Dioni 7:3 - Panake Pi La: Ula: Buka pita: Kine Pieke Buka

³ Koto ekina꞉ Yesuna꞉ hameke titima꞉ ipiki pa꞉ta꞉ alota꞉ Naka꞉ disaipolo haliwekima꞉ naka꞉ pitele ekimanu handena꞉yeke do pa꞉ta꞉ mina꞉pa꞉lao Diudia nane pua꞉peke.

Dioni 7:3 Mawu Ofanana

Kini Pieke 37:20

Ameta꞉ a̱i̱ lu homao ipika꞉ loketa꞉ oni naku ikali hapupapeke ekimanu ma꞉nda꞉ pa꞉ta꞉ lu baamana꞉e. Ipikita꞉ tikene ma꞉na꞉yeti sayale ma꞉nda꞉ma꞉ lia pa꞉la꞉me lomana꞉e. Kutupa ipika꞉ upama꞉ walea꞉eki manuta꞉ pilia꞉eki handomana꞉ loa꞉me lemekeme.

Ma꞉tiu 12:46

Yesuma꞉ koto wanda꞉hali pa꞉ta꞉ pimanu panake alo haena꞉ta꞉ ipika꞉ inkiki hameketonu opolo epemekeme. Ikana꞉ma꞉ da hama꞉ nane a꞉pa hata꞉ Yesu pa꞉ta꞉ pi lomono epena꞉e laa honke lemekeme.

Maka 3:21

Doeki opuaata꞉ ipika꞉ tapake titima꞉ Yesu handa꞉ muluekema꞉ pemekeme. Pa ekipeke mandane wanda꞉halima꞉ Ipikana꞉ma꞉ hone momata꞉la꞉me lea꞉tiki pimikieki opuaata꞉ pemekeme.

Maka 3:31

Kutupa ipika꞉ ama꞉ ipika꞉ hameke titima꞉ a꞉paata꞉ hama꞉ nane hata꞉ Yesu epena꞉ pi la꞉niaemekeme.

Luku 8:19

Yesuna꞉ ama꞉ make hameke tonuma꞉ ipiki handolo epemekepate Yesu teke pa꞉ta꞉ pua꞉peke na yeekeme. Ekipeke wanda꞉hali anekehapuma꞉ Yesu mea hopa꞉liao haemekeme.

Luku 8:20

Ma꞉nda꞉ma꞉ Yesu pa꞉ta꞉ a꞉pa alota꞉ Naka꞉ ama꞉ kame tonuta꞉ neke handuluekema꞉ da hama do a꞉pa halememe leekeme.

Dioni 2:2

Yesu ipika꞉ disaipolo haliweki ame̱le̱ tonka꞉na꞉ mo wanda꞉ hapieke alena꞉ ipupe laa wi leekeme.

Dioni 6:60

Ipika꞉ disaipolo haliweki wopuma꞉ koto leekeeki opua alota꞉ Do pita꞉ ka꞉nda꞉ wopu piki pie. Epi amedama꞉ opua꞉peke ya꞉la꞉pe lemekeme.

Dioni 6:66

Koto leeke handaa Yesu ipika꞉ hoki nane telimiki haliweki wopuma꞉ Yesu kiao mina꞉pa꞉lao ipiki ame̱le̱ paa na pomu haemekeme.

Dioni 7:10

Ipika꞉ hameke titi hande ne pambolo pimikieki pa꞉ta꞉ pemeke hoki naneta꞉ Yesu make peneme yao na peke a꞉mbao peekeme.

Dioni 7:4

Hali ma꞉nda꞉ma꞉ ipika꞉ honema꞉ wanda꞉hali paeyaoma꞉ yaka pitoloeki handena꞉e hone wia꞉ka꞉na꞉ta꞉ kota꞉ a꞉mbao hata꞉ pea꞉peke na ya꞉la꞉me. Do haumanu pitele ekita꞉ wanda꞉hali paeyaona꞉ leke popelekena꞉ hata꞉ pea꞉peke lemekeme.

Dioni 7:5

Kota꞉ ipika꞉ hameke titima꞉ kone Yesu pa꞉ta꞉ hone na tulaemekeme.

Aposolo 2:14

Kutupa Pidama꞉ mo hande 11 haliweki ame̱le̱ tiao hata꞉ wanda꞉hali pa꞉ta꞉ pi anekema꞉ alota꞉ Mo ya tapake Diu haliweki make do Diutuseleme teke da pa꞉ta꞉ hao haleme wanda꞉hali pa꞉ta꞉ make iki paeyao I̱ma꞉ lolua꞉ pita꞉ wotu opua꞉pa꞉pekee laata꞉