Dioni 8:12 - Panake Pi La: Ula: Buka pita: Kine Pieke Buka

¹² Yesuma꞉ iki pa꞉ta꞉ paa alota꞉ I̱ta꞉ do kenkena꞉ pa̱a̱e. Hali epima꞉ ya hoki nane telia꞉ mea epea꞉ka꞉na꞉ta꞉ timba꞉ lo pamba꞉la꞉eki pa꞉ta꞉ na pomiki pa̱a̱ pa꞉la꞉eki pa꞉ta꞉ hata꞉ da꞉ta halieke. Mo da꞉ta꞉la꞉ ekina꞉ pa̱a̱ pa꞉la꞉eki pa꞉ta꞉ halieke.

Dioni 8:12 Mawu Ofanana

Ma꞉tiu 5:14

Ikita꞉ do kenke wanda꞉halina꞉ pa̱a̱ halememe. Mo peiyene elinina꞉ hala꞉ daonita꞉ a꞉mbao hapeke na ya꞉la꞉me.

Luku 2:32

Kutu pitolo hata꞉ ipikana꞉ma꞉ mo Diendaili wanda꞉hali pa꞉ta꞉ pa̱a̱ pa꞉la꞉eki haluekema꞉ make Isulai wanda꞉halina꞉ biki tieke wina꞉ loluekema꞉ make pilieke laa leekeme.

Dioni 12:35

Yesuma꞉ iki pa꞉ta꞉ alota꞉ Mo hande pa̱a̱ pa꞉la꞉ ekita꞉ iki ame̱le̱ hosiki halimikie. Timba꞉ la꞉la꞉ ekima꞉ iki mea tombuaama꞉na꞉ pa̱a̱ pa꞉la꞉ pita꞉ kone pua꞉pa꞉peke. Timba꞉ la꞉pa pa꞉la꞉ pa꞉ta꞉ pula꞉ halima꞉ta꞉ Dota꞉ hando pa꞉ta꞉ pulupe lelieke.

Dioni 12:36

Kutu pa꞉la꞉ ekina꞉ ikita꞉ pa̱a̱ pa꞉la꞉ dina꞉ hata꞉ pa̱a̱ pa꞉la꞉ ekina꞉ wekiwandiki leke hamina꞉yeke pa̱a̱ pa꞉la꞉eki pa꞉ta꞉ kone hone tulaapa꞉peke leekeme. Yesuma꞉ koto pi laata꞉ mo wanda꞉hali mina꞉pa꞉lao puata꞉ panka halo peekeme.

Dioni 12:46

I̱ta꞉ do kenkena꞉ pa̱a̱ pa꞉la꞉eki tupa꞉ a꞉pa halome. I̱ pa꞉ta꞉ hone tulaaseme wanda꞉halita꞉ timba꞉ la꞉ pamba꞉la꞉ pa꞉ta꞉ na haena꞉yeke epoa꞉me.

Dioni 14:6

Yesuma꞉ ipika꞉ pi hombo peaaso alota꞉ I̱ta꞉ hande pota꞉e. I̱ ota꞉ekie laa I̱ta꞉ da꞉ta꞉la꞉ekie. Hali epima꞉ yaka Apa꞉ pa꞉ta꞉ polueke hone wia꞉ka꞉na꞉ta꞉ pota꞉ ma꞉nda꞉ dia꞉me. I̱ pa꞉ta꞉ homeke epena꞉e leekeme.

Dioni 3:19

Mo pi yokaalu pulu pa꞉la꞉ ekita꞉ dupae. Do kenkena꞉ pa̱a̱ pa꞉la꞉eki amba꞉ epa꞉la꞉pate haliwekima꞉ta꞉ ika꞉ hoke haumanu pu haleme ekina꞉ hande pa̱a̱ pa꞉la꞉ ekita꞉ kiao mo timba꞉la꞉ pamba꞉la꞉eki pa꞉ta꞉ haluekema꞉ hone witelememe.

Dioni 7:17

Hali epima꞉ Koda꞉na꞉ hone pa꞉la꞉ hau puluekema꞉ hone pia꞉ka꞉na꞉ta꞉ kutu pita꞉la꞉ halima꞉ta꞉ I̱ma꞉ do waloloeki Koda꞉na꞉eki kone walaasoeki make o yaka hone wia waloloeki make handa꞉ wilieke.

Dioni 9:5

I̱ kenkena꞉ a꞉pa halo dina꞉ta꞉ kenkena꞉ pa̱a̱ peaasoeki halome leekeme.

Aposolo 13:47

Pa ekipeke Koda꞉ma꞉ dupape laa niki pa꞉ta꞉ leeke ekita꞉ dupae. Ikita꞉ mo Diendaili wanda꞉halina꞉ pa̱a̱ pita꞉la꞉eki hamina꞉ la꞉la꞉me leekeme. Ikana꞉ma꞉ mo kenke honiki nane pa꞉ta꞉manu da꞉taasa꞉eki mea pomina꞉ la꞉la꞉me leekeme.

Aposolo 26:23

Dupa. Ketisota꞉ titina꞉ amba꞉la tanda pa꞉la꞉eki meaata꞉ kutupa titina꞉ homa paa tiaalo pa꞉la꞉ hali hata꞉ mo Diu wanda꞉hali pa꞉ta꞉ make mo Diendaili wanda꞉hali pa꞉ta꞉ make pa̱a̱ pita꞉la꞉eki wala꞉tiki pilieke leleme pi kone I̱ma꞉ make alome leekeme.

2 Pida 2:17

Do haliwekita꞉ mo hande opa꞉la꞉ ikali o ala꞉ ekima꞉ handelememe. Ikita꞉ po tilipuma꞉ kili mea baala꞉ koama꞉ handelememe. Koda꞉ma꞉ta꞉ oni timba꞉ la꞉papeke naku tieke pa꞉ta꞉ta꞉ ika꞉ da panda꞉ amba꞉ mea wiala꞉me.

2 Pida 2:4

Koda꞉ma꞉ta꞉ mo hoke hau pieke enisolo manuna꞉ yenkita꞉ pa na mina꞉pa꞉lae yekepate ikita꞉ oni ti uleke pa꞉ta꞉ hoto paeyao seni puma꞉ tonkao timba꞉ la꞉papeke pa꞉ta꞉ haena꞉ la꞉la꞉me. Koto pa꞉ta꞉ta꞉ iki pi yokaalu pulu peleme nate yu wia haena꞉ la꞉la꞉me.

1 Dioni 1:6

Kota꞉ koto ya꞉ka꞉na꞉ta꞉ nikana꞉ma꞉ alota꞉ Ipiki ame̱le̱ homeke hone uluma꞉me la alo hata꞉ pa homeke dina꞉ kone timba꞉ ala꞉eki pa꞉ta꞉ haoma꞉ka꞉na꞉ta꞉ nikana꞉ma꞉ta꞉ mo nika꞉ pi aloma꞉ ekita꞉ makeaasa꞉ hau pitoloma꞉ make yayapikieki pitoloma꞉me.

Diudi 1:13

Ikita꞉ mo hande keaasa꞉ dawala homa꞉ handaa ika꞉ yaala꞉ma꞉ na homeke hau manuta꞉ mo hande ikali dakodako peneme yao wala꞉la꞉ ekima꞉ handelememe. Ikita꞉ mo hande pomu lopeleme hombulanka꞉ma꞉ handelememe. Koda꞉ma꞉ta꞉ mo wanda꞉halina꞉ hoto paeyao pa hao halo peleme timba꞉ kitii la꞉papeke da panda꞉ wamo pea wiala꞉me.

Diudi 1:6

Kutupa make mo hande enisolo manuma꞉ta꞉ ika꞉ ota꞉ epeke tupa꞉ handeteke haemekeeki pa꞉ta꞉ na hake ika꞉ epeke da hoki walemekeeki hone wipee. Ikita꞉ oni oto nane timba꞉ la꞉papeke pa꞉ta꞉ ota꞉ na paeke pa u halo pa꞉la꞉ senipu manuma꞉ hotaala꞉me. Koda꞉ma꞉ ikita꞉ mo hande Aneke natena꞉ pi yokaalu pina꞉yeke yu wia haena꞉ la꞉la꞉me hone wipee.

Peneme Yaeyekeeki 21:24

Koto kenke wanda꞉halita꞉ mo daonina꞉ pa̱a̱na꞉ pomilimikie. Kutupa mo kenkena꞉ kini manuma꞉ta꞉ ika꞉ hamoko ale manuta꞉ ipiki pa꞉ta꞉ mea ipilimikie.