Dioni 9:4 - Panake Pi La: Ula: Buka pita: Kine Pieke Buka

⁴ Hande I̱ tapaala꞉ halina꞉ eta꞉ nate a꞉pa talo haena꞉ pokatiki pumana꞉e. Timba꞉ lolo yapea꞉ka꞉na꞉ta꞉ ipika꞉ e pokaapeke na yelieke.

Dioni 9:4 Mawu Ofanana

Ma꞉tiu 20:7

Ikana꞉ma꞉ hombo peaaso alota꞉ Yenki e pokomono ma꞉nda꞉ma꞉ niki na mia꞉me. Koto lemeke ipikana꞉ma꞉ alota꞉ Kota꞉ a꞉pa꞉la꞉me mo ya waini pu e pua pokaape leekeme.

Maka 3:3

Koto pimipate Yesuma꞉ kiki hapueke endiki hali pa꞉ta꞉ alota꞉ Do pa꞉ta꞉ epoe leekeme.

Dioni 10:32

Yesuma꞉ mo haliweki pa꞉ta꞉ alota꞉ Yaka Apa꞉ma꞉ peaala꞉ epeke pita꞉la꞉ ekimanu wotu I̱ma꞉ iki pa꞉ta꞉ waloa꞉pate eki pua꞉ ekina꞉ toopima꞉ I̱ luekema꞉ pitelemepe.

Dioni 10:37

Yaka Apa꞉na꞉ pita꞉la꞉ ekimanu na pua꞉ka꞉na꞉ta꞉ kota꞉ I̱ pa꞉ta꞉ hone na tulaapa꞉pe.

Dioni 12:35

Yesuma꞉ iki pa꞉ta꞉ alota꞉ Mo hande pa̱a̱ pa꞉la꞉ ekita꞉ iki ame̱le̱ hosiki halimikie. Timba꞉ la꞉la꞉ ekima꞉ iki mea tombuaama꞉na꞉ pa̱a̱ pa꞉la꞉ pita꞉ kone pua꞉pa꞉peke. Timba꞉ la꞉pa pa꞉la꞉ pa꞉ta꞉ pula꞉ halima꞉ta꞉ Dota꞉ hando pa꞉ta꞉ pulupe lelieke.

Dioni 17:4

Neke tieke haleeki do kenkena꞉ hata꞉ walaata꞉ kutupa nakana꞉ma꞉ wale e make poko paeyaowa꞉me.

Dioni 4:34

Yesuma꞉ iki pa꞉ta꞉ alota꞉ Yaka neta꞉ dupae. I̱ tapaala꞉ halina꞉ hone pa꞉la꞉eki puluekema꞉ make ipikana꞉ma꞉ I̱ pa꞉ta꞉ walea꞉ e make pokao paeyawaaluekema꞉ loa꞉me leekeme.

Dioni 5:19

Koto ekina꞉ Yesuma꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Hande Eiyekema꞉ ipika꞉ kone hone wia hau ma꞉nda꞉ pea꞉peke na ya꞉la꞉me. Ipika꞉ Apa꞉ma꞉ pita꞉la꞉eki handa꞉ pu hala꞉me. Hande Apa꞉ma꞉ pu hala꞉eki kone hande Eiyekema꞉ make pu hala꞉me.

Dioni 5:36

Kutu pia꞉pate yaka wekitisi hali ma꞉nda꞉ta꞉ Dionima꞉ I̱ pa꞉ta꞉ wekitisi hata꞉ la kia꞉ ekimanu wetepeaalo pa꞉la꞉eki kone hala꞉me. Yaka Apa꞉ma꞉ I̱ma꞉ pionoyeke walea꞉ e manuta꞉ pokolo hata꞉ pitoloeki manuma꞉ kone yaka Apa꞉ma꞉ I̱ tapaala꞉eki wanda꞉hali pa꞉ta꞉ peneme yao wala꞉la꞉me.

Dioni 7:33

Yesuma꞉ alota꞉ Iki ame̱le̱ hosiki haota꞉ wetepena꞉ta꞉ I̱ tapaeya꞉ hali pa꞉ta꞉ polueke.

Aposolo 4:20

Dikana꞉ma꞉ handopa꞉eki make opupa꞉eki make pa wala꞉peke ya꞉la꞉me leekeme.

Ka꞉leisia 6:10

Wanda꞉hali paeyao pa꞉ta꞉ epeke hau pia꞉peke ekina꞉ waleke a꞉nda꞉ opolo epea꞉ka꞉na꞉ta꞉ kota꞉ iki pa꞉ta꞉ epeke hau ota꞉ pia꞉peke ya꞉la꞉me. Kutu pia꞉peke yolo pa꞉la꞉pate mo nika꞉ Ketiso tapakena꞉ haleme wanda꞉hali pa꞉ta꞉ta꞉ hone ota꞉ wopu witolo hata꞉ tamba꞉ mea꞉tiki pea꞉peke ya꞉la꞉me.

Epesese 5:16

Nate ma꞉nda꞉ pa na mina꞉pa꞉laake nate paeyao wotu weiya handa꞉tiki pia꞉pa꞉peke. Ame do nate manuna꞉ta꞉ hokeeki wotu pitelemeke handa loa꞉me.

Kolosi 4:5

Mo hone na tulaaleme wanda꞉hali pa꞉ta꞉ta꞉ ika꞉ piteleme hau manuta꞉ hone wopu u lenkena꞉ pea pea꞉pa꞉peke. Iki pa꞉ta꞉ waleke wita꞉la꞉eki paeyao epea꞉ka꞉na꞉ta꞉ iki na pakalaena꞉ leke epeke tupa꞉ mina꞉pa꞉peke.