apa꞉ Koda꞉ pa꞉ta꞉ keiyae pi lomana꞉e. Ipikana꞉ma꞉ a꞉ta꞉ma꞉ homa tamba꞉ mieke handa Yesu Ketiso homa paa tiaeyeke ekima꞉ta꞉ niki pa꞉ta꞉ panake da꞉ta꞉la꞉eki kia꞉me. Koto pa꞉la꞉ ekima꞉ta꞉ nika꞉ hone pa꞉ta꞉ deto hala꞉ hone ti laasa꞉eki tumbao hala꞉me.

1 Pida 3:15

Koto pa꞉la꞉pate Ketiso pa꞉ta꞉ homu pea hata꞉ hone wopu witolo hata꞉ ipikita꞉ ika꞉ Tekehali haena꞉ lapa꞉peke. Kutupa ma꞉nda꞉ma꞉ ika꞉ hone ti lao haleme ekita꞉ ekipape la lota꞉ pia꞉ka꞉na꞉ta꞉ ikana꞉ma꞉ hombo pealuekema꞉ta꞉ tikitiki yao hapa꞉peke.

1 Dioni 3:3

Pea꞉ epima꞉ Ketiso pa꞉ta꞉ dupiki hone puao haya꞉ka꞉na꞉ta꞉ kota꞉ koto somema꞉ mo Ketisota꞉ ala꞉ta꞉ ma꞉nda꞉ na ta̱lolo hata꞉ pa yako peaa hala꞉ tupa꞉ ipiki make ha̱i̱ peaama꞉na꞉ pa yako peatiki pu hala꞉me.