Dioni 5:9 - Panake Pi La: Ula: Buka pita: Kine Pieke Buka

⁹ Kota꞉ koto kone mo hande halita꞉ epeke loke haota꞉ ipika꞉ yapa꞉ta꞉ mea mina anke lopao peekeme. Koto hau pieke ekita꞉ Hoto Pila꞉ Natena꞉ pieke handaa

Dioni 5:9 Mawu Ofanana

Maka 1:31

Koto lemeke handaa Yesuma꞉ pua ipika꞉ kiki mea tiaaso haena꞉ yeni tandeleekeme. Kutupieke handaa mo wanda꞉ma꞉ mo hali manuna꞉ ne yankao haleekeme.

Maka 1:42

Koto leeke koto kone kindi yeni wamo peaeyeketa꞉ pa kindi yeni na hake hali leke hayekeme.

Maka 10:52

Yesuma꞉ ipiki pa꞉ta꞉ alota꞉ Neke pue. Naka꞉ hone tulaasa꞉ ekima꞉ epeaasa꞉me leekeme. Kutupa koto kone ipika꞉ leke yaapo epeeketa꞉ Yesuna꞉ hoki nane teli mea peekeme.

Maka 5:29

Kutupa koto kone we yopu hayekeeki tunkula ipika꞉ honema꞉ hone witolo hata꞉ta꞉ hande yeni paeya꞉me. Ameta꞉ tiaasome hone wiekeme.

Dioni 5:14

Wetepena꞉ mo tembolo da tukiki pa꞉ta꞉ Yesuma꞉ hande hali handa꞉ wia alota꞉ Handa꞉e. Ame neketa꞉ epeke loke haleme. Hoke hau paa na pea꞉peke. Neke pa꞉ta꞉ ka꞉nda꞉ma꞉ homa꞉la꞉ hau tieke a꞉paama꞉na꞉ loa꞉me leekeme.

Dioni 7:23

Mosesima꞉ waleeke Lo Pimanu yamba꞉laama꞉na꞉ Hoto Pila꞉ Natena꞉ kone weki ma꞉nda꞉ pa꞉ta꞉ sekemesaisi hau pimika꞉na꞉ta꞉ kota꞉ I̱ma꞉ make Hoto Pila꞉ Natena꞉ hali homeke epeaowa꞉ ekina꞉ ekipeke I̱ pa꞉ta꞉ mineke pankelemepe.

Dioni 9:14

Yesuma꞉ kenke dakole peao mo halina꞉ leke kilaake hauta꞉ Hoto Pila꞉ Natena꞉ piekeme.