Diudi 1:23 - Panake Pi La: Ula: Buka pita: Kine Pieke Buka

²³ Mandane wanda꞉halita꞉ oni ti uleke pa꞉ta꞉ homaama꞉na꞉ pa꞉ta꞉la꞉ mea꞉pa꞉peke. Kutupa mo mandane wanda꞉halina꞉ peleme hoke hauma꞉ta꞉ ika꞉ dau manuna꞉ wema꞉ handeke ale taleke nono pa꞉la꞉ ekita꞉ honditi pitolo kone paala꞉ piki hata꞉ a꞉ta꞉ma꞉ homa꞉la꞉eki wala꞉pa꞉peke.

Diudi 1:23 Mawu Ofanana

Loma꞉ 11:14

Pa mata꞉la꞉me. Mandane ya tapake wanda꞉hali I̱ma꞉ honditi peaaso hata꞉ da꞉ta꞉la꞉eki mina꞉ lolua꞉pe mata꞉la꞉me.

1 Kotindi 15:33

Makeaasa꞉eki na opua꞉pa꞉peke. Hoke wanda꞉hali ame̱le̱ pomuma꞉ka꞉na꞉ta꞉ kota꞉ nika꞉ epeke hau pitoloma꞉eki hoeyaapeke ya꞉la꞉me.

1 Kotindi 3:15

Kutu piliepate pa mo hali ma꞉nda꞉na꞉ a꞉ela꞉ ekita꞉ to paeya꞉ka꞉na꞉ta꞉ kota꞉ ipika꞉ a꞉ela꞉eki paeyao alupalieke. Hande a꞉eyeke someta꞉ na alupiki da꞉taa haliepate pa ti tala꞉eki pa꞉ta꞉ kone pindi pita꞉la꞉ hali leke da꞉taa halieke.

2 Kotindi 5:11

Koda꞉ paala꞉ma꞉ homa꞉peke ya꞉la꞉ ekita꞉ nikana꞉ma꞉ hone uluma꞉me. Koto ekina꞉ta꞉ nikana꞉ma꞉ta꞉ mandane wanda꞉hali hone la꞉ka꞉laluekema꞉ taapo haloma꞉me. Koda꞉ma꞉ta꞉ nika꞉ hau paeyaosiki hone wopu ula꞉eki yalo yaka honema꞉ta꞉ ikana꞉ma꞉ make ika꞉ temokoma꞉ I̱ make hone witolo pelememe.

2 Desalonaika 3:14

Mata꞉la꞉ do tameiya꞉na꞉ wape poloma꞉ pita꞉ iki homeke ma꞉nda꞉ma꞉ na opilieke. Kutu pia꞉ka꞉na꞉ta꞉ koto ipika꞉ hau handolo hata꞉ta꞉ ipikana꞉ma꞉ yaaloma꞉ homaena꞉ mandakena꞉ na apa꞉tao hapa꞉peke.

1 Timodi 4:16

Naka꞉ walele ekimanu make naka꞉ pu hale hau make wopu handeteke hapeke. Do haumanu paeyao epeke tupa꞉ putia peka꞉na꞉ta꞉ kota꞉ koto pilipi ekima꞉ta꞉ neke make mo nakana꞉ma꞉ walele pi opua ipu haleme wanda꞉hali make detelimikie.

2 Dioni 1:11

Pa ekipeke ma꞉nda꞉ epima꞉ koto some pa꞉ta꞉ Puki lopa꞉niaasa꞉eki neke pa꞉ta꞉ wina꞉e lea꞉ka꞉na꞉ta꞉ kota꞉ koto some ipikita꞉ mo halima꞉ pu hala꞉ hoke hau manuna꞉ yankeke hala꞉me.

Diudi 1:22

Hone eleke eleke ula꞉ wanda꞉hali pa꞉ta꞉ta꞉ a꞉ta꞉ma꞉ homa꞉la꞉eki wala꞉pa꞉peke.

Peneme Yaeyekeeki 3:18

Koto ekina꞉ I̱ma꞉ iki mana꞉ alo ekita꞉ mo ota꞉ ala꞉ta꞉ ma꞉nda꞉ na taleke kolo I̱ pa꞉ta꞉ hambemeka꞉na꞉ta꞉ kota꞉ hamoko halo peleme tupa꞉ loa꞉me. Kutupa make mo hakepiki aka꞉ ika꞉ yaala꞉ piki pa tia haleeki a꞉mbao yamoemena꞉ hamba꞉pee. Kutupa handolo peleme tupa꞉ mandane mulamula ika꞉ lekena꞉ liamena꞉ hamba꞉pee.

Peneme Yaeyekeeki 3:4

Pate koto Sadisi haleme wanda꞉hali tepo tepo a꞉nda꞉ma꞉ta꞉ ika꞉ aka꞉manu ha̱i̱ peaama꞉na꞉yeke epeke tupa꞉ handeteke hao pimika꞉ta꞉me. Koto peleme ekima꞉ta꞉ ikita꞉ hakepiki dau yama I̱ yaapo pota꞉ pomu halumeke. Pa ekipeke ikana꞉ma꞉ do epeke hau peleme ekina꞉ loa꞉me.