Dioni 8:11 - Panake Pi La: Ula: Buka pita: Kine Pieke Buka

¹¹ Mo wanda꞉ma꞉ Yesuna꞉ pi hombo peaaso alota꞉ Tekehalio. Hali ma꞉nda꞉ dia꞉me leekeme. Yesuma꞉ alota꞉ Kota꞉ I̱ma꞉ make neke yaapo pi yokaalu na pulueke. Puaata꞉ wetepena꞉ hoke hau ma꞉nda꞉ na pea꞉peke leekeme.

Dioni 8:11 Mawu Ofanana

Luku 13:3

Ota꞉ dia꞉me. I̱ma꞉ iki pa꞉ta꞉ ota꞉ loa꞉me. Iki make ika꞉ piteleme hoke haumanu na kiaemeka꞉na꞉ta꞉ kota꞉ iki make mo hande Ka꞉lili haliweki homemeke tupa꞉ kone homilimikie.

Luku 13:5

Ota꞉ dia꞉me. I̱ma꞉ iki pa꞉ta꞉ ota꞉ loa꞉me. Iki make ika꞉ piteleme hoke haumanu na kiaemeka꞉na꞉ta꞉ kota꞉ koto tapake homemeke tupa꞉ kone homilimikie leekeme.

Luku 15:10

Koto tupa꞉ kone hoke hali homekema꞉ Koda꞉ pa꞉ta꞉ hone ma꞉nda꞉ la꞉ka꞉lea꞉ka꞉na꞉ta꞉ kota꞉ oli Koda꞉na꞉ enisolo manuma꞉ koto ekina꞉ta꞉ ta꞉na꞉ tiekema꞉ homilimikie laa leekeme.

Luku 15:7

I̱ma꞉ iki pa꞉ta꞉ ota꞉ pi alome. Koto tupa꞉ kone oli hepeni naneta꞉ pa mandane 99 hone ma꞉nda꞉ na la꞉ka꞉lapeke epeke tupa꞉ haleme wanda꞉hali pa꞉ta꞉ ta꞉na꞉ma꞉ make homelemepate pa mo hoke hali homekema꞉ hone la꞉ka꞉lea꞉ka꞉na꞉ta꞉ kota꞉ oli hepeni naneta꞉ ota꞉ ta꞉na꞉ tiekema꞉ homilimikie laa leekeme.

Luku 5:32

I̱ma꞉ta꞉ epeke hau pu haleme wanda꞉hali hone ma꞉nda꞉ la꞉ka꞉la wina꞉yeke wi loluekema꞉ na epoa꞉pate pa hoke hau pu haleme wanda꞉hali wi loluekema꞉ epoa꞉me leekeme.

Luku 9:56

Kutupa Yesu ipika꞉ disaipolo haliweki ame̱le̱ da siki ma꞉nda꞉ pa꞉ta꞉ pemekeme.

Dioni 18:36

Yesuma꞉ ipika꞉ pi hombo peaaso alota꞉ Yaka Kilu Tombuao Halo ekita꞉ do kenkena꞉eki dia꞉me. Yaka Kilu Tombuao Halo ekita꞉ do kenkena꞉eki yoluta꞉ I̱ telia꞉ mea pomineleme haliwekima꞉ta꞉ mo Diu haliwekima꞉ I̱ minaama꞉na꞉ yaka a꞉nda꞉ liaalo pimime. Dia꞉me. Yaka Kilu Tombuao Halo ekita꞉ do pa꞉ta꞉eki dia꞉me leekeme.

Dioni 3:17

Koda꞉ma꞉ta꞉ ipika꞉ Weki kenke wanda꞉halina꞉ pi yokaalu peaalo pa꞉la꞉ hali haena꞉yeke na tapake ika꞉ mea da꞉taalo pa꞉la꞉ hali haena꞉yeke tapaeyekeme.

Dioni 5:14

Wetepena꞉ mo tembolo da tukiki pa꞉ta꞉ Yesuma꞉ hande hali handa꞉ wia alota꞉ Handa꞉e. Ame neketa꞉ epeke loke haleme. Hoke hau paa na pea꞉peke. Neke pa꞉ta꞉ ka꞉nda꞉ma꞉ homa꞉la꞉ hau tieke a꞉paama꞉na꞉ loa꞉me leekeme.

Dioni 8:15

Ikana꞉ma꞉ pi yokaalu piteleme ekita꞉ kenke haliwekima꞉ yaalo alememe. I̱ma꞉ta꞉ hali ma꞉nda꞉ pa꞉ta꞉ pi yokaalu na pitolopate

Loma꞉ 2:4

Koda꞉ma꞉ neke pa꞉ta꞉ a꞉ta꞉ma꞉ wopu homaata꞉ naka꞉ hoke hauna꞉ yenki a̱i̱ na kiki yu wia hao hala꞉ ekita꞉ neketa꞉ hone na witele. Koda꞉ma꞉ a꞉ta꞉ma꞉ homa꞉la꞉ ekita꞉ nakana꞉ma꞉ ipiki pa꞉ta꞉ hone ma꞉nda꞉ la꞉ka꞉la꞉ mina haelena꞉yeke pita꞉la꞉me. Koto ekita꞉ iki paeyaoma꞉ hone witolo pelememe.

1 Kotindi 5:12

Pate pi na miki hama꞉ nane haleme wanda꞉halima꞉ pi yokaalu pea꞉peke ekita꞉ yaka e dia꞉me. Koda꞉ homekema꞉ koto wanda꞉halina꞉ pi yokaalu peaalieke. Kutu pulu pa꞉la꞉pate pa ikana꞉ma꞉ ota꞉ pea꞉peke ekita꞉ mo siosi wanda꞉halina꞉ pi yokaalu peaapeke ya꞉la꞉me.

2 Pida 3:15

Nika꞉ kame seliapo Poloma꞉ Koda꞉ma꞉ haleeke epeke hone wita꞉la꞉eki miniki hata꞉ iki pa꞉ta꞉ tameiya꞉ tapaaso leekeme. Koto tupa꞉ mo nika꞉ Tekehalina꞉ a꞉ta꞉ma꞉ homolo yu wia hala꞉ ekita꞉ iki da꞉ta꞉la꞉eki miomena꞉ waleke wiaaso pita꞉la꞉me hone wopu u hapa꞉peke.