Dioni 9:1 - Panake Pi La: Ula: Buka pita: Kine Pieke Buka

¹ Yesuma꞉ pota꞉na꞉ pulu hata꞉ handeekepate inkikima꞉ mendieke pa꞉ta꞉ kone leke holupiki hali handeekeme.

Dioni 9:1 Mawu Ofanana

Ma꞉tiu 20:30

Koto pulu haena꞉ta꞉ mo pota꞉ nepokona꞉ pitipiki leke holupiki hali yaapoma꞉ Yesu yopula꞉me pi opipikime. Koto ekina꞉ta꞉ ipilikana꞉ma꞉ wi alo alota꞉ Deipidina꞉ eiyekeo. Diki pa꞉ta꞉ a꞉ta꞉ma꞉ homa꞉e lepekeme.

Ma꞉tiu 9:27

Yesuma꞉ koto pa꞉ta꞉ mina꞉pa꞉lao pulu haena꞉ leke holu piki hali yaapoma꞉ ipika꞉ hoki nane wi tieke la꞉ paleke teli mea pulu alota꞉ Deipidina꞉ eiyekeo. Diki pa꞉ta꞉ a꞉ta꞉ma꞉ homa꞉peke la꞉tia pepekeme.

Maka 9:21

Yesuma꞉ ipika꞉ ateke pa꞉ta꞉ lota꞉ pitolo alota꞉ Do hauta꞉ nate ekipuna꞉ pea pa꞉la꞉pe leekeme. Ipika꞉ atekema꞉ alota꞉ Panake wekisiki ya꞉pate kone pea pia꞉me laata꞉

Luku 8:43

Kutupa mo wanda꞉hali anka꞉lopuna꞉ mo bapi 12 andusa꞉na꞉ we yopu hayeke wanda꞉ ma꞉nda꞉ hayekeme. Ipika꞉ yeni tamba꞉ mina꞉yeke dokeda haliweki pa꞉ta꞉ ipika꞉ mani paeyao hala꞉tiki piekepate ipika꞉ yenita꞉ ota꞉ na epeaeyekeme.

Dioni 5:5

Koto pa꞉ta꞉ hayeke hali ma꞉nda꞉ta꞉ ipika꞉ yeni hayeke bapita꞉ 38 bapimanu amba꞉ yapeekeme.

Dioni 8:59

Mo haliwekima꞉ Yesu luekema꞉ toopimanu mimikipate Yesuta꞉ mo tembolo da mina꞉pa꞉lao a꞉mbao hama꞉ nane peekeme.

Dioni 9:2

Kutupa ipika꞉ disaipolo haliwekima꞉ Yesu lota꞉ pitolo alota꞉ Disao. Do mendieke pa꞉ta꞉ kone do halina꞉ leke holupiki hauta꞉ epima꞉ pa꞉la꞉ hoke hauna꞉ pa꞉la꞉pe laa ateke inkikina꞉ ekina꞉ pa꞉la꞉pe o ipika꞉ ekima꞉ kone pa꞉la꞉pe laa lota꞉ pimikime.

Aposolo 14:8

Kutupa mo Lisita da pa꞉ta꞉ ankena꞉ pua꞉peke na yeeke hali pitiekeme. Ipikita꞉ hoto ma꞉nda꞉ a꞉nda꞉ ankena꞉ na peekeme. Mendieke natena꞉ kone ota꞉ hoeya꞉ paleke mendiekeme.

Aposolo 28:4

Mo da haliwekima꞉ hande keto ipika꞉ kikina꞉ hapulia꞉eki handaata꞉ ika꞉ kone ane mone pitolo hata꞉ alota꞉ Do halima꞉ta꞉ ketete pea hali ma꞉nda꞉ litolo pa꞉la꞉me lememe. Dawala pa꞉ta꞉ na homea꞉pate pa ipika꞉ ketetena꞉ homilieke lememe.

Aposolo 4:22

Mo hande mea tiaeyeke halita꞉ ipika꞉ anke hoeya u pitina꞉ yapeeke bapita꞉ 40 tupa꞉ amba꞉ paeyekeme.

Aposolo 9:33

Koto da pa꞉ta꞉ta꞉ hali homeke Iniasi handeekeme. Koto halita꞉ kiki anke homa pa wieke hali pita꞉ bapi ketepo hata꞉ ipika꞉ da panda꞉ pa꞉ta꞉ u pita꞉tiki pu hayekeme.